Неше болды барлығы
Сабақтың тақырыбы
Ойнайық та, ойлайық!
Сабақтың мақсаты
1) Білімділік
Жаңашылдықты қолдау, ғылым мен техниканың жетістіктерін тиімді пайдалану, математикаға қызығушылық пен зейінді арттыру, алған білімді тереңдету.
2) Дамытушылық
Оқушының пәнге қызығушылығын арттыру, оқығанын есте сақтауға, тиімді тәсілдерді жылдам таңдауға дағдыландыру; ой-өрісін кеңейтіп, логикалық ойлау қабілетін дамыту.
3) Тәрбиелік
Топпен жұмыс істей білуге баулу, шапшаңдық пен ізденімпаздыққа тәрбиелеу; сыйластықты, ұйымшылдықты нығайтып, қойылған мақсатқа жетуге ұмтылдыру.
Көрнекіліктер
- Нақыл сөздер
- Карточкалық тапсырмалар
- Логикалық есептер
- Әр топқа дайындалған үстел
Кешті ашу сөзі
1-жүргізуші
Уа, халайық, халайық! Бәріне жар салайық. Бүгінгі кеш төрінде — Математика елінде. Есеп шешіп жарысып, Жұмбақ шешіп аңдысып. Шабыт тасып, шалқысын, Көңілді кеш жасайық!
2-жүргізуші
Көңілді кеш жасайық, Жұмбақ шеру жасайық. Мұнда қызық табылар — Жұмбақ есеп бәрі бар. Ал, сайыскер балалар, Білімдерің сыналар. Ойнайық та, ойлайық, Кеште қарап қалмайық.
Математиканың мәні туралы
1-жүргізуші
Сонау-сонау алысқа жүзсін десең кемелер, Тылсым сырлы ғарышқа ұшсын десең денелер. Жасау үшін бәрін де — математика керек. Ең маңызды ғылым бұл, Сондықтан да, сондықтан да сол ғылымның тілін біл!
2-жүргізуші
Жүзген кеме тұманда неге адасып кетпейді? Немесе ол бір маңда неге төмен шөкпейді? Оны сақтап қалатын — математика. Ең маңызды ғылым бұл, Сондықтан да, сондықтан да сол ғылымның тілін біл!
Ендеше «Ойнайық та, ойлайық!» атты сайысымызды бастауға рұқсат етіңіздер.
Қатысушылар
Бүгінгі жарысқа төрт топ қатысады:
1-топ: Тапқырлар
2-топ: Ойшылдар
3-топ: Білгірлер
4-топ: Алғырлар
Сайыс жоспары (6 тур)
-
1-тур: «Тапқыр болсаң, тауып көр» — суреттегі заттардың айырмашылығын табу
-
2-тур: «Біліміңді сынап көр» — тест орындау
-
3-тур: «Өз біліміңді пайдалан» — бірнеше амалдан тұратын мысалдар шығару
-
4-тур: Жұмбақ есептерді шешу
-
5-тур: «Ойлан, тап!» — жетіспей тұрған фигураны табу
-
6-тур: «Қас қағым сәт» — 1 минут ішінде геометриялық фигуралардан адам бейнесін құрастыру (салу)
2-тур: «Біліміңді сынап көр»
Тест тапсырмалары (10 сұрақ)
1) Толық ондықтарды көрсет:
- А. 10, 12, 15, 18
- Ә. 20, 40, 60, 80
- Б. 25, 34, 56, 100
2) 5 ондық, 6 бірлік — қай сан?
- А. 65
- Ә. 50
- Б. 56
3) 100 дегеніміз:
- А. 10 ондық
- Ә. 1 ондық
- Б. 10 бірлік
4) Өрнектің мәнін тап: 14 + 5 − 10
- А. 10
- Ә. 9
- Б. 19
5) 40 пен 20-ның қосындысынан 30-ды азайт. Қайсысы дұрыс жазылған?
- А. 40 + 20 + 30
- Ә. 30 + 40 − 20
- Б. 40 + 20 − 30
6) 4 дм + 5 дм = ? см
- А. 90 см
- Ә. 9 см
- Б. 90 дм
7) Жақшалы өрнекте алдымен қай амал орындалады?
- А. Жақшадан кейінгі амал
- Ә. Жақшаның ішіндегі амал
- Б. Жақшаның алдындағы амал
8) Барлығы — 50 тоқаш. Желінгені — 20 тоқаш. Қалғаны — ?
- А. 40
- Ә. 30
- Б. 20
9) Дүйсенбіден кейін 3 күн өткен соң қай күн келеді?
- А. Бейсенбі
- Ә. Жұма
- Б. Сенбі
10) Алмұрт алмадан ауыр, ал алма шабдалыдан ауыр. Ең ауыры қайсысы?
- А. Алмұрт
- Ә. Шабдалы
- Б. Алма
3-тур: «Өз біліміңді пайдалан»
Бірнеше амалдан тұратын мысалдарды есептеңдер:
10 + 5 − 6 + 10 − 9 − 7 + 9 − 7 + 6 − 0 − 3 =
15 − 7 + 6 − 10 + 8 − 2 − 6 + 8 − 9 + 8 − 4 =
4-тур: Жұмбақ есептер
а) Барлығын тап:
11 түйе, 5 жылқы, 2 сиыр, 1 ешкі, 2 қоян, 3 түлкі. Нешеу болды барлығы?
Жауабы: 24
ә) Мысықтар туралы есеп:
Қазып жүр құмды бес мысық, үшеуі жатыр күн ыстық. Екеуі жүр шомылып. Барлығы қанша?
Шешуі: 5 + 3 + 2 = 10
б) Құю туралы жұмбақ:
Сапырып-сапырып Арманға бер, Құйып-құйып Алмасқа бер, Есіктегі екеуге бер, Төрдегі төртеуге бер, Өзің іш те, маған бер. Сонда үйдегі адам нешеу?
5-тур: «Ойлан, тап!»
Жетіспей тұрған фигураны табу.
Бұл турға арналған сурет/карточка тапсырмасы бөлек беріледі.
6-тур: «Қас қағым сәт»
1 минут ішінде геометриялық фигуралардан адам бейнесін салу (немесе құрастыру).
Уақыт өлшеу үшін таймер, ал жұмысқа қағаз және түрлі фигуралар дайындалады.
Қорытынды
Сайыс соңында әр тур бойынша ұпайлар жинақталып, белсенділігі мен тапқырлығы жоғары топтар марапатталады. Қатысушылардың ынтымақтастығы, логикалық ойлауы және жылдам шешім қабылдау дағдысы бағаланады.