Жазу жолындағы әріптерді жазу. Жаңа сабақты түсіндіру

Сабақтың тақырыбы

Г дыбысы мен әрпі.

Сабақтың мақсаты

1) Білімдік

Г дыбысы және әрпімен таныстыру, өтілген дыбыстарды қайталау.
Дауысты және дауыссыз дыбыстарды ажырата білу.
Сөздерге дыбыстық талдау жасау.
Буынға бөлу туралы түсінікті дамыту.

2) Тәрбиелік

Әдептілікке, адамгершілікке және ұқыптылыққа тәрбиелеу.

3) Дамытушылық

Есте сақтау мен ойлау қабілеттерін дамыту.
Тіл байлығын арттырып, сөздерді байланыстырып сөйлеуге төселдіру.

Әдіс-тәсілдер және көрнекіліктер

Әдістер

Әңгімелесу, түсіндіру, топтастыру жұмысы.

Көрнекі құралдар

Кеспе әріптер мен буындар, үлестірмелі суреттер, әліппе дәптері.

Сабақтың барысы

I. Ұйымдастыру кезеңі

Оқушыларды түгелдеу, назарларын сабаққа аудару.
Оқу құралдарының дайындығын тексеру.

Өтілгенді қайталау: «Бір айналым сөйлеу» ойыны

Оқушылар ішінде Ү дыбысы бар сөздерді ойлап айтады. Әр оқушы бір сөзден айтып, кезекпен жалғастырады.

үкі күріш күлкі жүзік т.б.

II. Жаңа сабақты түсіндіру

Сұрақ-жауап

Мұғалім: Қазір қай мезгіл?

Оқушылар: Күз мезгілі.

Жұмбақ арқылы жаңа дыбысты табу

Гүлде бар, Менде жоқ. Шегеде бар, Бізде жоқ.

Жауабы: Г.

Г дыбысы мен әрпімен танысу

Г әрпінің баспа және жазба түрлерімен танысу, ауада жазып көру.
Дауысты ма, әлде дауыссыз ба екенін анықтау (Г — дауыссыз дыбыс).
Г дыбысы бар сөздерді айту және дыбыстың сөздегі орнын табу (басы, ортасы).

Мысал: есімдер құрастыру

«Гүлжан» сөзінде бірінші естілетін дыбыс — Г. Г дыбысынан басталатын адам аттарын ойлап табайық:

Гүлсім Гауһар Гүлнар Гүлбаршын

Г дыбысының таңбасы тақтаға жазылады: Г г.

III. Оқулықпен жұмыс

Буындарды оқыту

Бір буынды және екі буынды тіркестерді оқыту:

га гу ги е-гіз ше-ге е-геу не-ге

Сөздерді оқу және түсіндіру

Бағандағы сөздерді оқып, мағынасын түсіндіру. Г дыбысы сөздің басында да, ортасында да кездесетінін байқату.

IV. Дәптермен жұмыс

Жазылым

Жазу жолындағы әріп үлгілерін сауатты жазу.
Буындық диктант: та, га, са, ра, ге, гіз.

Сөйлем құрау

Оқушылар сурет пен сызбаға сүйеніп сөйлем құрап жазады:

Ол — гүл. Далада да, үйде де өседі.

«Ойлан, тап!» ойыны

Берілген әріптен басталатын сөздер мен есімдерді атау:

Г → Гүл Гүлсім Гүлжан Гүлнар

Сурет бойынша жұмыс және сергіту

Сурет бойынша әңгіме құрастыру, кейін сергіту жаттығуын орындау:

Кел, балалар, ойнайық,
Тектен текке тұрмайық.
Жемістерді жинайық,
Үзіп алып бақтардан,
Жолдастарға сыйлайық!

V. Сөздік диктант

Төмендегі сөздерді мұқият тыңдап, дәптерге жазу:

шеңгел ауа су ну ту ана ата

VI. Қорытындылау және бекіту

Сұрақ: Біз бүгін не үйрендік?

Жауап: Г дыбысы мен әрпі.

Оқушылардың білімін бағалау.

VII. Үй тапсырмасы

«Егеу», «шеге» сөздеріне байланысты суреттермен жұмыс жасау (суреттерді қарап, атау, дыбыстық талдау жасау).