Музыкалық қабілетін арттыру

Сабақтың тақырыбы: Күй тартудағы оқушының алғашқы қадамы

Сабақтың мақсаты:
Білімділігі: Оқушыға күй туралы түсінік беру. Музыкалық қабілетін арттыру.
Дамытушылығы: Оқушының музыкалық білімін, есте сақтау, ойлау қабілетін дамыту.
Тәрбиелілігі: Музыканы түсінуге баулу, ұлттық өнерді қастерлеуге, құрметтеуге тәрбиелеу.
Сабақтың көрнекілігі: Тақырыпқа сай плакат.

Сабақтың барысы:
І. Ұйымдастыру кезеңі: Оқушының сабаққа әзірлігін тексеру, назарын сабаққа аудару.
ІІ. Үй тапсырмасын тексеру: Тень - тень В. Калинников.
Еркем - ай халық әні.
Алма ағаштың аясында Т. Камалдинов

ІІІ. Сергіту сәті: (тренинг - жаттығу)
Осы өлең жолдарын айтып түрлі дене жаттығуларын жасаймыз.
Қанат қағып жалма - жан,
Талпынғандай ұшуға.
Иіліп келіп қол созам,
Аяғымның ұшына.
Баян болып тартылып,
Барабанша соғамыз.
Домбырамен ән айтып,
Қамажайға билейміз.

ІV. Жаңа сабақ: Күй тартудағы оқушының алғашқы қадамы .

Күй - домбырада және басқа да халық аспаптарында орындалатын музыкалық шығарма. Күй өзінің құрылымдық өзгешелігіне байланыс - ты бас, негізгі, орта буындар мен кіші және үлкен саға деп аталатын бірнеше бөлімдерден тұрады. Осыған орай домбыра мойны да сондай бөлшектерге бөлінеді.
Күйлер - тақырыбы мен мазмұнына қарай аңыз күйлер, тарихи күйлер, лирикалық күйлер, халық күйлері болып жіктеледі. Бүгін біз халық күйі Кеңесті үйренеміз. Халық күйлері ұрпақтан - ұрпаққа жеткенімен, шығарған кісілердің аты - жөні ұмыт болуынан халық күйі деп аталған.
Күйді орындап көрсету.

Кеңес күйі С - dur тональділігінде жазылған. Өлшемі 2 4. Күй бас, негізгі, ортаңғы, буындар мен кіші сағада орындалады.
Дамыту: Кеңес күйін нота бойынша талдау. Тактмен жұмыс жасау.
Бекіту:
- Күй дегеніміз не?
- Кеңес күйінің авторы кім?
- Халық күйі дегеніміз не?

Қорытындылау: Міне бүгін біз домбырада күй тартып үйрендік. Домбыра тарту өнері атадан балаға ғасырлар бойы рухани дәстүр болып келе жатқан музыкалық мұрамыз. Сондықтан өнерді, музыканы қастерлей білуіміз керек.
Үйге тапсырма: Кеңес күйін сағаға дейін нота бойынша жүргізіп
ойнау.
Бағалау.