Оқушылардың әрекеті

Сабақ тақырыбы

Көктем. Жазғытұрым. Зат есім.

Мақсаты

Өлеңді түсініп, мәнерлеп оқуға үйрету.
Зат есім сөздермен таныстыру.
Сыни тұрғыдан ойлауды дамыту, шығармашылық қабілетті арттыру.
Топпен жұмыс істеу дағдыларын қалыптастыру.
Табиғаттың әсемдігін көре білуге тәрбиелеу.

Күтілетін нәтиже

Оқу дағдысы

Өлеңді түсініп, мәнерлеп оқиды.

Тілдік білім

Зат есім сөздер туралы мағлұмат алады.

Ойлау және шығармашылық

Сыни тұрғыдан ойлауы қалыптасып, шығармашылық қабілеттері дамиды.

Коммуникация

Ауызша сөйлеу және есте сақтау қабілеттері артады.

Топтық жұмыс

Топпен жұмысқа белсенді қатысады, ортақ нәтижеге жауапкершілікпен қарайды.

Қолданылатын модульдер

1 Оқыту мен оқудағы жаңа тәсілдер.
2 Сыни тұрғыдан ойлау (СТО).
3 АКТ-ны пайдалану.
4 Оқыту үшін бағалау және оқуды бағалау.
5 Оқушылардың жас ерекшеліктеріне сай оқыту және оқу.
6 Талантты және дарынды балаларды оқыту.
7 Оқытудағы басқару және көшбасшылық.

Дереккөздер мен құрал-жабдықтар

Интербелсенді тақта Смайликтер Оқулық Дәптер А4 қағазы Семантикалық карта Стикерлер Постер Маркерлер

Сабақтың барысы

Кіріспе

3 минут

Ұйымдастыру

Сыныпты сабаққа ұйымдастыру, ынтымақтастық атмосферасын орнату.
Тренинг: «Бразилия жаңбыры».

Топқа бөлу және бағалау

Оқушылар реттік санау арқылы 2 топқа бөлінеді.
Әр топ топ басшысын сайлайды.
Әр дұрыс жауап үшін смайлик беріледі; бағалау смайлик санына қарай қойылады. Жеңіс топ мүшелерінің жинаған смайликтеріне байланысты анықталады.

1) Қызығушылықты ояту (Білу)

Мұғалім көктем тақырыбына бағыттайтын сұрақтар қояды. Оқушылар жауап беріп, өз ойларын айтады.

Мұғалімнің сұрақтары

Көктем қай айдан басталады?
Не жылына бастайды?
Не ериді?
Жылғалардан не ағады?
Жылы жақтан не ұшып келеді?
Не жиі жауады?
Жан-жануарларда қандай өзгеріс болады?
Көктемнің алғашқы гүлі қалай аталады?
Ең бірінші ұшып келетін жыл құсы қайсы?
Көктемде адамдар не істейді?

Түйінді ой

Бүгінгі сабақтың тақырыбы: «Көктем. Жазғытұрым».

Сабақ барысында өлеңмен жұмыс жасай отырып, зат есім сөздерді тану дағдысы дамытылады.

2) Ой қозғау (Түсіну)

«Жазғытұрым» сөзіне ассоциация жасату: оқушылар сөзді естігенде ойға келетін ұғымдарды атап, ортақ карта құрастырады.

Ассоциацияға мысал тіркестер

Жылы жел соқты, жылғалардан су ақты, қаз келді, ауыл қыстаудан көшеді.

3) Мағынаны ашу

Оқулықпен жұмыс жүргізіледі: мұғалім Ілияс Жансүгіров туралы қысқаша мәлімет беріп, «Жазғытұрым» өлеңін мәнерлеп оқиды.

Оқушылардың әрекеті

Өлеңді өз бетімен оқиды.
Мазмұнын топта талқылайды.
Топтастыру жұмысын орындайды.

Тексеру сұрағы

«Жазғытұрым» қай мезгілге қатысты? (Кейде оқушылар бұл сөзді жаз мезгілімен шатастыруы мүмкін.)

Әр топ өз пікірін дәлелдейді. Семантикалық картаны толтыру арқылы «жазғытұрымның» көктем мезгілі екенін негіздеп, өлеңнің мағынасын терең түсінеді.

Сергіту сәті

2 минут

Музыка ырғағымен билеп, сергіп алады.

Ойын: «Бұрын не болған? / Кім болған?»

Шарты: мұғалім әртүрлі заттың атын айтады, оқушылар оның бастапқыда не болғанын (немесе кім болғанын) табады.

Қазір	Бұрын
Балапан	жұмыртқа
Көйлек	мата
Шал	жігіт
Білімгер	оқушы
Гүл	бүршік
Түйе	ботақан
Тон	тері
Ұн	бидай
Балық	уылдырық
Мұз	су

Бұл ойын оқушылардың сөздік қорын кеңейтіп, себеп-салдар байланысын табуына және зат есімдерді нақтылауға көмектеседі.