Қазақша рефераттар

Оқушыларға патриоттық және адамгершілік тәрбие беру

Математика • 2-сынып Қайталау сабағы Интеграциялық • Ойын сабағы

Тақырып

Амалдарды орындаудың рет тәртібі. Жақшалар.

Негізгі ереже: жақша ішіндегі амалдар алдымен орындалады.

Пәнаралық байланыс

  • Ана тілі
  • Дүниетану

Көрнекіліктер

  • Таратпа материалдар
  • Қазақстан қалаларының көріністері (слайд)
  • Ойын тапсырмалар

Сабақтың мақсаттары

1) Білімдік

Жақшалы өрнектердің орындалу ретін пысықтау және «алдымен жақша» ережесін бекіту; топтық, жұптық және жеке тапсырмалар орындау.

2) Дамытушылық

Ойын арқылы оқушылардың жылдам, ауызша есептеу дағдыларын және ойлау қабілетін дамыту; танымдық қызығушылығын арттырып, ой-өрісін кеңейту.

3) Тәрбиелік

Патриоттық және адамгершілік тәрбие беру, бір-бірін қолдауға және ынтымақтаса жұмыс істеуге баулу.

1) Ұйымдастыру кезеңі

Сабақ психологиялық дайындықтан басталады: оқушылар «жүрек жылуын беру» жаттығуын орындайды. Әр оқушы жүрекке тілек айтып, сыныптағы өзіне ұнайтын адамға ұсынады.

Мұғалім оқушыларды сабақтың тақырыбы және мақсатымен таныстырады. Осы сәтте есік қағылып, біреу «сыр сандықты» қалдырып кетеді.

Сюжеттік байланыс

Экранда кітап оқып отырған оқушының суреті көрсетіледі. Оқушылар оның Қартқожа екенін айтады. Қартқожа сандықтың тек жұмбақ кілт сөз табылғанда ғана ашылатынын хабарлайды.

Кілт сөзді табу үшін оқушылар саяхатқа аттанады. Поезд дыбысы естіліп, Қартқожа дайындаған пойызға орындарға жайғасу ұсынылады.

2) Өткенді қайталау: ауызша есептеу

Оқушылардың алдында билеттер болады. Тапсырма: өрнектің мәніне сәйкес вагонға отырып, «Орныңды тап» ойынын орындау.

Билеттердегі өрнектер

Мұғалім билеттер бойынша оқушылардың дұрыс отырғанын тексереді.

21 − 20 10 − 9 41 − 40 61 − 60 10 − 8 4 − 2 42 − 40 32 − 30 8 − 6 33 − 30 1 + 2 43 − 40 53 − 50 14 − 10 84 − 80 3 + 1 74 − 70

«Кім жылдам?» ойыны

Оқушылар келесі баратын қалалардың қозғалыс бағытын табады. Қай топ бірінші орындаса, сол топ жеңімпаз атанады.

Көркем жазу

Алматы қаласына жеткенше оқушылар дәптерін ашып, бүгінгі күнді жазады және көркем жазу жолын толтырады.

Алматы аялдамасы: тапсырмалар арқылы кілт сөздің бір бөлігі

Экранда Алматы қаласының көрікті ғимараттары көрсетіледі. Кенет «Шибұт, Қарынбас, Қылмойын» ертегісінің кейіпкерлері пайда болып, кілт сөздің жартысын бірден бермейтінін айтады.

Сұрақ

Ертегіде бұл үшеуі не істемекші болды? Жауабы: тоқтыны ұрлап, жегісі келді

Ойын: «Тоқтыларды жинау»

Тапсырмалар ауызша орындалып, амалдардың орындалу реті еске түсіріледі.

  1. 1. 90 бен 50-дің айырмасына 8-ді қос.
  2. 2. 80 бен 30-дың айырмасына 7-ні қос.
  3. 3. 60 пен 50-дің айырмасына 40-ты қос.
  4. 4. 70 пен 40-тың айырмасынан 20-ны азайт.
  5. 5. 50-ге 90 бен 80-нің айырмасын қос.
  6. 6. 60-қа 50 бен 30-дың айырмасын қос.

Нәтижесінде оқушыларға кілт сөздің бірінші бөлігі беріледі.

Түркістан аялдамасы: эстафеталық жарыс

Келесі бағыт — Түркістан. Бұл — көне қалалардың бірі. Осы жерде «Ұр, торпақ» ертегісінің кейіпкерлері кездеседі.

Құс есектің тапсырмасы

Эстафеталық жарыс: қай топ жылдам әрі зерек екенін дәлелдейді.