Қазақша рефераттар

Үштік топ

Қысқа мерзімді жоспар: сабақ құрылымы

Бұл жоспар 3-сынып оқушыларына арналған. Сабақта аңыздың мазмұны арқылы кейіпкерлердің мінез-құлқын талдау, әділеттілік пен адамгершілік құндылықтарын ажырату, ой қорыту және пікір айту дағдылары дамытылады.

Кіріспе

2 минут

Психологиялық дайындық

Бір ата, бір ананың түлегіміз,
Бір болсын қайда жүрсек тілегіміз.
«Бірлік барда тірлік бар» деген бабам,
Бірлікпен бірге соқсын жүрегіміз.

Оқушы әрекеті: өлеңді хормен айтады.

Топқа бөліну және рөлдерді анықтау

3 минут
  • Оқушылар «бір, екі, үш» деп санап, өз санына сәйкес жылдам топтарға орналасады.
  • Әр топ ішінде рөлдер бөлінеді: лидер, баяндамашы, уақыт сақшысы, бақылаушы, хатшы.

Оқушы әрекеті: топқа бөлініп, рөлдерді өзара келісіп тағайындайды.

Өткенді қайталау және тексеру

5 минут

Мазмұн сұрау

«Қарлығаш пен шөже торғай» тақырыбы бойынша мазмұндау сұралады (кемі 5 оқушы).

Қысқа тест

Соңғы үш сабақта өткен материал бойынша шағын тест тапсырмасы орындалады.

Үй жұмысына табыс критерийлері

  • Шөже торғайдың қарлығаштан сұрауы.
  • Қарлығаштың сабырлылығы.
  • Мазасыз шөже торғайдың күйі.

Оқушы әрекеті: тест орындайды, жауап береді.

«Мозайка» әдісі бойынша сұрақтар

  • Мысал не туралы?
  • Шөже қарлығаштан нені сұрағысы келді?
  • Қарлығаш оның сұрағына қалай жауап берді?

Түсіну

5 минут

Талқылау сұрақтары

  • Сіз шөже мен қарлығаштың мінезін қалай салыстырар едіңіз?
  • Қарлығаштың ең жақсы жауабы қандай деп ойлайсыз?

Оқушы әрекеті: сұрақтарға жауап береді.

Ой тастау

Ақша мен тамақ туралы қысқаша мәлімет беріледі, бейнефильм көрсетіледі. Осыдан кейін «Тамақтың иісі мен ақшаның сылдыры» аңызы таныстырылып, мазмұны әңгімеленеді.

Бағалау: формативті бағалау.

Қолдану

5 минут

«Жүз бір жұмбақ, мың бір мақал»

Оқушылар жұмбақтың жауабын табады, мақалдың жалғасын айтады.

Оқушы әрекеті: топ басшылары таңдап, бәрі бірігіп нақты жауап береді.

Сергіту сәті: топтық жұмыс

Плакаттарға жапсырылған суреттерге сүйеніп, аңызды әңгімелеу.

АКТ: «Миллионер» ойыны

Оқушылар «ақшаны» таңдап, астындағы жасырылған сұрақтарға жауап береді. Дұрыс жауап үшін «сыйлық ақша» (сувенир) беріледі.

Мақсаты: жоғары деңгейлі ойлау дағдыларын байқау.

Жоғары деңгейлі сұрақ

«Егер сендерде ақша көп болса, оны қалай жұмсар едіңдер?»

Бағалау: формативті бағалау.

Негізгі бөлім

5 минут

1-топ

«Бай» кейіпкеріне сипаттама беру.

2-топ

«Қожанасыр» кейіпкеріне сипаттама беру.

3-топ

«Кедей» кейіпкеріне сипаттама беру.

Дәптермен жұмыс

Оқыған аңызға сүйене отырып, бай мен кедейге сипаттама жазыңдар.

Оқушы әрекеті: дәптерге жазып орындайды.

Үштік топқа бөліну

100, 50, 20, 2, 1 теңге жазылған стикерлер арқылы оқушылар топтарға бөлінеді.

Оқушы әрекеті: жылдам топтасады.

Топтық тапсырма

Оқушылар бірігіп сөзжұмбақ пен ребус құрастырады.

Бағалау: формативті бағалау.

Қорытынды

5 минут

Тақтамен жұмыс

Сөзжұмбақтың шешімін тауып, тақтаға жазу.

Сұрақ-жауап

  1. Неліктен Қожанасыр кедейге көмектесті?
  2. Егер Қожанасыр қазір тірі болса, жағдайлар жақсарар ма еді?
  3. Сіз қалай ойлайсыз?
  4. Егер сіз байдың орнында болсаңыз, не істер едіңіз?

Рефлексия

Не білдім?

Сабақтан алған негізгі ақпаратты жинақтау.

Не үйрендім?

Кейіпкерлерді салыстыру және пікір айту.

Нені білгім келеді?

Келесі сабаққа сұрақ қалыптастыру.

Оқушы әрекеті: өз ойын айтып, қорытынды жасайды.

Бағалау: жиынтық бағалау.