Ұлтымыз кім
Маңғыстау облысы, Қарақия ауданы, Құрық ауылы
Балабақша тәрбиешісі: Амирова Нұргүл Ануарбекқызы
Ересектер тобына арналған ұйымдастырылған оқу іс-әрекетінің технологиялық картасы
Оқу іс-әрекетінің бағыты
Білім беру саласы
Шығармашылық, қатынас, әлеуметтік орта.
Іс-әрекет түрлері
- Тіл дамыту
- Қоршаған ортамен таныстыру
- Жапсыру
Тақырыбы
«Достық — ел мақтанышы»
Мақсаты мен міндеттері
Мақсаты
Балалардың жыл мезгілдері туралы білімдерін бекіту, танымдық құзыреттілігін арттыру, сөздік қорын молайту, татулық пен достыққа тәрбиелеу, шығармашылық қабілетін дамыту.
Міндеттері
- 1 Сөздік қорын молайту.
- 2 Есте сақтау қабілетін дамыту.
- 3 Ойлау қабілетін жетілдіру.
Құрал-жабдықтар мен сөздік жұмыс
Көрнекіліктер
Қазақстан Республикасының рәміздері, ұлт өкілдерінің суреттері, жыл мезгілдері тақырыптық көрнекіліктері, үлестірмелі суреттер.
Қажетті заттар
- Желім
- Қайшы
- Түрлі түсті қағаз
- Альбом
Билингвизм (жаңа сөздер)
Сабақ барысы: тәрбиешінің іс-әрекеті
1) Шаттық шеңбері
Тәрбиеші балаларды шаттық шеңберіне шақырып, жылы тілектермен сабақты бастайды:
Армысың, қайырымды Аспан ата!
Армысың, шұғылалы Алтын күн!
Армысың, мейірімді Жер-ана!
2) Әңгімелесу және сұрақ-жауап
Тақырыпты ашуға арналған сұрақтар
- Жыл мезгілдері қандай? Айларын атап беріңдер.
- Көктем мерекелері туралы не білесіңдер?
- Біздің Отанымыз қалай аталады?
- Қазақстан Республикасының рәміздері қандай?
- Біздің ұлтымыз кім?
Негізгі ой
Тәрбиеші балалардың назарын көрнекіліктерге аударып, 1 мамыр — Қазақстан халқының бірлігі күні екенін түсіндіреді. Қазақстан — көпұлтты мемлекет: мұнда өзбек, орыс, әзербайжан, татар, ұйғыр, украин және басқа да көптеген ұлт өкілдері тату-тәтті өмір сүреді. Кең байтақ елімізде 120-дан астам ұлт өкілі бар.
Тәрбиеші: «Татулықсыз, достықсыз жақсы іс алға баспайды» деген ойды бекітіп, балаларға достық пен бірлік туралы білетін тақпақтарын айтуға және мақал-мәтелдер келтіруге ұсыныс жасайды. Халқымыздың кеңпейілдігі мен қонақжайлығының арқасында түрлі ұлт өкілдері бір шаңырақ астында тату өмір сүріп келеді.
3) Сергіту сәті
Қимыл-қозғалыс арқылы өлең жолдарын қайталайды:
Біз кішкентай баламыз,
Өсіп-өніп толамыз.
Күнге қарай талпынып,
Көкке қанат қағамыз.
Әлемдегі бар адамға,
Жақсылық біз тілейміз.
4) Ойын-тапсырма: «Шар жапсырамыз!»
Тапсырма мазмұны
Балалар түрлі түсті қағаздан шарларды қиып, альбом бетіне ретімен жапсырады. Жұмыс барысында ұқыптылық, қауіпсіздік және бір-біріне көмектесу дағдыларына мән беріледі.
Тілдік мақсат
Тәрбиеші жаңа сөздерді бекітеді және балаларға оларды сөйлем ішінде қолдануға бағыт береді: көктем, жаз, күз, қыс, достық, шар, Әнұран, Ту, Елтаңба.