Музыка ырғағы арқылы патриоттық сезімін ояту

Тәрбие сағаты

Мен – егеменді елдің болашағымын

Бұл тәрбие сағаты Қазақстанның мемлекеттік рәміздері мен туған өлкеге деген сүйіспеншілікті нығайтуды көздейді. Музыка, карта және көрнекі материалдар арқылы оқушылардың патриоттық сезімін оятып, азаматтық жауапкершілігін арттыруға бағытталған.

Мақсаты

Қазақстан Республикасының картасымен таныстыру, әсіресе Жамбыл облысы мен туған жер туралы білімді кеңейту.
Отанды, елді, табиғатты, жерді құрметтеп аялауға тәрбиелеу; ержүректілікке, азаматтыққа және патриоттық сезімге баулу.
Музыка ырғағы арқылы оқушылардың патриоттық сезімін ояту.

Көрнекілігі

Суреттер Карта Әуен

Тәрбие сағатының өту барысы

1) Ұйымдастыру кезеңі

Бастау

Амандасу.
Балалар хормен «Атамекен» әнін орындайды.

2) Кіріспе бөлім

Біздің республикамыз Қазақстан деп аталады. Біздің еліміз — тәуелсіз мемлекет. Егемен ел болғандықтан, Қазақстанның өз мемлекеттік әнұраны, елтаңбасы және мемлекеттік туы бар. Ұлттық ана тіліміз — қазақ тілі.

Сұрақ-жауап

Республикамыздың Президенті кім?: Н. Ә. Назарбаев
Астанамыз қалай аталады?: Елордамыз — Астана

3) Негізгі бөлім

Картамен жұмыс

Тақтаға ілінген көрнекілік — карта.
Бұл — Қазақстан картасы: онда қалалар, облыстар, өзен-көлдер көрсетілген.
Жеріміз пайдалы қазбаларға бай: мұнай-газ, уран және т.б.
Қазақстан жер көлемі бойынша әлемде 9-орында тұр. Осындай елде туғанымызды мақтан тұтамыз.
Картадан Жамбыл облысы көрсетіледі; орналасуы мен көршілес аймақтар талқыланады.

Туған елге арналған өлеңдер мен мақал-мәтелдер

Ақмаржан

Қазақстан — туған өлкем, Жер көп пе сендей көркем? Көрсін деп күллі әлемге Жалауыңды желге желпим.

Аружан

Туған жерде толамыз, Ертең жігіт боламыз. Отан — ортақ үйіміз, Көңілді ән мен күйіміз.

Азат

Туған жер-ау, туған жер! Сен ыстықсың біздерге. Мың-мың дастан жатыр Халқым басқан іздерде.

Дина

Отан — отбасынан басталады. Отан — оттан да ыстық. Отан — сенің ата-анаң, Отан — досың, бауырың. Отан — өлкең, астанаң, Отан — аудан, ауылың.

Шығармашылық бөлім

Аяулым «Жұмыр қылыш» биін орындайды.

Қорытынды сөз: «Бәрекелді, жарайсыңдар! Мен — егеменді елдің болашағымын.»