Өнеге үйреткенің болар ләзім, Басымды бала болсын кішкентайдан

Мақсаты:
Бала тәрбиесіндегі отбасының соның ішіндегі әкенің ролін айшықты көрсете отырып, жас ұрпақтың өз елін сүюге, халқымыздың салт - дәстүрін үйренуге өз отбасының тең құқылы бір мүшесі ретінде сезінуге және рухани жан дүниесін байытуға деген қызығушылығын арттыру. Мектеп пен ата - ана арасындағы байланысты жүйелі жолға қою мақсатында, отбасындағы әкенің рөлі мен оның өнегесін шеберлігін, өнерін өскелең жас ұрпақтың бойына сіңірту.
Міндеті:
- ата - ана мен бала арасындағы бір - біріне деген сүйіспеншілігін арттыру;
- мектеп пен ата - ананың байланысын нығайту;
- отбасындағы әкенің ролінің маңыздылығын айқындау.
Күтілетін нәтиже:
Әке мен бала арасындағы қарым - қатынасты нығайту. Мектеп , ата - ана , оқушы осы Үштік одақ әрқашан тығыз байланыста болуы және өзара қарым - қатынасты арттыру.
Өткізілу барысы:
Ашылуы: Спорттық би орындаушылар: 11 - сынып қыздары.
1 - жүргізуші:
Қайырлы күн халайық, бәріңізге,
Сәлем бердік үлкен кіші кәріңізге.
Әкем және мен ,- деп аталатын,
Қош келіпсіз, бүгінгі кешімізге.
Жиналған, уа, халайық, армысыздар,
Ата - ана, ұстаздарым бармысыздар.
Кешімізге бүгінгі келген үшін,
Айтатын бәріңізге алғысым бар!
2 - жүргізуші:
Келіңіздер кең ойлылар, кеңеселік.
Кеңесуден кемдік көрген емес едік.
Тартысты қызықты қып өткізуге,
Отырған мына біздер тілекші едік.
1 - жүргізуші:
Құрметті ұстаздар, ата - аналар, қадірлі көрермендер!
Бүгінгі 5 - 7 сынып оқушылары және әкелері арасында өткізілгелі отырған Әкем және мен сайысына қош келдіңіздер.
Қуат күш бойға тарап бүршік жарған,
Жапырақ жарып шығар еккен талдан.
Суарып мезгілінде тұрсақ баптап,
Болады зәулім шынар ол жайқалған.
Адамзат өмірі де сол тәрізді,
Табиғат салыстырып оны қойған.
Өнеге үйреткенің болар ләзім,
Басымды бала болсын кішкентайдан.
2 - жүргізуші:
Ұядан нені көрсе соны іледі,
Айтылмас ұлағат сөз бекер жайдан.
Ағаштай баптамасақ қисық кетер,
Ондайдан ізеттілік шықсын қайдан,- дегендей, бүгінгі Әкем және мен сайысынан біздің әр
көрермендеріміз көп тәрбие, үлгі - өнеге алады деген үміттеміз.
Күн сәулесінің жас жанға еткен әсері қандай болса, әкенің балаға деген әсері де сондай.