Қазақша рефераттар

Геометриялық фигуралар Геометриялық фигураларды атау

Сабақтың тақырыбы

Математика: білімді тиянақтау және жүйелеу.

Мақсаты

  • Өтілген тақырыптар бойынша білімді тиянақтау, жүйелеу.
  • Ой-өрісті, өзіндік іс-әрекетті, дүниетанымды дамыту.
  • Пәнге қызығушылықты арттыру, ұқыптылыққа тәрбиелеу.

Ұйымдастыру

Көрнекілік:
нақыл сөздер, қима қағаздар.
Сабақ түрі:
қайталау сабағы.
Әдісі:
ойындар, «саяхат» форматы.

Сабақтың барысы

Ұйымдастыру бөлімі: психологиялық дайындық

Орнымыздан тұрайық, мойнымызды бұрайық, бір-бірімізге қарайық, күліп-күліп алайық.

Қызығушылықты ояту

Оқушылар, біз 4 жыл бойы математика пәнін оқыдық. Математика бізге не үйретті? (Оқушылар жауап береді.)

«Математика — ғылымдардың патшасы.»

Математикасыз бірде-бір ғылым өз алдына дербес ғылым бола алмайды.

Бүгін біз математика әлеміне саяхат жасаймыз. Бұл саяхатта бірнеше аялдама бар — әрқайсысында білімімізді еске түсіріп, бекітеміз.

«Математика әлеміне саяхат»: аялдамалар

1-аялдама: Сандар

Қайталау

Сандар туралы не білеміз?

  • Натурал сандар — заттарды санағанда қолданылатын сандар: 1, 2, 3, ...
  • Сандар кластарға бөлінеді, әр класта 3 разряд болады.

Сандарды жазу (мысалдар)

  1. Елу бес мың төрт жүз қырық сегіз.
  2. Үш миллион жеті жүз алпыс бес мың төрт жүз сексен бес.
  3. Қырық үш мың елу.

2-аялдама: Арифметикалық амалдар

Есептеу

Төмендегі амалдарды орындаңыз:

Тапсырма Нәтиже
96713 + 4564 ________
184132 − 9880 ________
278 × 38 ________
2967 × 305 ________
319490 ÷ 86 ________

3-аялдама: Өрнектер

Түсіну

Өрнек туралы

  • Өрнек — амалдар арқылы жазылған математикалық жазба.
  • Түрлері: санды өрнек және әріпті өрнек.
  • Нәтижесі: қосынды, айырма, көбейтінді, бөлінді болуы мүмкін.

Өрнекті ықшамдау (мысалдар)

64 + x + 912
b + 72865 + 7
827x + 96451

4-аялдама: Сергіту сәті

Қысқа үзіліс

Қызықты ребус (ойлануға арналған тапсырма).

5-аялдама: Теңдеулер

Құрастыру

Теңдеу құрыңыз және шешіңіз:

A)

Белгісіз санды 33-ке бөліп, нәтижесіне 243-ті қосқанда 400 шықты.

Ә)

Ойлаған санға 2432-ні қосқанда 5675 шықты. Ойлаған санды табыңыз.

6-аялдама: Геометриялық фигуралар

Атау

Геометриялық фигураларды атаңыз (мысалы: үшбұрыш, төртбұрыш, шеңбер, тік төртбұрыш).

7-аялдама: Есептер

Мәтінді есеп

Есептің құрылымы

Әр есептің шарты, сұрағы, шешуі және жауабы болады.

Есеп

Саяжайдан жиналған құлпынайдан 3 литрлік 4 банка, ал қарақаттан 2 литрлік 8 банка тосап қайнатылды. Барлығы неше литр тосап қайнатылды?

Қысқаша жазылуы

Құлпынай: 3 л × 4 банка
Қарақат: 2 л × 8 банка
Барлығы: ? л

Шешуі

3 × 4 + 2 × 8 = 28
Жауабы: 28 л тосап

8-аялдама: Логикалық есеп

Ойлан

Екі шырпыны ауыстырып, «сиырды» артқа қаратыңыз.

9-аялдама: Қорытынды

Рефлексия
  • Математика әлемі туралы не білдік?
  • Тағы нені білгіміз келеді?

10-аялдама: Бағалау

Нәтиже

Оқушылардың жұмысы жауаптарына, белсенділігіне және дәлелдеуіне қарай бағаланады.

11-аялдама: Үй тапсырмасы

Жаттығу

№ 5, 267-бет