Қазақша рефераттар

Кірпі мәтінін оқып беру

Сабақ туралы қысқаша мәлімет

Пән

Сауат ашу

Сабақ тақырыбы

П дыбысы мен әрпі

Сабақ түрі

Қайталау сабағы

Жалпы мақсат

  • П дыбысы мен әрпін және оған қатысты жаңа сөздерді оқып, жазып үйрену.
  • П дыбысының дауыссыз дыбыс екенін түсіну.
  • П әрпінің жазылуын меңгеру.

Күтілетін нәтижелер

A) Таным

Дыбыс пен әріпті ажыратады және П дыбысының дауыссыз екенін анықтай алады.

B) Дағды

П әрпінің жазылу емлесін меңгереді.

C) Қолдану

П дыбысына қатысты жаңа сөздерді оқу және жазу арқылы түсінеді.

Ұйымдастыру және ресурстар

Тапсырма форматы

  • Топтық жұмыс
  • Жұптық жұмыс
  • Жеке жұмыс

Керекті жабдықтар

  • Интербелсенді тақтадағы таныстырылым
  • Дидактикалық материалдар
  • Ойындар мен суреттер

Кіріспе

Ұйымдастыру

  • Оқушылармен амандасу.
  • Топқа бөлу.
  • Психологиялық дайындық.

Психологиялық дайындық өлеңі

Біз ақылды баламыз,

Бар білімді саламыз.

Маңыз беріп оқимыз,

Сауат ашу сабағын.

Тұсаукесер

Өткенді еске түсіру

Өткен әріптерді еске түсіріп, қайталаймыз.

Әріптер тізбегі

А О Р Л Ш С У У Ы Д Т М Н Ң Ғ Ж І Ә Ө Қ К Е Б И Й Г З Ұ Ү П

Сұрақ-жауап

  • Өткен сабақта қай дыбыспен таныстық?
  • П қандай дыбыс?
  • Неліктен оны дауыссыз деп ойлайсыңдар?

“Сиқырлы әріптер мен сөздер әлеміне” саяхат

П дыбысына қатысты сөздерді айтамыз.

Топтық жұмыс: «Жұмыла көтерген жүк жеңіл»

I топ — «Шашылған әріптер»

Берілген әріптерден сөз құраңдар.

л п е ә п і

II топ — «Артық сөзді тап»

Қатардан артық сөзді анықтаңдар.

парта, пәтер, бала, пішін, піл, пияз

III топ — «Орныңды тап»

Буындар мен сөздерді дұрыс орналастырыңдар.

па, қап, по, пе, доп, пі, шөп, пә

IV топ — «Буындық лото»

Буындардан сөз құрастырыңдар.

та, кі, пер, тап, де, пар

Қайталау сұрағы

Өткен сабақта қандай мәтінмен таныстық?

«Әріптер» өлеңін жатқа айту.

Негізгі бөлім

Жұмбақ шешейік

Үсті толы ине,

Бірақ та іс тігіп,

Қадамайды түйме.

Жауабы: кірпі.

Кірпі туралы қысқаша мәлімет

  • Бір кірпіде шамамен 7–8 мың ине болады.
  • Қазақстанда кірпінің үш түрі кездеседі: кәдімгі кірпі, құлақты кірпі, қара кірпі.
  • Дене тұрқы 13–27 см, салмағы 700–800 г шамасында.
  • Орманда, бұта арасында, бау-бақшада, тіпті елді мекендерде де мекендей алады.
  • Қорегін көбіне іңірде және түнде аулайды.
  • Жәндіктермен, көлбақамен және жыланмен қоректеніп, орман шаруашылығына пайда келтіреді.
  • Қараша айында ұйқыға кетіп, көктемде күн жылынғанда оянады.
  • Орта есеппен 6 жыл тіршілік етеді.

Мәтінмен жұмыс

«Кірпі» мәтіні мұғалім тарапынан мәнерлеп оқылады, кейін оқушылармен бірге талқыланады.