Қазақша рефераттар

Оқушылардың қатысуын тексеру

Өндірістік оқыту

№2 сабақ жоспары

Тақырып: доғалы пісіруге арналған жұмыс орнын ұйымдастыру және қолмен доғалы пісіру техникасы.

Сабақ түрі

Жаңа тақырыпты таныстыру

Тақырыптың мәні

Күрделі құрылымдар әдетте жекелеген элементтерді (бөлшектерді, агрегаттарды, түйіндерді) өзара біріктіру нәтижесінде алынады. Пісіру арқылы алынған ажырамайтын қосылыстар пісіру қосылыстары деп аталады. Пісіру көбінесе металдан жасалған бөлшектерді біріктіру үшін қолданылады.

Доғалы пісіру туралы қысқаша

Доғалы пісіру кезінде қыздыру көзі ретінде электр доғасы қызмет атқарады. Ол екі электродтың немесе электрод пен пісірілетін бөлшектің арасында пайда болатын тұрақты электр разряды арқылы іске асады. Мұндай разрядты қажетті ұзақтықта ұстап тұру үшін доғаны қоректендіретін арнайы көздер қолданылады.

  • Ауыспалы ток үшін: пісіру трансформаторлары.
  • Тұрақты ток үшін: пісіруші генераторлар немесе пісіруші түзеткіштер.

Сабақтың мақсаттары

Білімділік

Дәнекерлеу жабдықтарымен дұрыс әрі қауіпсіз жұмыс істеуге үйрету.

Дамытушылық

Терең және берік білім қалыптастыру, еңбекке қатысты кәсіби шеберлік пен шығармашылықты дамыту.

Тәрбиелік

Бір-біріне көмек көрсетуге, жауапкершілікке және еңбекқорлыққа тәрбиелеу.

Сабақтың өту барысы

1) Ұйымдастыру кезеңі

Тәртіп, дайындық, құралдар

  1. Оқушылардың қатысуын тексеру, топ старостасының (бригадирінің) рапорты.
  2. Оқушылардың сыртқы түрін тексеру (арнайы киімнің болуы).
  3. Оқу құралдарын тексеру (өндірістік оқыту бойынша күнделіктер).

2) Кіріспе нұсқау

Жұмыс орны және қауіпсіздік

Нұсқау жоспары

  1. Дәнекерлеу жабдықтары мен аппараттарын таныстыру, қызмет көрсету ережелері.
  2. Жұмыс орнын ұйымдастыру және еңбек қауіпсіздігін сақтау талаптары.

Тақырыпты мәлімдеу және тезистер

  • Ток пісірушінің жұмыс орнын дұрыс ұйымдастыру бойынша мағлұмат беру.
  • Пісіру доғасын қоздыру және қоректендіру көздерімен (трансформатор, түрлендіргіш, түзеткіш) таныстыру.

3) Өндірістік оқыту тәсілдерін көрсету

Жаңа материал

Оқушыларға пісіру доғасының пайда болуы, оның тұрақты жануын қамтамасыз ету және қоректендіру көздерін дұрыс таңдау түсіндіріледі. Ауыспалы тоқта пісіру трансформаторлары, ал тұрақты токта пісіруші генераторлар немесе түзеткіштер қолданылатыны көрсетіледі.

4) Кіріспе нұсқауды бекіту

Білімді тексеру

  • Жұмыс орнын дайындау және ток пісіру құралдарын қауіпсіз қолдану ережелері.
  • Пісіру трансформаторларын, түрлендіргіштер мен түзеткіштерді қосу/өшіру және реттеу тәртібі.
  • Пісірушінің құралдары мен аспаптарын тану және қолдану.
  • Доғаны жағу және электродты балқыту дағдылары.

5) Ағымды нұсқау

Жаттығу және бақылау

Оқушылар жаттығулар орындайды, ал өндірістік оқыту шебері жұмыс орындарын аралап, орындау сапасын кезең-кезеңімен бақылайды.

Айналымдар бойынша тексеру

  1. Жұмыс орнын ұйымдастырудың дұрыстығын тексеру.
  2. Техника қауіпсіздігі ережелері мен санитарлық талаптардың сақталуын бақылау.
  3. Жұмысты орындау дұрыстығын тексеру: дәнекерлеу сымдарын қосу, доғаны қоздыру және электрод толық балқығанға дейін доғаның жануын ұстап тұру.
  4. Оқушылардың көзінше жабдық бөліктерін бөлшектеу және жинау; бөлшектердің атауын атап, пісіру тогының күшін түсіндіру.

Негізгі дағдылар

  • Қауіпсіз қосу, өшіру және реттеу.
  • Доғаны тұрақты ұстау, электродты бірқалыпты балқыту.
  • Жікті бақылау және тазалау құралдарын дұрыс пайдалану.

6) Қорытынды нұсқау

Талдау және бағалау

  1. Сабақ бойынша жалпы қорытынды шығару.
  2. Оқушылардың жұмысын өзіндік талдату.
  3. Орындалған жұмыстарды талдау: тапсырманы табысты орындаған оқушыларды атап өту, типтік кемшіліктер мен қателерді қарастыру.
  4. Орындалған жұмыстардың сапасын бағалау.

7) Үй тапсырмасы

Оқу әдебиеті

А. Тапалав, «Газ және электрмен пісірушіні өндірістік оқыту», 8–10 бет.

8) Жұмыс орнын ретке келтіру

Қорытынды тәртіп

Құралдарды жинау, жабдықты ажырату, жұмыс аймағын тазалау және жеке қорғаныс құралдарын дұрыс орналастыру.