Қазақша рефераттар

Құлақ пен тымақ қандай шығарма

Сабақтың тақырыбы

«Мысық пен тышқандар»

Сабақтың мақсаты

  1. Ертегінің мазмұнын түсініп оқып, негізгі идеясын ашу; ертегідегі нақыл сөздің мағынасын дұрыс ұғыну.
  2. Оқушылардың көркем сөйлеуін, өз ойын жүйелі жеткізу дағдыларын жетілдіру; сөздік қорын кеңейту.
  3. Үлкеннің ақылын тыңдауға тәрбиелеу.

Сабақтың түрі

Аралас сабақ

Сабақтың әдістері

  • Сұрақ-жауап
  • Түсіндіру
  • Әңгіме
  • СТО

Негізгі бағыт

Мәтінді түсініп оқу, нақыл сөз арқылы ой қорыту, шығармашылық тапсырма.

Сабақтың барысы

Төмендегі жоспар сабақтың кезең-кезеңімен өтуіне бағыт береді. Әр бөлім оқушының қызығушылығын оятып, білімін бекітуге және жаңа мазмұнды меңгертуге құрылған.

I. Ұйымдастыру

Қызығушылықты ояту (психологиялық дайындық)

Мұғалім:

— Көз не үшін керек?

Оқушы:

— Жақсыларды көру үшін.

Мұғалім:

— Екі құлақ не үшін керек?

Оқушы:

— Ақыл-кеңес тыңдау үшін.

Мұғалім:

— Екі қол не үшін керек?

Оқушы:

— Елге көмек беру үшін.

Мұғалім:

— Екі аяқ не үшін қажет?

Оқушы:

— Шетте жүрсең, туған жерге жету үшін.

Мұғалімнің қорытындысы: — Дұрыс, балалар. Ендеше көздеріңе, құлақтарыңа, қолдарыңа және аяқтарыңа саулық тілеймін.

II. Өтілген материалды пысықтау

Үй тапсырмасын тексеру

  • «Шал мен балалар» мәтінінің мазмұнын баяндату.
  • Оқушылардың бір-біріне сұрақ қоюы арқылы қорытынды жасату.
  • Қайталау және қысқа сауалнама жүргізу.

Сауалнама

  1. Қазақша жыл санау бойынша ең соңғы жыл:

    А) түйе   Б) ит   В) доңыз

  2. Аңыз деген не?

    А) Өмірде болған адамдардың басынан өткен оқиғалары жөніндегі шығарма
    Ә) Ойдан құрастырылған шығарма
    Б) Екі адамның өзара сөйлесуі

  3. «Құлақ пен тымақ» қандай шығарма?

    А) ертегі   Ә) мысал   Б) аңыз

  4. Қысқы ойын түрлері туралы айтылған өлең:

    А) «Жұмыстың жылуы»   Ә) «Шынықсын денеміз»   Б) «Қыста қызық жұмыс бар»

  5. «Жұмыстың жылуы» өлеңінің авторы:

    А) Қадыр Мырза Әли   Ә) Бүркіт Ысқақов   Б) Бердібек Соқпақбаев

III. Жаңа сабақ

Ой шақыру: жұмбақ шешу

Мысықтан қорқады,
Тонын киіп туған,
Түнде жортады,
Жалап бетін жуған.

Жауабы

Тышқан

Мұртын сипап күн бойы,
Бетін сусыз жуады.
Тысырды аңдып түн бойы,
Тышқанды көп қуады.

Жауабы

Мысық

Сыныпқа сұрақ

— Тышқан мен мысық туралы не білесіңдер?

Мәтінмен жұмыс

  • Ертегінің мазмұнын түсіндіру.
  • Ертегіні тізбектей оқыту.
  • Ертегідегі нақыл сөзді тауып, мәнерлеп оқыту.

Талдау және шығармашылық

  • Ертегі неге осы нақыл сөзге құрылғанын талқылау.
  • Ертегі желісі бойынша мультфильм (сюжеттік жоспар) құрастыру.

IV. Сабақты бекіту

Рефлексия

— Мен бүгін не үйрендім?

Ойын

«Мысық пен тышқан» ойынын ойнату.

V. Үй тапсырмасы

Ертегіні түсініп оқу.

VI. Бағалау

Оқушылардың сабаққа қатысуы, мәтінді түсініп оқуы, талдауға қатысуы және тапсырмаларды орындауы бойынша бағалау жүргізіледі.