Сайысымыздың әділ қазылар алқасымен таныстыру
Іс-шара туралы
Өтетін орны
ШҚО, Аягөз қаласы, №5 жалпы білім беретін орта мектеп (КММ)
Жауапты тұлға
Бастауыш сынып мұғалімі: Аязбекова Дария Сериковна
Тақырып
«Тіл – достықтың кепілі» аудандық мәнерлеп оқу сайысы
Мақсат пен міндет
Бұл іс-шараның негізгі мақсаты — оқушыларды өз халқын, туған тілін және туған жерін сүюге, қадірлеуге, бағалап мақтан етуге тәрбиелеу. Сонымен қатар оқушылардың ой-өрісін кеңейтіп, тіл мәдениетін дамыту, мәнерлеп оқуға және көркем сөйлеуге машықтандыру көзделді.
Көрнекілік
- Қазақстан Республикасының мемлекеттік рәміздері
- Тіл туралы нақыл сөздер
- «Шаңырақ» композициясы
Іс-шараның барысы
Ашылу рәсімі
1-жүргізуші: Құрметті ұстаздар, ата-аналар, оқушылар, қадірлі қонақтар! «Тіл – достықтың кепілі» атты аудандық мәнерлеп оқу сайысын ашық деп жариялаймыз.
Қазақстан Республикасының Әнұраны орындалады.
Құттықтау сөздер
- 2-жүргізуші: Құттықтау сөз аудандық бастауыш сыныптар әдіскері Қызжанова Айгүл Кәрімқызына беріледі.
- Келесі құттықтау сөз мектебіміздің директоры Мырзаханов Мақсұт Тұрсәлімұлына беріледі.
Тіл туралы ой
1-жүргізуші: Ана тілі әр адамға ана сүтімен даритын ұлы қасиет. Ана тілімен қатар дүниежүзілік қолданыстағы тілдер де бар: орыс тілі, ағылшын тілі.
Музыкалық нөмір: «Әрқашан күн сөнбесін» әні
1-жүргізуші: Ал біздің ана тіліміз — қазақ тілі. Қадір Мырза Әлидің:
Ана тілің — арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте.— Қадір Мырза Әли
Көркем оқу: «Ана тілі туралы өлеңдер» (3 «А» сынып оқушылары)
Ән: «Ананың тілі»
Заң және дата
Қазақстан Республикасының «Тіл туралы» заңы 1989 жылғы 22 қыркүйекте Жоғарғы Кеңестің сессиясында қабылданды. Бұл — ана тіліміздің мәртебесін айқындаған маңызды құжат.
Поэзиялық шумақтар
Ерлік, елдік, бірлік, қайрат, бақ-ардың,
Жауыз тағдыр жойды бәрін — не бардың.
Алтын күннен бағасыз бір белгі боп,
Нұрлы жұлдыз — баба тілі, сен қалдың.
Ана тілім — ана күтім, арым менің,
Сәулетім, сая бағым, сәнім менің.
Аспаным өзіңменен арайланып,
Нұрланып атар ылғи таңым менің.
1-жүргізуші: Ана тілі — әр адамның өз ұлтының жан дүниесі мен мәдениетінен ғасырлар бойы жиған рухани азығынан нәр алатын тамыры. Онсыз адам — мәңгүрт.
2-жүргізуші: Ұлттық тіл — әр халықтың өзіндік ой-санасын, парасатын, бүкіл болмыс-тіршілігі мен сезім түйсігін ұрпақтан-ұрпаққа жеткізетін күре тамыр. Онсыз халық — аты бар да заты жоқ тобыр.
Әділқазылар, қатысушылар және бағдарлама
2-жүргізуші: Сайысымыздың әділқазылар алқасымен таныстырамыз.
1-жүргізуші: Ана тіліміздің туын биікке көтерер оқушыларымызды қошеметпен ортаға шақырайық. Сайыскерлерге сәт сапар тілейміз!
Бағдарлама: концерттік нөмірлер, көркем оқу, қорытындылау және марапаттау.
Сайыстың қорытындысын шығару үшін сөз әділқазылар алқасына беріледі.
Қорытынды
Туған тілім — тірлігімнің айғағы,
Тілім барда айтылар сыр ойдағы.
Өссе тілім — мен де бірге өсемін,
Өшсе тілім — мен де бірге өшемін.
2-жүргізуші: Осы сөздермен «Тіл – достықтың кепілі» атты ертеңгілігімізді аяқтаймыз. Назар қойып тыңдағандарыңызға рақмет!