Қазақша рефераттар

Тәжірибе жасай білу

Сабақ туралы мәлімет

ШҚО, Үржар ауданы, Үржар ауылы, Жансүгіров атындағы орта мектебі КММ.

Пән мұғалімдері

  • Физика: Аскербаева Рысхан
  • География: Тұмабаева Гүлсім

Сабақ форматы

Тақырыбы
Ауа қысымы мен жылудың таралуы. Фронттар. Жел.
Түрі
Жаңа сабақ
Әдісі
Деңгейлеп оқыту

Мақсат, қызығушылық, күтілетін нәтиже

Сабақтың мақсаты

Ауа қысымы, температура, фронттар және жел туралы білімді жүйелеу, тақырыптың ғылымилығын арттыру.

Қызығушылық бағыты

  • Есеп шығару арқылы логикалық ой-өрісті дамыту.
  • Өзіндік көзқарасты қалыптастыру.

Күтілетін нәтиже

  1. 1 Тақырыпты нақты меңгереді.
  2. 2 Есеп шығара алады.
  3. 3 Тәжірибе жасай алады.
  4. 4 Логикалық ойлауды қолданады.
  5. 5 Топта ынтымақтастық атмосферасын қалыптастырады.
  6. 6 Деңгейлеп оқыту арқылы сұрақ құрастырып, талқылай алады.

Қажетті құрал-жабдықтар

Көрнекіліктер

  • Қазақстанның физикалық картасы
  • Оқушы атласы
  • Слайдтар

Тәжірибе құралдары

  • Стақан, су, қағаз
  • Сіріңке, тиын, тәрелке

Сабақ барысы

I. Ұйымдастыру

Слайд: Н. Ә. Назарбаевтың халыққа жолдауынан

«Егер ел өз бағыты мен баратын айлағын білмесе, ешқашан жел оңынан соқпайды.» — Н. Ә. Назарбаев

Білім жолында ескектерің дұрыс есіліп, баратын айлақтарың нақты болсын!

Қадамдар

  1. 1 Психологиялық дайындық.
  2. 2 Топқа бөлу (белгілеулер: мм, м/с, t°).
  3. 3 Топ ережесін түсіндіру, бағалау парағын тарату.

II. Үй жұмысын тексеру (ой қозғау)

Сөзжұмбақ арқылы өткен тақырыптарды еске түсіру және негізгі ұғымдарды нақтылау.

Сөзжұмбақ сұрақтары

  1. Өзіне тән қасиеті бар ауа жиынтығы.
  2. Фосфорит пен тұз қандай пайдалы қазбаға жатады?
  3. Бокситтен не алынады?
  4. Қазақстанның ең төмен жері қайсы?
  5. Сарыарқада меридиан бағытымен созылып жатқан тау.
  6. Көмірді ашық әдіспен өндіретін алап.
  7. Қоңырат кен орнынан қандай кен алынады?
  8. Мезозойда болған тау түзілу үдерісі.
  9. Радиацияның жер бетіне сіңуі.
  10. Тура және шашыранды радиацияның қосындысы.
  11. Атлант мұхитынан келетін ауа массасы.
  12. Қазақстанның климаты қандай?
  13. Күннен жерге тікелей түсетін сәуле.
  14. Климат түзуші факторлар.

III. Жаңа сабақ

1) «Түртіп алу» технологиясы

Негізгі ұғымдар: ауа қысымы, жылу, жел, циклон, антициклон, фронт.

Есте сақтайтын ереже

Биіктік артқан сайын ауа қысымы шамамен әр 10 м сайын 1 мм төмендейді.

Температураның өзгеруі

Биіктік артқан сайын температура шамамен әр 100 м сайын 0,6 °C төмендейді.

2) Мәтінмен жұмыс: сұрақ құрастыру

Оқушылар мәтінді оқи отырып, талқылауға жетелейтін сұрақтар құрастырады. Негізгі бөлім: атмосфералық қысым.

  • Ауа қысымына қандай факторлар әсер етеді?
  • Циклон мен антициклон қандай ауа райын қалыптастырады?
  • Фронттардың түрлері және олардың белгілері қандай?

3) Тәжірибе және есеп

Тәжірибе

Стақан, су, қағаз, сіріңке, тиын және тәрелке арқылы ауа қысымының әсерін бақылау.

Есеп

A нүктесінің теңіз деңгейінен биіктігі 1450 м. A нүктесіндегі атмосфералық қысымды табыңдар.

Нұсқау: биіктікке байланысты қысымның өзгеру ережесін қолданыңдар.