Қазақша рефераттар

Тымақ мәтінімен танысу

Сабақтың мақсаты

Білімділік

  • Оқушылардың буын туралы түсінігін (мәні, жасалуы, құрамы) кеңейту.
  • Мәтінді түсініп, мәнерлеп оқу дағдыларын нығайту.

Дамытушылық

  • Шығармашылықпен жұмыс істеуге ықпал ету.
  • Ой-өрісін, танымдық қабілетін дамыту.
  • Көркем жазуға машықтандыру, сөйлеу мәдениетін жетілдіру.

Тәрбиелік

  • Үлкенді сыйлауға, еңбекқорлыққа, әдептілікке баулу.
  • Қазақтың ұлттық құндылықтарын насихаттау.

Сабақтың барысы

I. Ұйымдастыру

Психологиялық дайындық: «Көңіл күйлерің қалай?» — «Керемет!» • «Сабаққа дайындықтарың қалай?» — «Тамаша!» • «Ендеше сабақты бастайық!» — «О-о-о».

II. Үй тапсырмасын тексеру

«Не деу керек?» өлеңін тізбектей және мәнерлеп оқу.

III. Жаңа сабақ

1) «Миға шабуыл» (суретпен жұмыс)

  • Сөздерді буынға бөлу, буын туралы ережені айту.
  • Буын ұғымы сауат ашу кезеңінен таныс: буын — дауыс толқыны. Қазақ тілінде дыбыстар буын құрайды, ал буын сөздегі дауысты дыбысқа негізделеді.
  • Буынның үш түрі бар: ашық буын, тұйық буын, бітеу буын (жасалу жолдарын түсіндіру).

2) Дәптермен жұмыс (көркем жазу)

60-жаттығу: сөздерді буынға бөліп оқу, дәптерге жазу.

3) Ребус шешу және мәтінмен жұмыс

Ребус жауабы: «Тымақ». «Тымақ» мәтінімен танысу, мәтінді оқып, мазмұнын түсіндіру.

Міржақып Дулатов туралы қысқаша мәлімет беру және авторды таныстыру.

4) Сөздікпен жұмыс

Тымақ — қазақта тымақтың түрлері көп. Соның ең бағалысы — түлкі тымақ. Оның маңдайы мен құлақтарының ішкі жағына түлкі терісі тігіледі, сырты мақпалмен және асыл маталармен тысталады.

5) Оқу дағдысы

Оқушылар мәтінді тізбектей оқиды.

6) Сергіту сәті

Қысқа қимыл-қозғалыс жаттығулары арқылы зейінді сергіту.

7) Топтық жұмыс (сұрақтар)

  1. 1-тапсырма: Нұрмаш әкесінің тымағын не үшін кигісі келді?
  2. 2-тапсырма: Әкесінің тымағын киген Нұрмашты сипаттаңдар.
  3. 3-тапсырма: Бекбай ата неліктен тымаққа тіл қатты?
  4. 4-тапсырма: Өзіңнің үлкендерге ұқсағың келе ме? Неліктен?

8) Мақал-мәтелдердің жалғасын табу

1) Үлкенге құрмет — …

Жалғасын тауып, мағынасын түсіндіру.

2) Сіз деген — …, біз деген — …

Сыйластық пен әдеп ұғымын талдау.

3) Әдепті бала — …, әдепсіз бала — …

Қорытынды пікір айту.

9) Буыннан сөз құрастыру

1-топ

қаң… , би…

2-топ

жұм… , қар…

3-топ

қо… , қа…

10) Үлкендерді сыйлау туралы тақпақ

Кім үлкенді тыңдаса,
Кім үлкенді сыйласа,
Үлкен болған кезіңде,
Сыйлы болмақ өзі де.

11) «Иә — Жоқ» ойыны

  • Алфавитте 42 әріп бар. Иә
  • Дыбыстар 4-ке бөлінеді. Жоқ
  • «Бала» — 1 буынды сөз. Жоқ
  • Дауысты дыбыс қанша болса, сонша буын болады. Иә
  • Дауыссыз дыбыстар буын құрайды. Жоқ
  • Дауысты дыбыстар 2-ге бөлінеді. Иә

Қорытынды

Біз не білдік?

Сабақтағы негізгі ұғымдарды қорытындылау.

Біз нені біліп, үйрендік?

Дағды мен білімнің бекітілуін айту.

Нені білуіміз керек?

Келесі қадамдар мен назар аударатын тұстарды белгілеу.

Бағалау

Оқушыларды бағалау және мадақтау.

Үй тапсырмасы

«Тымақ» мәтінін мазмұндау.