Бөлме гүлдерін отырғызу

Маңғыстау облысы, Жаңаөзен қаласы,
№21 орта мектептің бастауыш сынып мұғалімі
Сағызбаева Татти

Тақырыбы: Бәйшешек. Жауқазын. Заттың атын білдіретін сөздер.
Мақсаты: 1. Оқушылардың заттың атын білдіретін сөздер туралы білімдерін тиянақтау. Көктем туралы түсініктерін кеңейту. Мәнерлеп оқуға үйрету
2. Оқушылардың сөйлеу тілін, ой - өрісін, логикалық ойлау, есте сақтау
қабілеттерін дамыту.
3. Оқушыларды табиғатты сүюге, жануарларға қамқор болуға, табиғатты қорғауға, достыққа тәрбиелеу.
Түрі: сайыс сабақ
Әдісі: түсіндіру, сұрақ – жауап
Көрнекілігі: суреттер

Сабақтың барысы: 1. Ұйымдастыру кезеңі.
Оқушылардың назарын сабаққа аудару.
Психологиялық дайындық.
Біз бақытты баламыз,
Ойнап күліп аламыз.
Жетілсін деп санамыз,
Оқып білім аламыз.
2. Өткенді еске түсіру ( сауысқан мен көкек ертегісін әңгімелеу)

3. Өткенді пысықтау
- Ертегі не туралы? (құстар туралы)
- Сауысқанның көкекке ұя салуға ұсыныс жасау себебі неде?
- Көкектің қандай ойы болды?
- Сауысқан ұяны қалай салды?
- Көкек қандай құс екен?
Жұмбақтар шешу

4. Жаңа білім беру
Оқулықпен жұмыс
Зат есімдер (ережені түсіндіру)
Дәптермен жұмыс
Көркем жазу
89 – жаттығу (ауызша орындау)
1. Машинаны кім жүргізеді?
2. Көмірді кім қазады?
3. Электрді кім жөндейді?
90 – жаттығу
Заттың атын білдіретін сөздерді атау.
91 – жаттығу
Сергіту сәті
Әтеш ерте оянып,
Жан жағына қарады.
Шынықтырып денесін,
Қанаттарын қағады.
Ку – ка – ре – ку, тұр – тұрлап,
Оятады баланы.
Ой қозғау
Қар, мұз еріп
Су көбейіп,
Сай – салаға ағады.
Бүршік шашып,
Жапырақ ашып,
Гүл, бәйшешек басады.
Бөбектерім, айтыңдаршы,
Бұл қай кезде болады? (Көктем)
Балалар қазір жылдың қай мезгілі?
Көктемнің келгенін қалай білуге болады екен?
Автор туралы қысқаша мәлімет.
Ендеше балалар Нұрсұлтан Әлімқұловтың Бәйшешек , Несіпбек Айтовтың Жауқазын өлеңдерімен танысамыз. (өлеңді мәнерлеп оқып беру, екі өлеңді салыстыру)

5. Түсінгендерін тексеру.
Екі жазушы ақын да өлеңдерін неге арнап жазған. (Гүлдерге)
Ақындар өлеңдерді қандай көңіл күйде жазған? (Шаттықты)
Балалар және қандай гүлдерді білеміз атаңдар.
Оқулықпен жұмыс. Дауыстап оқу. Жеке – жеке оқу.
Шығармашылық жұмыс
Гүл құрастыру (тақтада, отырған орында гүлдердің суретін салу)

6. Сабақты қорытындылау
Көктем
↓
Күн жылынады
Күн ұзарады
Құстар келеді
Қар ериді

7. Үйге тапсырма беру
Өлеңді жаттау. Бөлме гүлдерін отырғызу.
Бағалау