Қазақтың дастарханы

Наурыздағы Аймақтар аламаны - 2013
Мақсаты:
1. Қазақ халқының ежелден сақталып, атадан балаға мұра етіп қалдырған салт - дәстүрін, наурыз мейрамының мәнін түсіндіру, әрі дамыту және көркейту.
2. О0ушылардың ойлауын дамыта отыра, ой қиялын, өрісін, іздену негіздерін дамыту.
3. Оқушыларды ұлтжандылыққа, имандылыққа, инабаттылыққа, халқымыздың салт - дәстүрін қастерлеуге, сақтауға тәрбиелеу.
Көрнекілік: Буклет, кестелер, шарлар, қанатты сөздер. Үнтаспа.

Сабақтың барысы
Ұйымдастыру:
Күйі ойнап тұрады.

1 - жүргізуші
Уа, жарандар, жарандар!
Бәрің бері қараңдар,
Наурыз думан басталды,
Бір сәт зейін салайық.
Ұштасқан оймен мәңгілік
Біздерде бар сан ғұрып,
Ғасырлардан ғасырға
Келе жатқан жаңғырып.
Бермен жақын тұрыңдар,
Сөзіме көңіл бұрыңдар.
Жауқазындай Наурыздың
Жарапазан жыры бар.
2 - жүргізуші
Уа, халайық, халайық!
Мұнда назар салайық.
Мерекесі халықтың
Наурыз тойын бастайық!
Құтты болсын мереке,
Болсын думан береке!

2 - жүргізуші
Уа, халайық! Бүгін ұлыстың ұлы күні. Ата - бабаларымыздың сөзімен айтсақ, ақ түйенің қарны жарылған күн. Наурыз мейрамы. Наурыз салтанаты.
Наурыз - жаңа күн, яғни жаңа жылдың алғашқы күні. Жыл басы. Бұл біздің халқымызда Күн мен Түн теңелер мезгіл - Наурыз айының 22 - жұлдызына сәйкес келеді. Бұл күні аталарымыз бен әжелеріміз үй - үйді, ауыл - ауылды аралап, наурыз көжеден дәм тататын. Үлкен - кішіге ақ баталарын беріп ізгі тілек тілесетін.

Наурыздағы Аймақтар аламанына қош келдіңіздер!
1 А сынып Орал қаласы
2 А сынып Ақтөбе қаласы
2 Б сынып Атырау қаласы
3 А сынып Ақтау қаласы
4 А сынып Маңғыстау қаласы
Әділқазылар алқасы: Мектеп директоры: Уразалиева А. Н
Мектептің қосымша білім беру педагогі: Мухитанова С. Ж
Ауылдық кітапхананың меңгерушісі: Жумашева М.
Сайыс түрлері:
1. Ән сайысы Наурыз - думан
2. Би сайысы Наурыз - сәні
3. Наурыз - көрме көрме сайысы
4. Қазақтың дастарханы
5. Сен білесің бе?
6. Ұлттық ойындар 1 А сынып Орамал тастамақ ойыны

1. Ән сайысы Наурыз - думан
2. Би сайысы Наурыз сәні
3. Наурыз - көрме
4. Қазақтың дастарханы Оқушылар жасап әкелген дастархандарын таныстырады.

5. Сен білесің бе? сұрақ - жауап.
1 сынып 1. Жеті ата деген кім? (әке, бала, немере, шөбере, шөпшек, немене, туажат)
2. Наурыз көже неше тағамнан жасалған? (7)
3. Жыл қайыруды ата. (Тышқан, сиыр, барыс, қоян, ұлу, жылан, жылқы, қой, мешін, тауық, ит, доңыз)
4. Қазақтың музыкалық аспаптарын ата. (қобыз, домбыра, шаңқобыз, жетіген, тайтұяқ, шертер)
5. Үш жұртты ата. (өз жұрты, қайын жұрт, нағашы жұрт)

2 А сынып 1. Үш жүз деген кім?
2. Наурыз мейрамы қандай ұғымды білдіреді? (Жаңа күн)
3. Сұйық нәрсе құятын қазақтың ұлттық ыдыстарын ата.
4. Екі ақынның сөз өнері мен сайысы не деп аталады? (айтыс)
5. 4 түлік пірлерін ата. (Ойсыл қара, Зеңгі баба, Шопан ата, Қамбар ата, Сексек ата)

2 Б сынып 1. Апта аттарын мүдірмей атап шық.
2. Қазақ қыздарының ұзатылғанда киетін бас киімі. (Сәукеле)
3. Наурыз мерекесі неге неліктен осы айдың 22 - сінде тойланған? (Күн мен түн теңелген күн)
4. Наурыз көжеден ауыз тию қандай ұғымды білдіреді? (Тоқшылық)
5. Қазақ ауыз әдебиетіндегі ел арасына кең тараған ұнамды күлдіргі кейіпкер? (Алдар көсе)

3 А сынып 1. 3 арсызды ата. (ұйқы, тамақ, күлкі)
2. Сүйекті пайдаланып ойнайтын ұлттық ойын. (Ақсүйек)
3. Қазақ батырларының бас киімі не деп аталады? (Дулыға)
4. Асықтың түрлерін ата. (ішек, алшы, тәйкі, бүк)
5. Бетінде оюы бар киізден жасалған үй жабдықтары? (текемет, сырмақ)

4 А сынып 1. Қазақтың ұлттық тағамдарын ата.
2. Киіз үй жиһаздарын ата.
3. Соғым деген не?
4. Қолдары сансыз. Аяғы жалғыз. (Ағаш)
5. Балдыз деп кімді айтады?

6. Наурыз - той ойындары Оқушылар ұлттық ойындар ойнап жарысады.
1 А сынып Орамал тастамақ
2 А , Б - Арқан тартыс
3 А сынып - Асық ойыны
4 А сынып - Қазақша күрес

Әділқазылар алқасына сөз беріледі.

Қорытынды
Қош болыңыз, Наурызым ардақты,
Халқым саған бір үмітін жалғапты.
Жылда осылай келе бергін жасарып,
Гүлге бөлеп, нұрға бөлеп жан - жақты.



Ұқсас жұмыстар

Бастауыш сыныптарда халық дәстүрлерін тәрбие құралдары ретінде пайдалану жолдары
ҚАЗАҚСТАНДАҒЫ ШВЕД ДАСТАРХАНЫ
Бастауыш сыныптарда халық дәстүрлерін тәрбие құралы ретінде пайдалану жолдары
Дәстүрлі еттен ұлттық тағамдар
Тыйым сөздер мен ырымдардың мағынасы
Үйлену тойының мәдениеті қазақтың ғасырлар бойы қалыптасқан салт-дәстүрі
Қазақ халқы мәдениеті тарихи өлшемде: қазақ халқының мәдени мұрасын сараптау
НАУРЫЗ — КӨКТЕМ МЕН ЕҢБЕКПЕН ХАЛЫҚТЫҚ МЕЙРАМЫ
Бала тәрбиесі - бесіктен
Ұлыстың ұлы күні наурыз жайлы
М. Қ. ҚОЗЫБАЕВ – ҚАЗАҚТЫҢ ЕГЕМЕН ТАРИХЫНЫҢ ҚАЙТА ЖАҢҒЫРТУШЫСЫ
ХІХ ғ II жартысында өмір сүрген қазақтың әнші-ақындар
Қазақтың ұлы ғалымы Ш. Ш. Уәлиханов
Қазақтың күйшілік өнері
Кітап жиған қазақтың жиһазы Абайсыз болмас, Абайы болмаса ол қазақ емес, жалпы ондайды саналы адам деу қиын
Қазақтың мидай даласы
Жалпы алғанда, қазақтың дастарханы - киелі нәрсе
Майлықожа Сұлтанқожаұлы (1835 - 1898) - қазақтың халық ақыны (суырып салма ақын)
Қазақтың бай тілі - бар қазынасы көркем әдебиетінде
Наурыз қазақтың шын мағынасындағы ұлт мейрамы