Қазақша рефераттар

Сайысқа қатысатын топ атаулары

Мақсаты

  • Оқушылардың алған білімін тексере отырып, ой-өрісін жан-жақты дамыту, логикалық ойлауын және шапшаң есептеу дағдыларын жетілдіру.
  • Ана тілін құрметтеуге баулу, адамгершілік қасиеттерін қалыптастыру, тереңнен ой толғауға үйрету.
  • Топпен ұйымшылдықпен жұмыс істеуге, шығармашылық ізденіске ынталандыру.

Топтар

«Алғырлар» және «Тапқырлар»

Бағалау

Әділ қазы бағасы бойынша қорытынды шығарылады.

Сайыстың ашылуы

1-жүргізуші

Армысыздар, ұстаздар, ардақты жандар! Білім іздеп, инемен құдық қазғандар. Құшақ жая қарсы аламыз сіздерді — біліммен сусындатқан өздеріңізді.

2-жүргізуші

Армысыздар, оқушылар, балғындар! Жүздеріңнен мейірім мен нұр тамған. Алдарыңда жауқазындай құлпырған 2-сынып оқушыларын қарсы алыңыздар!

Құрметті ұстаздар мен оқушылар! Бүгін осы уақытқа дейін алған білімімізді саралап, өнерімізді ортаға саламыз. Біліміміздің артып, санамыздың өскенін, сөз байлығымыздың молайғанын көрсетейік.

Ендеше, 2-сыныптар арасында өтетін «Тапқыр болсаң, тауып көр» сайысын бастаймыз!

«Кім жеңді, кім жеңілді» деп дауласпайық — әділ қазы бағасына жүгінейік. Сайысқа баға беретін қазылар алқасын төрге шақырамыз: Бибігүл апай, Малика апай, Айжарқын апай.

1-кезең: Таныстыру

Бұл кезеңде әр топ өз атауын, ұранын таныстырып, өлең жолдарымен өзіндік ерекшелігін көрсетеді.

«Алғырлар»

Армысыздар, ұстаздар мен оқушылар, білімді санасына тоқығандар!

Біліміміз бен өнерімізді ортаға салып, «Алғырлар» тобы сайысқа шықты.

Топ атын «алғыр» қойған алғырлармыз, шетінен білімді балғындармыз.

Ұраны

Нақты жауап, саналы шешім береміз, ұшқыр ой мен білімімізге сенеміз!

«Тапқырлар»

Ойы жүйрік «Тапқырлар» жарыс десе қайраты қайрайды.

Логикалық тапсырмаларды шешуде алдыңғы қатардан табыламыз.

Ұраны

Тапқыр болу — ізгі арман, мұратымыз, талмасын әрдайым да қанатымыз!

2-кезең: Бәйге жарысы

Білім мен өнер жарысқан бұл кезеңде топтар қысқа әрі нақты сұрақтарға жедел жауап береді.

  1. 1) Жыл мезгілдерін ата.

  2. 2) 1 жылда неше ай бар? Екі жылда ше?

  3. 3) 1 аптада неше тәулік бар?

  4. 4) 1 тәулікте неше сағат бар?

  5. 5) 1 сағатта неше минут бар?

  6. 6) Жамбыл Жабаев қанша жыл өмір сүрген?

  7. 7) Жұмбақ

    Бір ағаштың он екі бұтағы бар,
    Әр бұтағында отыздан жапырағы бар.
    Жапырақтың бір жағы ақ,
    Бір жағы қара.

    Жауабы: Жыл, ай, күн мен түн.

  8. 8) 5 жыл бұрын Айжан 3 жаста болды. Қазір жасы нешеде?

3-кезең: Сөзжасам

Бұл кезең сөздік қорды байытып, ойды жүйелеуге үйретеді: берілген сөздерден жаңа сөздер жасап, мағынасын түсіндіру.

Сөз

Балдырған

Сөз

Жауқазын

4-кезең: Кім көп біледі? (Ана тілі)

Тіл — ұлттың өзегі. Бұл кезеңде оқушылар әдебиет пен мәдениет туралы білімін көрсетеді.

1) Қазақ даласына алғаш білім жарығын алып келген кім?

«Кел, балалар, оқылық!» өлеңін жатқа айт.

2) «Күн шыққанда» өлеңінің авторы кім?

Өлеңді жатқа айт.

3) Абай Құнанбаев кім?

Туған жерін ата.

4) Абайдың өлеңдерін еске түсір:

«Күз», «Ғылым таппай мақтанба».

5) Ертегінің түрлерін ата.

5-кезең: Кім жылдам? (Математикалық сайыс)

Бұл кезеңде шапшаң есептеу, салыстыру және логикалық пайымдау қабілеті сыналады.

Жедел есептер

1) Бір сан ойладым: оған 30 қосқанда 80 шықты. Ол қандай сан?

2) 1 дм-де неше см бар?

3) Ең үлкен бір таңбалы, ең кіші екі таңбалы, ең кіші үш таңбалы сандарды ата.

4) 10 ондық — неше бірлік?

5) Разрядтық құрамын айт:

3 онд. 8 бірл.; 9 онд. 5 бірл.; 6 онд. 0 бірл.; 8 онд. 7 бірл.

Өлең-есептер

Көлден ұшты 7 қаз,
Қайтып қонды 2 қаз.
Қонбады оның нешеуі?
Қане, кім тез шешеді?

Жауабы: 5 қаз.

6 алманың 2-ін
Досың сұрап алады.
Айтшы, сонда нешеуі
Өз қолыңда қалады?

Жауабы: 4 алма.

11 түйе, 5 жылқы,
2 сиыр, 1 ешкі,
2 қоян, 3 түлкі —
Нешеу болды барлығы?

Жауабы: 24.

Табақта 7 алма,
Қолымда 5 алма.
Барлығын қосқанда
Болады неше алма?

Жауабы: 12 алма.

«Жарайсың!» шифры (жылдам тапсырма)

Берілген өрнектерді есептеп, сәйкес әріптер арқылы сөз құрастыру.

Өрнектер

15−10, 19−10, 17+3, 15+15,
10+6, 20−6, 20+5, 20+20,
12+2, 19+2, 35+2, 30+7,
27−7, 23+3, 40−10, 70−20

Нәтиже

Ж-а-р-а-й-с-ы-ң

Ескерту: Бұл тапсырмада әр нәтиже алдын ала берілген әріппен сәйкестендіріледі.

6-кезең: Мақал-мәтел сайысы

Халқымыз шешендігімен танылады. Жүйрік тіл, ойлы сөз — мағыналы. Шешен тіл мақал-мәтелмен басталса, көпшілік басын изеп, мән береді.

Бұл кезеңде командалар берілген тақырыптарға сай мақал-мәтел айтып, жалғастырады және мағынасын түсіндіреді.

7-кезең: Ұшқыр ой (Дүниетану)

Айналадағы дүниенің тылсымы көп. Ендеше, қызықты сұрақтарға жауап берейік.

1) Қай құс өз атын қайталай береді?

Жауабы: көкек.

2) Құлағы үлкен жануар?

Жауабы: піл.

3) Ағаш тазалайтын «орман дәрігері»?

Жауабы: тоқылдақ.

4) Шөлге шыдамды жануар?

Жауабы: түйе.

5) Таңдайлары тақылдап, көлде шулайтын, бірін-бірі жақтайтын не?

Жауабы: бақа.

6) Мойыны сұрақ белгісіне ұқсайтын көл құсы?

Жауабы: аққу.

8-кезең: Балғын балалық шақ

Бұл бөлімде оқушылар өз шығармашылық жұмыстарын таныстырып, қорғайды: өлең оқу, шағын көрініс, сурет/жоба немесе қолөнер бұйымдары.

Қорытынды

Сайыстың аяқталуы да таяп қалды. Топтағы өрендер де біршама еңбектенді. Енді қорытындыны білу үшін қазылар алқасына сөз береміз.

1-жүргізуші

Жарайсыңдар, өрендерім! Бүгін білімдерің мен тапқырлықтарыңды көрсеттіңдер. Көрермен де риза болды.

2-жүргізуші

Қош болыңыздар, тыңдаушылар мен көрермендер! Сайысымыз бүгін осымен аяқталды. Өрелі ой мен жұмбақ сөзден өрілген кешіміз есте қалсын!

Қош сау болыңыздар!