Оқушылардың ықыласы мен белсенділігін арттыру

Химия 8 сынып
Қысқа мерзімді жоспар
Сабақтың тақырыбы: Оксидтердің жіктелуі, алынуы, химиялық қасиеттері
Жалпы мақсаты: Оксидтердің жіктелуі, алынуы, химиялық қасиеттері туралы білім қалыптастыру.
Сабақтың міндеті: Б: Оқушыларға оксидтер ұғымы туралы мағлұмат бере отырып, оларды атауларымен ажырата білуге, реакция теңдеулерін теңестіре білуге баулу.
Д: Оқушылардың ықыласы мен белсенділігін арттыру. Тәжірибе жасау икемділіктерін, танымдық қабілеттерін, пәнге қызығушылықтарын дамыту.
Т: Жұппен, топпен жұмыс істеуге үйрету. Өздігінен талпынып, жауапкершілікпен сезінетін саналы, өнегелі ұрпақ тәрбиелеу.
Сілтеме: Оқулық, Менделеев кестесі, дидактикалық материалдар
Оқытудың нәтижелері:
1. Оксидтер, оксидтердің жіктелуі туралы біледі.
2. Оксидтердің алыну жолдары мен химиялық қасиеттерінің реакция теңдеулерін жазып, теңестіруді меңгереді.
3. Оксидтерді атап, басқа қосылыстардан ажырата біледі.
Көрнекілігі: Менделеев кестесі, оқулық, спиртшам, фарфор тостағанша, магний ұнтағы, интертақта, ресурстар, камера, нооутбук, түрлі - түсті қағаздар, бояулар, желім, қайшы, ақ қағаздар
Қамтылатын модульдер:
1 модуль – Оқыту мен оқудағы жаңа тәсіл (топтық жұмыс)
2 модуль – Сыни тұрғыда ойлау
3 модуль – Оқыту мен оқудағы басқару мен көшбасшылық
4 модуль – Оқыту мен оқуда АКТ - ны қолдану
5 модуль – Оқыту үшін бағалау және оқуды бағалау
Қадамдар:
1. Ұйымдастыру
2. Ой қозғау (үй тапсырмасын сұрау)
3. Қызығушылықты ояту
4. Мағынаны тану (оқулықпен жұмыс)
5. Ой толғаныс (топпен жұмыс)
6. Кері байланыс
7. Бағалау
8. Үй тапсырмасы

Мұғалімнің іс - әрекеті
І. Ұйымдастыру
Сәлемдесу.
Оқушыларды түгендеу.
Топ ережелерімен, бағалау критериімен таныстыру.

ІІ. Ой қозғау (Графикалық тест)
1. VII топ элементтері (Галогендер)
2. KCl * MgCl2 *6H2O осы қосылыстың атауы (Карналит)
3. Хлор газының түсі (Сарғылт жасыл)
4. Ас тұзының химиялық атауы (Натрий хлориді)
5. Хлордың медицинада қолданылуы (Дәрі - дәрмек алуда)
6..... + 3Cl ₂ = 2FeCl ₃ бос орынға тиісті металл (Темір)
7. MnO ₂ +4HCl = Cl ₂ + MnCl ₂ + 2H ₂O осы әдіспен 1774 жылы хлорды алған швед оқымыстысы (Шееле)
8. Хлордың маңызды қосылысының бірі, өткір иісті газ (Хлорсутек газы)
ІІI. Қызығушылықты ояту
1. Магний жануын көрсету
Магнийдің жану теңдеуін тақтаға жазады.
2Mg +O ₂ = 2MgO
Фарфор тостағаншаға магний ұнтағын салып, жағады. Сол кезде қандай өзгеріс жүріп, қандай қосылыс түзілгенін оқушылардан сұрайды.
2. Оттегі туралы ертегі
Ертегіні оқу барысында әр топтан оқушылар кезекпен шығып реакция теңдеулерін жазады.
2Н ₂ + О ₂ = 2Н ₂О
С + О ₂ = СО ₂
N2 + О ₂ = 2NО – Q
4Р + 5О ₂ = 2Р ₂О ₅
Si + О ₂ = SiО2
3Ғе + 2О ₂ = Ғе ₃О ₄

Маңғыстау облысы, Маңғыстау ауданы.
Химия пәні мұғалімі
Телеғұсова Назерке Қыдырбайқызы