Қандай геометриялық пішіндер
Ұйымдастырылған оқу іс-әрекеті
Пәндер
- Тіл дамыту
- Математика
- Сурет
- Қол өнер
- Қоршаған ортамен таныстыру, экология
Білім беру салалары
- Қатынас
- Таным
- Шығармашылық
- Денсаулық
- Әлеуметтік
Тақырыбы
Бізді қоршаған орта (кіріктірілген)
Мақсаты
Білімділік
- Қоршаған орта, табиғат пен тіршілік арасындағы байланыс туралы түсінік қалыптастыру.
- Табиғи құбылыстарды танып, терең сезіне білуге баулу.
- Математикалық ұғымдарын кеңейту.
Дамытушылық
- Логикалық ойлау әрекетін ойын арқылы дамыту.
- Қиялын, ой-өрісін және есте сақтау қабілетін жетілдіру.
- Сөздік қорын молайтып, тіл байлығын дамыту.
Тәрбиелік
- Табиғаттың төрт құдіреті туралы түсінік қалыптастыру.
- Қоршаған ортаны қадірлеуге және қамқорлық жасауға тәрбиелеу.
Әдіс-тәсілдері, көрнекілігі және құралдар
Әдіс-тәсілдері
Көрнекілігі
- Бейнетаспа
- Үлгі материалдар
Керекті құралдар
- Қайшы
- Ақ қағаз
- Дидактикалық ойындар
- Сиқырлы қорапша
- Төрт түрлі геометриялық пішін
Таңғы жиын
Шеңберге тұру
Табиғатым тамаша,
Көз тоймайды қараса.
Табиғатты аялап,
Жүрейікші жараса.
Сәлем саған, Жер-ана!
Сәлем саған, нұрлы күн!
Әңгімелесу
Балалар, таңертең көзімізді ашып, терезеге қарасақ, нені көреміз?
Сұрақ:
Егер күн жарқырап тұрса, қалай қуанамыз?
Жауап үлгісі: «Алақай!» деп, қол шапалақтаймыз.
Ендеше, бүгінгі күнге және табиғатқа жылы лебізімізді білдірейік.
Жылы лебіз
Армысың, ардақты Аспан ата!
Армысың, мейірімді Жер-ана!
Армысың, шұғылалы Алтын күн!
Күліп шықты күн бүгін.
Психологиялық сәт: «Саяхат»
Нұсқау
Әуен қосылады. Орындықта отырып, бізді қоршаған ортаға «саяхат» жасаймыз. Көз алдарыңа туған жерімізді және оның әсем табиғатын елестетіңдер: құстардың үні естіледі, гүлдер жайқалып өсіп тұр, өзен-көлдер сылдырлап ағып жатыр.
Бейнелі ой
Табиғатты тамашалап келе жатып, алдымыздан мөлдір бұлақ кездеседі — сол бұлақтан су ішеміз.
Одан әрі алма ағашы кездеседі — алмасын үзіп жейміз.
Соңында раушан гүліне жолығамыз.
- Бұлақ — денсаулық.
- Алма — рухани байлық.
- Гүл — бақыт сыйлайды.
Негізгі ой
Мұның барлығы — бізді қоршаған орта, яғни әсем де сұлу табиғат. Табиғат адамның бойына қуат береді, көңіліне шабыт, сезіміне ләззат ұялатады. Ол — адам денсаулығының сақшысы, жанға дауа шипагер.
Сұрақ
Табиғатқа нелер жатады?
Жауап үлгілері: адамдар, гүлдер, құстар, ағаштар, күн, жануарлар, биік таулар, өзен-көлдер.
Таңғажайып сәт: «Сиқырлы қорапша»
Оқиға желісі
Есік қағылып, хат тасушы келеді. Қолында әсемделген үлкен сиқырлы қорапша бар. Ол қорапшаны «Табиғат патшалығынан» жіберілгенін айтады. Ішінде ойын-тапсырмалар және орындағандарға арналған сыйлық бар.
Ереже
Қорапшадан тапсырма алынады. Әр тапсырма — табиғат құбылыстарын, түстерді, жыл мезгілдерін және геометриялық пішіндерді байланыстыра отырып ойлануға үйретеді.
1-ойын: «Сиқырлы пішіндер»
Түстерді атаңдар және олардың қай жыл мезгілін білдіретінін айтыңдар. Сонымен қатар, пішіндерді анықтаңдар.
1-бала
Көк түс — төртбұрыш — қыс.
2-бала
Жасыл түс — үшбұрыш — көктем.
3-бала
Сары түс — тік төртбұрыш — күз.
4-бала
Қызыл түс — дөңгелек — жаз.
2-ойын: «Жыл мезгілдері және табиғат құбылыстары»
Әр жыл мезгіліне тән табиғат құбылыстарын атаңдар және айларын еске түсіріңдер.
1-бала — Қыс (көк түс)
- Суық болады, қар жауады, аяз түседі.
- Қыс үш айдан тұрады: Желтоқсан, Қаңтар, Ақпан.
2-бала — Көктем (жасыл түс)
- Күн жылынады, жаңбыр жауады.
- Күн күркіреп, кемпірқосақ пайда болады.
- Қар еріп, су сай-салаға ағады.
- Құстар ұшып келеді, ағаштар гүлдейді.
- Көктем айлары: Наурыз, Сәуір, Мамыр.