Қазақша рефераттар

Абзацтың ішіндегі жоларалық интервалды баптау

Сабақ туралы мәлімет

Сынып
6-сынып
Сабақтың тақырыбы
Абзацтар, шегіністер және интервалдар
Пәнаралық байланыс
Қазақ тілі, орыс тілі, ағылшын тілі
Көрнекіліктер
Интерактивті тақта, оқулық, презентация, үлестірме қағаздар

Сабақтың мақсаты

Білімділік

Мәтінмен жұмыс барысында абзац, шегініс және интервал ұғымдарын меңгерту, тиісті батырмалармен жұмыс істеуді үйрету.

Дамытушылық

Оқушылардың білімін тереңдетіп, заманауи технологияларды меңгерту арқылы құзыреттілігін арттыру.

Тәрбиелік

Еңбекқорлыққа, ұқыптылыққа және жауапкершілікке тәрбиелеу.

Сабақтың барысы

  1. 1

    Ұйымдастыру

  2. 2

    Үй тапсырмасын тексеру

  3. 3

    Үй тапсырмасын пысықтау

  4. 4

    Тақырыпты ашу

  5. 5

    Жаңа сабақ

  6. 6

    Жаңа сабақты бекіту

  7. 7

    Оқушыларды бағалау

  8. 8

    Үй тапсырмасын беру

1) Ұйымдастыру

Оқушыларды түгендеу, сабаққа қажетті құрал-жабдықтарын тексеру.

2) Үй тапсырмасын тексеру

Тест тапсырмалары арқылы білімдерін тексеру.

Тест тапсырмалары

  1. 1. «Кегль» дегеніміз не?

    • A) Қаріптің сыртқы пішімі
    • B) Қаріптің мөлшері
    • C) Абзацтың элементі
    • D) Пішімдеу сызғышындағы маркер

  2. 2. Пернетақтада жоқ символдарды экранда көрсету және кірістіру қай бұйрық арқылы орындалады?

    • A) Кірістіру → Символ
    • B) Тіркеме парақ жолағы
    • C) «Абзац» сұхбаттық терезесі
    • D) «Қаріп» сұхбаттық терезесі

  3. 3. Мәтінді экранға қарамай тердіңдер. Біраз уақыттан кейін CapsLock қосулы тұрғанын байқадыңдар. Қандай әрекет жасайсыңдар?

    • A) Мәтінді қайта тереміз
    • B) Емле қателерін тексеруді қолданамыз
    • C) Регистрді өзгерту батырмасы арқылы бас және кіші әріптерді сөйлемдегідей тәртіпке келтіреміз
    • D) Басты → Қаріп сұхбаттық терезесінде «Регистр» ауыстырғышын қосамыз

  4. 4. Символдарды сиректетіп теру үшін не істеу керек?

    • A) «Абзац» сұхбаттық терезесін ашып, «Қосымша» бетіне өтіп, «Интервал» тізімінен «Сиректетілген» параметрін таңдаймыз
    • B) Басты → Қаріп тіркеме парағындағы тиісті батырманы қосамыз
    • C) Әр символдың арасына бос орын қосып тереміз
    • D) «Қаріп» сұхбаттық терезесін ашып, «Қосымша» бетіне өтіп, «Интервал» тізімінен «Сиректетілген» параметрін таңдаймыз

  5. 5. X2 мәтінін теру үшін қандай батырманы қолданамыз?

    • A) Жоласты белгісі
    • B) Жолүсті белгісі
    • C) Форматты тазалау
    • D) Кірістіру → Символ → Басқа символдар

  6. 6. Артығын таңдаңдар.

    • A) WordPad
    • B) Microsoft Word
    • C) Paint
    • D) Блокнот

  7. 7. Ашық құжаттағы беттердің санын қалай анықтауға болады?

    • A) Жолақтың «Бетті белгілеу» тіркеме парағында
    • B) Жолақтың «Басты» тіркеме парағында
    • C) Терезенің тақырып жолағында
    • D) Қалып-күй жолағында

  8. 8. Құжатты қарап шығу масштабын қай жерден өзгертуге болады?

    • A) Жолақтың «Бетті белгілеу» бөлімінде
    • B) Жолақтың «Басты» бөлімінде
    • C) Терезенің тақырып жолағында
    • D) Қалып-күй жолағында

  9. 9. Жанама мәзірді (контекстік мәзірді) қалай шақырады?

    • A) Құжаттың қажетті элементін тінтуірдің оң жақ батырмасымен шерту арқылы
    • B) Құжаттың қажетті элементін тінтуірдің сол жақ батырмасымен шерту арқылы
    • C) Құжаттың қажетті элементін тінтуірдің оң жақ батырмасымен екі рет шерту арқылы
    • D) Құжаттың қажетті элементін тінтуірдің сол жақ батырмасымен екі рет шерту арқылы

  10. 10. Құжатты сақтау бұйрығы қайда орналасқан?

    • A) Жолақтың «Басты» тіркеме парағында
    • B) Файл мәзірінде
    • C) Office батырмасының мәзірінде
    • D) Тек пернетақта арқылы қолжетімді

Үй тапсырмасын пысықтау (қосымша сұрақтар)

  1. 1. Пернетақтада жоқ символды кірістіруге көмектесетін бұйрық қандай?
  2. 2. Қаріптің қандай баптауларын өзгертуге болады?
  3. 3. Ерекшеленген фрагменттегі кіші әріптерді бас әріптерге қалай өзгертеміз?
  4. 4. Кегль деген не?
  5. 5. Қаріптің тізімде жоқ мөлшерін қалай орнатамыз?
  6. 6. Символаралық интервал деген не?
  7. 7. Мәтінді түрлі түсті ету үшін не істеу керек?
  8. 8. Қаріптің жоғарғы және төменгі регистрлері не үшін қажет?
  9. 9. Меңзерді жылжытуға арналған пернелер комбинацияларын атаңдар.
  10. 10. Мәтінді сауатты теру үшін қандай ережелерді сақтау керек?
  11. 11. Мәтін фрагменттерін ерекшелеудің қандай тәсілдерін білесіңдер?

Жаңа сабақ: абзацтар, шегіністер және интервалдар

Негізгі ұғым

Пішімдеу әдетте ағымдағы абзацқа немесе мәтіннің ерекшеленген фрагментіне қолданылады. Пішімдеуді пішімдеу сызғышы арқылы немесе Басты → Абзац бөліміндегі бұйрықтармен, сондай-ақ «Абзац» сұхбаттық терезесі арқылы орындауға болады.

Ескерту: тізімдер құру тақырыбы келесі сабақтарда қарастырылады.

Мәтінді туралау (абзацты түзету)

  • Сол жақ шеті бойынша
  • Ортасы бойынша
  • Оң жақ шеті бойынша
  • Екі жақ шеті бойынша (ені бойынша)

Бұл әрекеттер Басты → Абзац бөліміндегі батырмалар арқылы орындалады.

Шегініс және интервал

  • Абзацтағы шегіністі азайту немесе ұлғайту
  • Абзац ішіндегі жоларалық интервалды баптау

Тапсырма: Жолақтың Басты → Абзац тіркеме парағындағы бұйрықтар арқылы кез келген мәтінде туралау мен шегіністерді өзгертіңдер. Өзгеріс кезінде пішімдеу сызғышын бақылаңдар.