Тәрбиешінің әрекеті Ұйымдастыру кезеңі
Ұйымдастырылған оқу іс-әрекетінің технологиялық картасы
Ақтөбе қаласы, Кеңес Нокин ауылы, Благодар орта мектебінің мектепалды даярлық тобы тәрбиешісі Жайтуғанова Нұрлыгүл Шауқымқызы. Даярлық тобына арналған (0 «В» сыныбы) оқу іс-әрекеті: «Экология негіздері».
Тақырыбы
Ер есімі – ел есінде
Мақсаты
- Оқушыларға Ұлы Жеңістің маңызын танытып, Ұлы Отан соғысында ерлік көрсеткен ата-бабаларымыздың ерлік істерін қастерлеуге баулу.
- Ардагерлерді еске алып, олардың өмір жолы мен ерлігін таныту, үлгі-өнеге ету.
- Отанға, елге, туған жерге сүйіспеншілікті оятып, елін құрметтеуге, қорғауға, ұлтжандылыққа және патриоттық сезімге тәрбиелеу.
- Ой-өрісті дамыту, мәнерлеп айту дағдыларын жетілдіру, сөздік қорды молайту.
Тәрбиешінің әрекеті: ұйымдастыру кезеңі
Сәлемдесу
Тәрбиеші: Армысыңдар, балапандарым!
Тәрбиеші: Қане, бәріміз мынау жарқын әлеммен амандасайық!
Тарих туралы ой
Тарих көші үнемі жаңарып отырады. Дегенмен, ұмытылмайтын, ескірмейтін тарихи оқиғалар болады. Солардың бірі — әлемді дүр сілкіндірген Екінші дүниежүзілік соғыс.
1941 жыл: ауыр хабар
1941 жылы 22 маусым күні таңғы сағат 4:00-де бейбіт жатқан елге фашистік Германия тұтқиылдан соғыс ашты. Суық хабар сол күні-ақ байтақ елімізге, жер-жердегі ауыл-селоға тарады.
Ерлік пен бірлік
Ер-азаматтар асығыс майданға аттанды, кейбірі өз еркімен сұранып кетті. Жауынгерлер қасық қаны, шыбындай жаны қалғанша шайқасып, батырлық пен батылдықтың үлгісін көрсетті. Орасан зор майдан даласында соғыс қиян-кескі жүрді.
Қазақстанның үлесі
Бұл соғыста Кеңес Одағының өзге республикаларымен бірге Қазақстан халқы да аянбай жаумен шайқасты. Ел басына күн туған шақта бірлік пен жігер сыналды, ал ерлік — ұрпақ жадында мәңгі сақталатын құндылыққа айналды.