Құттықтау сөзін мектеп директоры
«Жолың болсын, балдырған!» ертеңгілігі
Бұл ертеңгіліктің мақсаты — оқушылардың жыл бойы алған білімін, меңгерген дағдыларын және шығармашылық нәтижесін көрсету; балалардың сөздік қорын, тілін, ой-өрісін кеңейту; ұйымшылдыққа және имандылыққа тәрбиелеу.
Залды безендіру
- Зал мерекедегідей әсем безендіріледі.
- Гүлдер, шарлар, құстар ілінеді.
- Әдемі музыка әуенімен оқушылар залға кіреді.
Әнұран
Ән орындалады.
Тәрбиешінің кіріспе сөзі
Өсті міне бойларың,
Өсті міне ойларың.
Қуанышқа ортақпын,
Құтты болсын тойларың!
Құрметті ата-аналар, ұстаздар, оқушылар! Бүгін сіздер мектепалды даярлық сынып шәкірттерінің «Жолың болсын, балдырған!» қоштасу ертеңгілігіне қош келдіңіздер!
Құттықтау сөзі
Мектеп директоры — Бірманова Қымбат Исланбекқызы
Құттықтау сөзі
Оқу ісі жөніндегі орынбасары — Ахметова Лаззат Шәкейқызы
Өлеңмен жалғау
Сөйледі олар тіл бітіп, небір қызық сырларды.
Тыңдай бердім мен жұтып, тіл біткен тақпақ-жырларды.
Тақпақтар (1–7 оқушы)
1-оқушы
Сәлем саған, мектебім,
Сәлем, білім ордасы.
Жасыл бақты мектебім —
Жастық шақтың жолдасы.
2-оқушы
Биыл күзде мектепке
Біріншіге барамын.
Мақтанбаймын текке мен —
Дайын дәптер, қаламым.
3-оқушы
Біз мектепке барамыз,
Қолға қалам аламыз.
Кітапты да оқимыз,
Суретті де саламыз.
4-оқушы
Қанатым талмайды,
Қиялым самғайды.
Ақын да, ғалым да —
Ұстазсыз болмайды.
5-оқушы
Мектепке биыл барамын,
Қолыма кітап аламын.
Дайын тұр менің портфелім,
Дайын тұр жазар қаламым.
6-оқушы
Сенен біліп шығармын
Аспан барын, күн барын.
Сен арқылы ұғармын
Жұмбақ әлем сырларын.
7-оқушы
Мектепке енді барамыз,
Біз оқушы баламыз.
Жақсы оқып сабақты,
Кілең бестік аламыз.
Ән: «Айгөлек»
Десек те уақытпен жарыспайды, қияға қиялменен қарыштайды. Шәкірттер шын жүректен тебіреніп, өнерін баршамызға бағыштайды.
Би: Вальс (0 «В» сыныбы)
Аққудай өрнек салған көл бетіне, бишілер билеп кетті тербетіле. Бұралып тал шыбықтай тұла бойы, шаттық пен күлкі үйірілді келбетінде.
Ойын: «Қыз қуу»
Әуен ойнап тұрады. Балалар, алдымен ойынның шартын мұқият тыңдап, танысып алайық.
Тақпақтар (8–13 оқушы)
8-оқушы
Енді мен үлкен баламын,
Ананың тілін аламын.
Әжемнің барлық айтқанын
Миыма құйып аламын.
9-оқушы
Ардақты мұғалім —
Білімнің бұлағы.
Таусылмас сен жайлы
Тасқынды жыр-әнім.
10-оқушы
Мереке күніңмен
Құттықтаймын бүгін мен.
Ойыма ой қосам
Сен берген біліммен.
11-оқушы
Баспалдақтан біртіндеп
Мен ұшамын қияға.
Сен тұрасың күлімдеп,
Ұқсап алтын ұяға.
12-оқушы
Ойыншықты жинаймыз,
Бөбектерге сыйлаймыз.
Үлкен болып өссек те,
Бақшамызды қимаймыз.
13-оқушы
Ән салайық бас қоса,
Бақшаменен қоштаса.
Қалам, дәптер, өшіргіш —
Кітаптармен достаса.
Ән: «Бала тілегі»
Ән орындалады.
Сауат ашумен қоштасу
Қош бол, құтты Сауат ашу,
Көп нәрсені үйреттің.
Таныстырып әріппен,
Тақылдатып сөйлестің.
Ойын: «Мектепке дайынсың ба?»
Екі командаға бөлінейік. Мақсат — әріптерді қаншалықты меңгергенімізді тексеру.
1-топ
«әке», «апа», «мама» сөздерін жазады.
2-топ
«әже», «папа», «ата» сөздерін жазады.
Сұрақтар
- Бірінші сөзде неше әріп бар?
- Неше дауысты, неше дауыссыз дыбыс бар?
- Дыбыс деген не?
- Әріп деген не?
Өте жақсы, балалар!
Ән: «Қошақаным» (Таласбек Ерсұлтан)
Ән орындалады.
Ойын: «Кім шапшаң?»
Құрметті аталар мен аналар, ортаға 8 ата-ананы шақырамыз. Қане, кім шапшаң екенін байқап көрейік!
Би көріністері
Шіркін-ай, әнші, жыршы, күйшілер-ай, сұлу әуен көңілге құйсын арай. Аққу құстай құйқылжытып, мың бұралған қазақтың бишілері-ай.
Кезекте — сұлу қыздарымыздың биі. Қазақ биіне әдемі де әсем қыздарымызды шақырамыз.
Есептер
1-есеп
Сатып алдым 1 сәбіз, қойды үйрек себетке. Тағы сонша қосса оған, нешеу болмақ әдетте?
Балалардың жауабы тыңдалады.
2-есеп
Алма бағы жайнаған, қызыл алма айналам. Алдым үзіп бесеуін, тағы да алам бесеуін. Алдым сонда нешеуін?
Балалардың жауабы тыңдалады.
Ата-аналарға құрмет
Асыл сөзбен ата-анаға ой салайық, екі ортаға алтыннан жол салайық. Құрметтеп келген ата-аналарды сахнаға шақырайық!
Қорытынды
Көңілдің ақ тілегін көл етеміз,
Тілектермен нығайсын берекеміз.
Баршаңызға жолдаймыз аппақ алғыс,
Осымен аяқталды мерекеміз!