Төл мерекелеріңіз құтты болсын, ізгіліктің пайғамбары ұстаздар қауымы

Шағын көрініс: «Ұстаз – ұлы тұлға»

Сахнаға алты оқушы шығып, тәрбие сағатының тақырыбын жариялайды. Олар мерекенің өтілу барысынан шағын көрініс көрсетіп, «мұғалім» сөзінің мәнін ашады.

мейірімді

ұлағатты

ғазиз

ақылды

лайықты

іскер

маман

Осы сәтте фанфара ойнайды.

Жүргізушілер сөзі

1-жүргізуші

Қайырлы күн! Армысыздар, есен-сау бармысыздар, аса құрметті де аяулы ұстаздарымыз!

2-жүргізуші

Міне, жадырап жаз өтіп, алтын күз де келіп жетті. Бұл мезгіл жез қоңыраудың үнімен, мектептегі мұғалімдер мен оқушылардың қарбалас тіршілігімен, сағыныса табысқан қуанышты сәттермен елестейді. Жаңа оқу жылымен қатарлас келетін Мұғалімдер күні де күздің еншісінде. Төл мерекелеріңіз құтты болсын, ізгіліктің пайғамбары – ұстаздар қауымы!

1-жүргізуші

Мектеп қабырғасынан алыстаса да, бойында жылуы бар әрбір парасатты азамат әліп үйретіп, білім теңізіне жетелеген ұстаздарын және балалық шағының талай қызықты күндеріне куә болған алтын ұя мектебін әрдайым үлкен сағынышпен, құрметпен еске алады.

Түйін ой

Академик Қ. Сәтбаев: «1-қыркүйекте салтанатты шеру де, салют те болмайды. Бірақ бұл күн ешқандай мерекемен тең келмейтін, білімнің асқар шыңына жетелейтін қайталанбайтын күн. Бұдан асқан ұлы мереке жоқ», – деп толғанған екен.

Білім мерекесі Қастерлі күн Ұрпаққа бағдар

Дәйексөздер мен жүрекжарды сөз

Ғ. Қайырбеков

«Ұстаз болу – жүректің батырлығы,
Ұстаз болу – сезімнің ақындығы.
Ұстаз болу – мінездің күн шуағы,
Азбайтұғын адамның алтындығы.»

Б. Момышұлы

«Ұстаздық – ұлы құрмет. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді. Өмірге ұрпақ берген аналарды қалай ардақтасақ, сол ұрпақты тәрбиелейтін ұстаздарды да сондай ардақтауға міндеттіміз.»

Мерекелік сәттер

Үнді биі – мерекенің той шашуы.
«Ұстазым» әні – Салтанат пен Манастың орындауында.
Ф. Оңғарсынова – «Ұстаз» өлеңі оқылады.
Жастар биі – ұстаздарға арналған тарту.
Құрманғазы – «Балбырауын» күйі (Гаухар мен Нұрталап орындауында).
Хор – «Ұстазым» әні.

Өлең өрімі: ұстазға алғыс

Еңбектің жемісі

Зауытта болсаң күнбе-күн, көрінер еді табысың…
Ал сенің еңбек жемісің өзге, тіпті басқадан:
Ел үшін өсірген жақсы адам.

Сабақтың әуені

Әр сабағың өтіп жатыр білінбей,
Перне басқан оркестрдің үніндей…
Әр баланың жүрегіне жол тауып,
Дирижер боп тұрасың сен күлімдей.

Анадай аяулы

Мұғалімді анамдай жақсы көрем,
Қиналамын қымбат теңеу таба алмай…
Өз баласын үйде қалдырып,
Ел баласын оқытады.

Ұстазға мың алғыс

Асыл анамыздай ардақты мектебіміз, үйреткенің – адалдық, ұсынғаның – адамдық. Ұстаздарға бақыт, табыс, амандық тілейміз.

Ұстаздың болмысы: талап пен жауапкершілік

Ұстаз қандай болуы керек?

Ұстаз шәкірт алдында сыйлы. Ұстаз сенімін ақтау – адамгершіліктің белгісі. Мұғалімнің жүрегі соғып тұруы үшін жауапкершілік, қажырлылық, білімділік, жүректілік, сүйіспеншілік, сабырлылық қажет.

Ғалым да, батыр да, ақын да, еңбек адамы да – бәрі ұстаздан тәлім алған. Сондықтан ұлағатты ұстаздарға бүкіл адам баласы құрметпен бас иеді.

Абайдың өсиеті

«Ақырын жүріп, анық бас,
Еңбегің кетпес далаға.
Ұстаздық еткен жалықпас,
Үйретуден балаға.»

Шәкіртінің өзінен озғанын қалаған ұстаздар қауымы, мерекелеріңіз құтты болсын!

Арнау

Ардақты ұстаздар! Денсаулықтарыңыз мықты болсын, шаңырақтарыңыз шаттыққа толсын. Сіздерді пайғамбардай сыйлайтын, жүрегі жылы, бойы ізгілікке толы шәкірттеріңіз көп болсын!

Баршаңызға: мерекелеріңіз құтты болсын!

Интерактив: «Сөздікпен жұмыс» көрінісі

Сахнаға төрт ұстаз шақырылып, оқушылармен бірігіп сөздікпен жұмыс жасайды. Әр ұстаз шыққан сөздің мазмұнын өз түсінігі бойынша сипаттайды. Соңында шағын сыйлық табысталады.

Каникул

Жылдың ең қысқа күндері.

Күнделік

Үлкендерге көп көрсете бермейтін құпиям.

Математика

Мен түгіл, әкемнің де тісі батпайтын «жағалау».

Дос

Бақылау жұмысында дәптеріне жазғанымды бақылатып отыратын ұл не қыз.

Сабақ

Үзілісті зарықтыра күттіретін қырық бес минут.

Спорт секциясы

Әжеме айтатын басты сылтауым.

«Қайталап алайыншы»

Өте сирек айтылатын сөз.

Дарынды оқушының жаңалығы

Ерекше «ашылым» ретінде айтылады.

Қыздардың негізгі «қаруы»

«Апайға айтамын».

Күлкілі көрініс: Дымбілмес Жалқаубеков және мақал-мәтелдер

Сахнаға адасып жүрген Дымбілмес Жалқаубеков келеді. Ол сабақтан шаршағанын айтып, үй тапсырмасындағы мақал-мәтелдерді шатастырып оқиды. Көрерменнен дұрыс нұсқасын түзеп беруді өтінеді.

Шатасқан нұсқа

Қына басқа бітеді.
Білім шашқа бітеді.
Біліп тұрсаң да сұрама.
Аз біл, көп сөйле.
Көрмес сиыр түйені де көрмес.
Өнер алды ұзын тіл.
Жығылып жатып жығылғанға күлме.
Өнерлі сайға қарай сырғиды.

Дұрыс нұсқа

Қына тасқа бітеді.
Білім басқа бітеді.
Біліп тұрсаң да сұрап ал.
Көп біл, аз сөйле.
Көрмес сиыр түйені де көрмес.
Өнер алды қызыл тіл.
Жығылып жатып сүрінгенге күлме.
Өнерлі өрге жүзеді.

Нақыл сөздер жарысы

2-жүргізуші

Ұстаз болу – өз уақытын аямау, өзгенің бақытын аялау.
Аспаз көрген ас таныр, ұстаз көрген хат таныр.
Ұстазыңды ұлы әкеңдей сыйла.

1-жүргізуші

Ұстазға қарап, шәкірт өседі.
Ұстазы жақсының – ұстамы жақсы.
Нақылдан кейін көңіл жадырап, ой сергиді.

Ой-толғау

Кез келген мұғалім бірден «ұстаз» бола бермейді. Ұстаздық – терең өнер. Шын ұстаз болу үшін табиғи дарын мен ізгілікті ізденіс, табанды еңбек ұштасуы керек. «Шәкіртсіз ұстаз – тұл» деген сөз де тегін айтылмаған.

Ұстаздарға арналған алғыс пен құттықтаулар

Мектеп әкімшілігіне

Мектеп әкімшілігі құрамындағы ұстаздарымызға мерекелеріңіз құтты болсын, жетістіктер көп болсын! Оқушыларымыз биік белестерді бағындырсын, үлкен жеңістерге жете берсін!

Пән бірлестіктеріне

Бастауыш сынып – тұңғыш қалам ұстатқан ұстаздарға шексіз алғыс.
Математика – «ғылымдардың патшасы» әлеміндегі ұстаздарға мың алғыс.
Тарих – ғасырлар сырын шерткен ұстаздарға құрмет.
Жаратылыстану – табиғат тылсымын танытқан ұстаздарға шәкірттік сәлем.
Эстетика – әсемдік пен шеберлікті дарытқан ұстаздарға құттықтау.
Дене шынықтыру – «Дені сау ұрпақ – мемлекет байлығы» қағидасын ұстанған ұстаздарға бас иеміз.
Тазалық қызметі – мектептің тазалығын сақтап, тәрбиемен қатар жүрген жандарға алғыс.

Тіл туралы тілек

Қазақ тілім – өз тілім, ана тілім. Мұхтар мен Абай сөйлеген дана тілім. Таза сөйле, терең ұқ, көп ізден!

(Орыс, неміс, ағылшын, француз тілдерінде құттықтаулар оқылады.)

Қорытынды тілек

Шәкірт үндеуі

Құрметті ұстаздар, сіздер оқытып жүрген барлық пәнді ардақтаймыз. Сөздеріңізді ықыласпен тыңдап, білімді терең игеруге талпынамыз. Жан-жақты білім бергендеріңіз үшін алғысымыздың шегі жоқ.

Мерекелік бата

Бүгінгі күн құшақтарыңыз гүлге толсын. Дендеріңіз сау, көңілдеріңіз шат болсын. Біліммен сусындаған шәкірттеріңіз көп болып, төл мерекелеріңіз берекелі өтсін!

Соңғы аккорд

Ұлағатты ұстаздар, сіздерге бүкіл адам баласы бас иеді. Мереке құрметіне отшашу беріледі. Бүгінгі күн әрқайсыңызға шаттық пен қуаныш әкелсін!

Хор: «Ұстазым» әні.