Қазақша рефераттар

Өкпедегі және ұлпадағы газ алмасу

Батыс Қазақстан облысы, Орал қаласы, №37 ЖОББМ

Химия және биология пәндерінің мұғалімі: Букенбаева Асемгүл Рахимовна

Пәні: Биология

Сыныбы: 8

Тақырыбы: Тыныс алудың маңызы. Тыныс алу мүшелері: ауа тасымалданатын жолдар және өкпе.

Сабақ мазмұны

Сабақ барысында тыныс алу жүйесінің негізгі бөліктері қарастырылады: мұрын, аңқа, көмекей, кеңірдек және негізгі бронхылар. Олардың құрылысы мен қызметі, сондай-ақ өкпенің құрылысы, өкпенің қызметі және өкпедегі және ұлпадағы газ алмасу түсіндіріледі.

Мақсаты

Тыныс алу мүшелері мен олардың қызметі туралы білімді тереңдету және оқушыларды салауатты өмір салтын ұстануға тәрбиелеу.

Күтілетін нәтиже

  • A Тыныс алу мүшелері туралы түсінік қалыптастырады.
  • B Тыныс алу мүшелерінің құрылысы мен қызметін салыстырмалы түрде сипаттай алады.
  • C Өкпе мен ұлпалардағы газ алмасу механизмін ажыратып, салауатты өмір салтын сақтауға дағдыланады.

Дереккөздер мен құрал-жабдықтар

Биология оқулығы (8-сынып) Бейнетаспа Тыныс алу мүшелерінің сызбасы Слайд

Сабақтың барысы

Кіріспе

7 минут

  1. Амандасу.
  2. «Стикердегі диалог» әдісі арқылы үй тапсырмасын сұрау.

Тұсаукесер

5 минут

Оқушылар топқа бөлінеді: берілген сөздерден сөйлем құрастырады. Бейнеролик арқылы адамның тыныс алу мүшелері көрсетіледі.

Талқылауға арналған сұрақтар

  • Тірі ағзаны өлі ағзадан қалай ажыратуға болады?
  • Тыныс алудың маңызы қандай?
  • Тыныс алу жүйесінің қандай мүшелерін білесіңдер? Олар қалай аталады?
  • Бұл тақырып бойынша қандай мақсат қоямыз?

Табыс критерийлері

  • 1 Тыныс алу мүшелері туралы түсінік аламын.
  • 2 Тыныс алу мүшелерінің құрылысы мен қызметін салыстырмалы түрде сипаттай аламын.
  • 3 Өкпе мен ұлпалардағы газ алмасу механизмін ажыратып, салауатты өмір салтын сақтауға дағдыланамын.

Негізгі бөлім

15 минут

Терминдермен жұмыс

тыныс алу дыбыс саңылауы бронхиола плевра альвеола өкпедегі газ алмасу

«Ойлан – жұптас – бөліс» әдісі арқылы оқушылар жаңа тақырыпты өз бетінше меңгереді. Тақырыпты оқып-үйренуге уақыт беріледі.

Топтық тапсырмалар

1-топ

Тыныс алудың маңызы.

2-топ

Тыныс алу мүшелерінің құрылысы мен қызметін тірек-сызба арқылы түсіндіру.

3-топ

Өкпенің құрылысы мен қызметін топтастыру.

4-топ

Өкпедегі және ұлпадағы газ алмасуды Венн диаграммасы арқылы түсіндіру.