Қолдарын жаттықтыруға, сөздерді оқу мен жазуға үйрету

Сауат ашу сабағы

С дыбысы мен әрпі

Бұл жоспар оқушыларды С дыбысы және С әрпімен таныстыруға, оның дауыссыз дыбыс екенін меңгертуге бағытталған.

Сабақтың түрі

Дамытушылық сабақ

Пәнаралық байланыс

Математика, бейнелеу өнері, дүниетану, өзін-өзі тану

Мақсаты

Оқушыларға С дыбысы мен әрпін таныстыру және оның дауыссыз дыбыс екенін меңгерту.

Міндеттері

Білімділік

Буын туралы түсініктерін кеңейту.
Қолдарын жаттықтыру, сөздерді оқу және жазуға үйрету.
Сөздерге талдау жасай білуге дағдыландыру.

Дамытушылық

Ойлау қабілеті мен дүниетанымын кеңейту.
Сөздік қорын, тіл байлығын дамыту.
Көркем жазу дағдыларын жетілдіру.

Тәрбиелілік

Ұқыптылыққа, сауатты оқып-жазуға тәрбиелеу.
Шапшаңдық пен жауапкершілікті қалыптастыру.
Адамгершілікке және ұжымшылдыққа баулу.

Көрнекіліктер мен әдіс-тәсілдер

Көрнекілігі

Кеспе әріптер, суреттер, буындар, ойын элементтері, интерактивті тақта, слайдтар

Әдіс-тәсілдер

Түсіндіру, сұрақ-жауап, ой қозғау, ассоциация, ойындар, тренинг

Сабақтың барысы

I. Ұйымдастыру кезеңі

Психологиялық тренинг

Оқимыз, үйренеміз, жалықпаймыз,
Білімнің шыңына біз шарықтаймыз.

II. Өткенді қайталау

Ойын: «Сиқырлы алма ағашы»

Мұғалім: Қазір жылдың қай мезгілі?

Оқушылар: Күз мезгілі.

Мұғалім: Күзде табиғатта қандай өзгерістер болады?

Оқушылар: Жемістер піседі.

Түсіндіру: Алма ағашындағы әр алмада сан берілген. Оқушы алманы таңдап, сол санға сәйкес сұраққа жауап береді. Дұрыс жауап берген оқушы алманы «жинап алады».

1-алма

Өткен сабақта қандай дыбыспен таныстық?

2-алма

Б дыбысы қандай дыбыс?

3-алма

Б дыбысына байланысты қандай сөздерді білесің?

4-алма

Б дыбысы бар сөз ойлап, оны буынға бөл.

5-алма

Б дыбысы сөздің қай буындарында кездеседі?

6-алма

Б дыбысына қатысты сөйлем құрастыр.

III. Қызығушылықты ояту

Тақырыпты ашу үшін жұмбақтар айтылады. Оқушылар мұқият тыңдап, тез жауап береді. Мақсат — тапқырлықты анықтау.

Жұмбақ 1

Сыртылдайды күнімен,
Сыртылдайды түнімен,
Білгің келсе уақытты,
Көрсетеді тілімен.

Жауабы: сағат

Жұмбақ 2

Сауысқанды, сағызды,
Сарымсақты, сәбізді,
Бастап тұрған қай әріп,
Сапсыз орақ тәрізді.

Жауабы: С

IV. Жаңа сабақ

Ой ашар: «Сағат» сөзі қандай дыбыстан басталады? — С. Ендеше бүгін біз С дыбысы мен әрпін үйренеміз.

Әріппен танысу

С әрпінің баспа және жазба түрлерін көрсету.
С дыбысын айтып көру: «С-с-с-с-с».

Дыбыстың ерекшелігі

Айтылуы: созылмай, қысқа.
Түрі: дауыссыз дыбыс.
Түсі: көк.
«Үйі»: көк үй.

Суретпен жұмыс

Слайдтағы суреттердің атауын айтқызу, буынға бөлу және С дыбысының сөздегі орнын анықтау.

Сағат

С — сөздің басында

Асқабақ

С — сөздің ортасында

Ананас

С — сөздің соңында

Қорытынды: С дыбысы сөздің басында, ортасында және соңында кездеседі.

Ойын: «Сөз ойла, тез ойла!»

Оқушылар С дыбысына байланысты сөздер айтады, мұғалім қажет жерде түзетіп, буынға бөлдіреді.

Оқулықпен жұмыс (мағынаны тану)

Бағандағы сөздерді мұғалім оқиды, мағынасын түсіндіреді.
Хормен оқыту.
Тізбектей оқыту.

Сергіту сәті

Сағаттың тіліндей
Иілеміз оңға бір,
Сағаттың тіліндей
Иілеміз солға бір,
Оң аяқ, сол аяқ —
Жаттығу оңай-ақ.

Сергіп алдық, енді қаламымызды алып, дәптерімізде С әрпін жазамыз.

Дәптермен жұмыс

Әріпті ауада жазу.
Жазу жолындағы әріпті бастырып жазу.
Әріпті жеке жазу.
Сөздерді жазу.

Ойын: «Ұйқасын тап»

-са, -са, -са — ызыңдайды ...

-із, -із, -із — бақшадағы ...

-ыс, -ыс, -ыс — келіп қапты ...

V. Бекіту

Сұрақтар

Бүгін қандай әріппен таныстық?
С дыбысы сөздің қай буындарында кездеседі?
С дыбысынан басталатын сөздер айтайық.

Ойын: «Баспалдақ»

С дыбысы бар сөздер айтып, «баспалдақпен» жоғары көтерілу (әр дұрыс жауап — бір қадам).

С С С С

Өлеңмен жұмыс («Әліппе серігі»)

Сара келіп сабақтан,
Сан шаруаны тындырды:
Самауырға салатын
Сексеуілді сындырды.
Сазан балық қуырды,
Сауды сары сиырды.

Ойын: «Кім шапшаң?»

Жұмбақты шешу:

Білезікке қарайық,
Ұқсайды оған қай әріп?

Жауабы: С

VI. Үй тапсырмасы

С дыбысы мен әрпін қайталау.
Бағандағы сөздерді оқу.

VII. Бағалау

Оқушыларды мадақтау және «Күз сыйы» ретінде алма мен жапырақтар тарату.

Қызыл алма

Сары алма

Көк алма