Бағбаншы атай
«Ғажайып дорба»
Мақсаты
- Қызықты, көңілді ойындар арқылы балалардың білімін жетілдіру және пайдалы дәрумендер туралы түсінігін бекіту.
- Қолмен сипап-сезу әрекеттерін дамыту, көкөністер туралы білімін тереңдету.
- Сөйлеу тілін жетілдіру, сөздік қорын байыту, ой-өрісін дамыту және байқағыштыққа тәрбиелеу.
Көрнекілігі
- Шағын маркет (дүкен бұрышы).
- Дүкен тауарлары (шырын, тәттілер және т.б.).
- Көкөністер салынған дорба, сиқырлы сандықша.
Билингвальды компонент
- Көкөністер
- овощи
- Дүкен
- магазин
- Заттар
- товары
Ойын барысы
1) Шағын маркеттегі көрініс
Балалар шағын маркетке келеді. Дүкенші балалардың қызығушылығын оятып: «Балалар, келіңдер! Дүкенімде сендерге арналған тәттілер, шырындар, чипсілер, сағыздар бар. Не аласыңдар?» — деп сұрайды.
Балалардың әртүрлі заттарға қызығушылығы артып, сатып алғысы келеді. Осы кезде дүкенге қолында сиқырлы сандықшасы бар бағбан ата кіреді.
Бағбан ата: «Сәлеметсіңдер ме, балалар!»
Балалар: «Сәлеметсіз бе, бағбан ата!»
Бағбан ата: «Дүкеннен не сатып алмақсыңдар? Мұндай тағамдарды көп жеуге болмайды, денсаулыққа зиян. Менің қолымдағы сиқырлы сандықтың ішінде сендерге пайдалы әрі қызықты нәрсе бар сияқты. Сандықты ашуға көмектесесіңдер ме?»
Тәрбиеші: «Қане, балалар, бағбан атаға көмектесейік!»
Бағбан ата: «Сандықты ашу үшін кілт керек. Бірақ менде кілт жоқ…» Дәл осы сәтте қоян келіп, балаларға жұмбақтар арқылы кілтті табыстауға дайын екенін айтады.
2) 1-тапсырма: Жұмбақтар
Қоян: «Сендерді білімді әрі тапқыр деп естідім. Кілтті тек жұмбақтарымды шешсеңдер ғана беремін».
Әрі қызыл, әрі тәтті,
Татқан жанды таңырқатты.
Жауабы: Алма
Үлкендігі алмадай,
Сырты жанған қызыл от.
Ішін жарып қарасаң —
Майда-майда қызыл шоқ.
Жауабы: Анар
Отыз көйлек киінген,
Бір түйме жоқ ілінген.
Жауабы: Қырыққабат
Қорытынды: «Жарайсыңдар, балалар! Білімді екенсіңдер.»
3) 2-тапсырма: Дидактикалық ойын — «Дәмін тауып ажырат»
Мақсаты: кесілген жеміс-жидектердің дәмін тату арқылы олардың қайсысы екенін ажырату.
Балалар тапсырманы орындағаннан кейін қоян кілтті табыстайды. Бағбан ата сандықты ашады — ішінен сиқырлы дорба шығады.
4) 3-тапсырма: Эстафеталық ойын — «Картопты жинау»
Мақсаты: бір себеттен екінші себетке картопты қасыққа салып апару.
«Жарайсыңдар, балалар! Тапқыр әрі шапшаң екенсіңдер. Міне, сиқырлы дорбаны да аштық!»
Бағбан ата дорба ішіндегі жеміс-жидектерді балаларға сыйлайды.
Қорытынды бөлім
Тәрбиеші: «Балалар, бағбан атаға ризашылығымызды білдіріп, өзге ұлт тілінде жеміс-жидектер туралы ән айтып берейік».
Ән: «Жемістер мен көкөністер»
Бағбан ата: «Мен бау-бақшама барайын. Сау болыңдар, балалар! Қоян, сен де менімен бірге жүр».
Балалар бағбан атамен қоштасады. Соңында бүгінгі ойын-сауықтан алған әсерлерін тақтадағы смайлдар арқылы көрсетеді.
Мәлімет
Қала
Атырау
Мекеме
МКҚК №29 «Нұрсая» бөбекжай-балабақшасы
Автор
I санатты тәрбиеші Қарасаева Гүлнар Жұмабайқызы