Қазақша рефераттар

Жаңбыр өлеңінің авторы кім

Сабақ жоспары

Ыбырай Алтынсарин — «Өзен»

Бұл сабақта оқушылар қазақтың ұлы педагог-ағартушысы Ыбырай Алтынсариннің өмірі мен шығармашылығымен танысып, өзеннің адам өміріндегі маңызын түсінеді. Сонымен қатар оқу дағдылары дамытылып, мәнерлеп оқу мәдениеті қалыптастырылады.

Сабақтың мақсаттары

  • Білімділік: Ы. Алтынсариннің өмірі мен шығармашылығын таныстыру; өзеннің адам өміріндегі маңызын ұғындыру; оқу дағдыларын жетілдіру; мәнерлеп оқуға үйрету.
  • Дамытушылық: оқушылардың тілін дамыту, сөздік қорын молайту, ой-өрісін кеңейту, шығармашылық қабілетін жетілдіру.
  • Тәрбиелік: табиғатты сүюге, табиғат-ананы қорғап, аялауға тәрбиелеу.

Сабақтың сипаттамасы

Түрі
Аралас сабақ
Типі
Жаңа білімді меңгерту
Әдістері
СТО, сұрақ-жауап, топтастыру

Көрнекіліктер

  • Электронды оқулық
  • Өзен мен көл суреттері
  • Карта, сызбалар
  • Интербелсенді тақта

Сабақтың барысы

I. Ұйымдастыру кезеңі

  1. Сәлемдесу
  2. Оқушылардың зейінін сабаққа аудару
  3. Психологиялық дайындық

Күнге қолдарыңды созыңдар. Күннің шұғылалы сәулелері ананың нәзік алақанындай аялап, сипап, жылытады. Сиқырлы күн барлық өкпе-мұңды ерітіп жібереді, жүрегімізді жылу мен махаббатқа толтырады.

Барлығы:

Күн жарығын алақанға саламын,

Жүрегіме басып ұстай қаламын.

Ізгі әрі нәзік, жарық, мейірімді,

Болып кетер сонда дереу жан-жағым.

Осы жылумен сабағымызды бастаймыз.

II. Өткен тарауды қайталау (сөзжұмбақ арқылы)

Сұрақтарға жауап бере отырып, бүгінгі тараудың тақырыбын ашамыз.

  • Абай атамыздың «Жан-жануар, адамзат анттаса, ата-анадай елжіреп күннің көзі...» деген өлең жолдарында жылдың қай мезгілі суреттелген?
  • «Көктем сәні — жасыл желек» деген қай жануардың сөзі?
  • «Жаңбыр» өлеңінің авторы кім?
  • Ит «Көктем сәні неде?» деп нені сұрады?
  • Олжас Сүлейменовтың өлеңінде кімдер туралы айтылған?
  • «Қуанышты күнің, жаңа жылың құтты болсын, қазақ!» деген жолдарда қандай мейрам туралы айтылған?
  • Көктемгі тіршілікте малдар не істейді?

Шешімі:

Тақырып ТАБИҒАТ

III. Жаңа сабақ

Бүгін біз «Табиғат — менің өз үйім» бөлімін бастаймыз. Сабақтың тақырыбы мен мақсаттары таныстырылады.

Топқа бөлу

Сынып үш топқа бөлінеді: Әдебиетшілер, Географтар, Экологтар.

Әдебиетшілер

«Өзен» өлеңінің авторы туралы мәлімет береді. Топтастыру стратегиясы қолданылады.

Географтар

  • Өзеннің анықтамасы және бөліктері: бастауы, саласы, сағасы.
  • Электронды оқулық арқылы өзен бейнесін талдау.
  • Қазақстанның өзендерін картадан көрсету.

Экологтар

  • Өзеннің пайдасы туралы айтады.
  • Өзенді қорғау жолдарын ұсынады.

IV. Оқулықпен жұмыс

  1. Мәтінді іштей оқу
  2. Сөздік жұмысы (дәптермен жұмыс)
  3. Өлеңді шумақтарға бөліп оқу, талдау, идеясын ашу
  4. Күй ырғағымен мәнерлеп оқу

Сергіту сәті

Судан неге сасасың?

Судан неге қашасың?

Сергітетін денеңді,

Сап-салқын су жасасын!

Шығармашылық тапсырма (дәптермен жұмыс)

1-топ

Қазақстандағы өзендердің аттарын жазу.

2-топ

Табиғат туралы мақал-мәтелдер жазу.

3-топ

Суға байланысты тыйым сөздер жазу.

V. Жаңа сабақты бекіту

«Балық аулау» ойыны арқылы сабақта алынған білім пысықталады, сұрақтарға жауап беріледі.

  • «Өзен» өлеңінің авторы кім?
  • «Қынарда» сөзінің мағынасы қандай?
  • Таулардан сарқырап не ағады?
  • Өзен суының күшінен не өндіріледі?

VI. Қорытынды

Егер денім сау болсын десең,

Егер көңілім жай болсын десең,

Табиғатқа табын, Адам!

VII. Үй тапсырмасы

  • «Өзен» өлеңін жаттап келу.
  • Өзеннің суретін салу.

VIII. Бағалау

Оқушылардың сабаққа қатысуы, тапсырмаларды орындауы және мәнерлеп оқуы бойынша білімдері бағаланады.