Қазақша рефераттар

Бүгінгі мектепалды даярлық тобында алғашқы түлектері өмірге араласпақшы

Тақырыбы: Бала шақтан болашаққа

Бұл мерекелік ертеңгілік — мектепалды даярлық тобының алғашқы түлектерін шығарып салуға арналған ерекше күн. Бір жыл бойы мәпелеп, күтіп, тәрбиелеп өсірген бүлдіршіндеріміз енді жаңа белеске қадам басқалы отыр.

Мақсаты

  • Білімділік: балалардың бір жыл бойы алған білімдерін тиянақтау.
  • Дамытушылық: балалардың сөздік қорын дамыту.
  • Тәрбиелік: үлкенге құрмет, кішіге ізет көрсетуге тәрбиелеу.

Көрнекіліктер

  • Суреттер
  • Нақыл сөздер
  • Интерактивті тақта

Тәрбиеші: Құрметті ата-аналар, қонақтар!

Кіріспе сөз

Бүгін мектепалды даярлық тобында тәрбиеленген бүлдіршіндеріміз өмірге жаңа қадам жасап, алғашқы түлек атанғалы отыр. Олар — көк байрағымызды желбіретіп, Әнұранымызды асқақтататын еліміздің ертеңі мен келешегі.

Олар — ел бірлігін ойлайтын, өз Отанын қорғайтын болашағымыз. Бүгінгі күн әр жүректе ұмытылмастай болып қалары сөзсіз.

Бүгінгі той иелерін — мектепалды даярлық тобын ортаға шақырайық. (Балалар ортаға кіреді.)

Би: Вальс Мектепалды даярлық тобы

Мерекелік бастау

Тәрбиеші: Құрметті қонақтар, армысыздар!
Бәріңіз де есен-аман бармысыздар?
Таусылмайтын ағытып ой-арманың,
Ал, достарым, ақ жол тілеп, сөз бастайын!

Бүгін біз бір жыл бойы мәпелеп, күтіп, тәрбиелеп өсірген бүлдіршіндерімізді мектепалды даярлық топтан шығарып салғалы отырмыз. Бұл да үлкен той — тойларыңыз құтты болсын!

Кәнеки, кішкентай түлектерімізді тағы да бір қошеметтеп, қол соғып қояйық!

Тәрбиеші:
Мерекеде сызылтып ән салады,
Ән айтып, би де билеп жан салады.
Бұл ұлы мерекеде ән салғанда,
Бүкіл ел шапалақтап қарсы алады.

Оқиға желісі: Машаға көмектесейік

Балалар, бізге Маша келіп тұр екен. Оны танисыңдар ма? Ол да сендермен бірге 1-сыныпқа барғысы келеді. Бірақ Аю оған тапсырмалар беріпті. Маша сендерден көмек сұрап келді. Көмектесеміз бе?

Балалардың жауабы: Иә!

Тапсырма 1: «Кім жылдам сөз айтады?»

Қозғалыс + сөздік қор

Шарты: Ортаға әртүрлі әріптер шашылады. Музыка тоқтағанда балалар әріптердің үстіне тұрады да, сол әріптен басталатын сөз айтады.

Тәрбиеші: Жарайсыңдар, балалар!

Ән: «Дос болайық бәріміз»

Хор

Енді бәріміз бірге ортаға шығып, «Дос болайық бәріміз» әнін айтайық.

Тапсырма 2: «Иә, иә / Жоқ, жоқ» ойыны (балаларға)

Балалар, қараңдаршы: біздің Машамызға Аю тағы бір тапсырма беріпті — сұрақтарға жауап беру. Олай болса, «Иә, иә / Жоқ, жоқ» ойынын ойнайық.

  1. Мектепке барамыз ба?
  2. Кілең «бестік» аламыз ба?
  3. Айтқан тілді аламыз ба?
  4. Ақылды бала боламыз ба?
  5. Нан жеймін деп жылаймыз ба?
  6. Сабаққа ерте тұрамыз ба?
  7. Сабақта отырып ұйықтаймыз ба?
  8. Ойыншықтармен ойнаймыз ба?
  9. «Екі» алғанда жылаймыз ба?
  10. Оқушы боламыз ба?

«Иә, иә / Жоқ, жоқ» ойыны (ата-аналарға)

Енді дәл осы ойынның ата-аналарға арналған нұсқасын ойнайық. Сұрақтарға шынайы әрі көтеріңкі көңіл-күймен жауап берейік.

  1. Балаңызға әрқашан тірек боласыз ба?
  2. Сабақ оқуға, есеп шығаруға жүйріксіз бе?
  3. Тамағын уақытында бересіз бе?
  4. Әрдайым төзімді бола аласыз ба?
  5. Сериал көріп жатасыз ба?
  6. Ұрып, нұқып үйретуге барасыз ба?
  7. «Оқыту — мұғалімнің жұмысы» деген кері тартпа сөзді айтасыз ба?
  8. «Сен оқыт, мен шаршадым» деп ұрысуға дайынсыз ба?
  9. Балаңыз үшін басқа балалармен төбелесуге барасыз ба?
  10. Бала үшін асулардан аса аласыз ба?