Топтың аты

Іс-шара туралы

Тақырыбы

«Дені саудың – жаны сау» спорттық-эстафеталық жарысы

Қатысушылар

Ата-аналар мен балалар

Қажетті құралдар

Кедергілер
Кішкентай доптар
Құм
Су құятын ыдыстар
Шелек

Мақсаты

Салауатты өмір салтын насихаттау
Дені сау, рухы таза ұрпақ тәрбиелеу
Балалардың дене тәрбиесін жүйелі қалыптастыру
Спорттық шеберлікті және мүмкіндікті дамыту
Өзін-өзі тәрбиелеу мен білім деңгейін көтеруге дағдыландыру

Тәрбиешінің кіріспе сөзі

Армысыздар, бүлдіршіндер және ойынға қатысқалы отырған құрметті ата-аналар! «Дені саудың – жаны сау» демекші, спорт әлеміндегі ең қызықты әрі көңілді жарысымызды бастаймыз.

Біздің сайысқа қатысатын командалар жылдамдықтарын, ой-өрістерін, күш-жігерлерін көрсетіп, өзара сынға түседі. Ендеше, алдымен денемізді шынықтырып, қыздырып алайық.

Бой сергіту

«Аяқпенен топ-топ-топ»

Шақыру өлеңі

Дүбірле, бақшам, дүбірле,

Жақсылық болсын үйіңде.

Қуаныш толып жүзіңде,

Арнаулы жолдан сүрінбе.

Жарыста нағыз мықтылар,

Жеңіске жетер түбінде.

Бүгінгі жарысқа екі топ қатысады. Әділ бағасын беретін — әділқазылар алқасы. Құрметті халайық, жарысты тамашалаңыздар!

Командаларды таныстыру

Шарты: Екі команда ортаға шығып, қатарға тұрады да, өз атын және ұранын айтып таныстырады.

Топтың аты: Қыран

Ұраны:

Қыран тобы алға,

Биіктерге самға.

Жүреміз тек алда!

Топтың аты: Алғыр

Ұраны:

Жарыс десе жанамыз,

Бүгінгі күн жарыста,

Алғырлықпен аламыз!

Эстафеталық турлар

1-тур: Құмнан жасалған тәттілер

Шығармашылық тапсырма

Шарты: Команда мүшелері бірлесе отырып, құм салынған алаңқайда қалыптарға құмды толтырып, түрлі бейнелер мен мүсіндер жасап, оларды әсемдеп безендіреді.

2-тур: Көңілді доптар

Ептілік және үйлесім

Шарты: Ересектер екі түрлі түсті кішкентай допты бір-біріне алмастыра лақтырып, қағып алып, кедергілер арасымен мәреге дейін жетеді. Мәреге келген соң доптарды сол жерде қалдырып, кері қайтады. Балалар кедергілер арасымен жүгіріп өтіп, мәредегі доптарды алып қайтуы керек.

3-тур: Кім жылдам?

Жылдамдық және төзімділік

Шарты: Мәре сызығындағы ыдысқа суды шелектеп тасу қажет. Қай топтың ыдысы бірінші болып толса — сол топ жеңімпаз атанады.

4-тур: Қырықаяқ

Командалық бірлік

Шарты: Әр топ ойыншылары бір-бірінің белінен ұстап, белгіленген жалаушаны айналып өтеді. Қай команда ағытылмай, мәре сызығынан бірінші өтсе — сол команда жеңеді.

Қорытынды және марапаттау

Тәрбиешінің қорытынды өлеңі

Жарыс заңы ежелден — жеңімпазды анықтау.

Жеңімпаз болу шарты — еңбектену, жалықпау.

Біреу озса сайыста, біреу артта қалады.

Бұл сайыста ренжімей тарасу — бізге жарасады.

Марапаттау кезеңі: қатысқан команда мүшелері арнайы дипломдармен марапатталады.

Қоштасу сөздері

Жарқын, шаттық заман болсын,

Отбасымыз аман болсын.

Сыйластық пен бірлік болып,

Әрқашан орта толсын.

Дереккөз

Қала

Атырау

Мекеме

№5 «Аққу» бөбекжай-балабақшасы

Автор

Амантаева Жазира Саматқызы