Қазақша рефераттар

Суреттерді талқылау

Сынып сағаты

Мен және табиғат

Бұл сынып сағаты табиғатқа рухани әрі саналы қарым-қатынас қалыптастыруға, адамның табиғаттың ажырамас бөлігі екенін түсіндіруге бағытталған. Негізгі мақсат — оқушылардың экологиялық мәдениетін, адамгершілік құндылықтарын, жауапкершілігін арттыру және табиғатты қорғаудың ғылыми-теориялық негіздерін экологиялық тұрғыда түсіндіру. Сонымен қатар оқушыларды азаматтық қозғалыс ұғымымен және Семей ядролық полигонының қалыптасу тарихымен таныстыру қарастырылады.

Тәрбиелік мақсаттар

  • Табиғатқа деген рухани-санаулы қарым-қатынасты қалыптастыру.
  • Адамның табиғаттың бір бөлшегі екенін дәлелдеу және ұғындыру.
  • Экологиялық мәдениет, ізгілік және жауапкершілік дағдыларын дамыту.
  • Өз өлкесіне және әлемдік табиғатқа деген парасатты көзқарасты тәрбиелеу.

Мазмұндық бағыт

  • «Азаматтық қозғалыс» ұғымымен таныстыру.
  • Семей полигонының даму тарихы туралы мағлұмат беру.
  • Табиғаттың күйреуі адамзат болашағына тікелей қауіп екенін түсіндіру.
  • Қазіргі экологиялық проблемаларды шешу жолдарын талқылау.

Ұйымдастыру

Жабдықтау

Табиғат туралы даналық сөздер, плакаттар, суреттер, тест тапсырмалары.

Өткізу нысаны

Әңгімелесу, пікір алмасу, тест, заң баптарын талдау.

Дайындық жұмысы

  1. Тақырыпқа байланысты материал жинақтау.
  2. Оқушылармен алдын ала сөйлесу.
  3. Көрнекіліктерді дайындау.

Көркемдеу үшін ұсынылатын сөздер

ҚР Заңы, 38-бап

Қазақстан Республикасының азаматтары табиғатты сақтауға және табиғи байлықтарға ұқыптылықпен қарауға міндетті.

Жер тағдыры — ел тағдыры.

Адам — табиғаттың бір бөлшегі.

Табиғат адам үшін жаратылған, бар қызық табиғаттан таралған.

Сынып сағатының жоспары

  1. Мұғалімнің кіріспе сөзі.
  2. Оқушылар дайындаған материалды оқу және талқылау.
  3. Пікір алмасу, суреттерді талқылау.
  4. Тест сұрақтарына жауап беру және талқылау.
  5. Қорытынды жасау.

Сынып сағатының барысы

Мен таптым табиғаттан кемелдікті,
Пәктікті, ұлылықты, шеберлікті.
Әлі тұр айналамда жоғалмастан,
Жоғалып кетсе дағы нелер мықты...
Б. Алдамжаров

1) Мұғалім сөзі

— Сәлеметсіздер ме?

— Ұлдар, қыздар, жан-жағыңа қараңдаршы. Қабырғада ілініп тұрған сөздерге назар аударып, оқыңдар. Түсініксіз сөздер болса, бірге талқылаймыз.

— Бүгінгі тақырып табиғатқа және Жер экологиясына арналған. Әсіресе Қазақстан экологиясына, яғни өз өлкеміздің экологиялық жағдайына назар аударамыз.

Талқылау сұрағы

Экология деген не?

Экология сөзі грек тіліндегі «oikos» — «үй» және «logos» — «ілім» ұғымдарынан тарайды. Яғни, бұл — қоршаған орта туралы білім.

Енді табиғаттың негізгі құрамдас бөліктеріне тоқталып, қоршаған ортаның экологиясын бірге қарастырайық.

2) Таза ауа — тіршіліктің өзегі

Табиғат байлықтарының ішінде тіршілік атаулының өмірлік өзегі, аңсар арманы — таза ауа.

Болмасын ауа ешкімнің арманы, мұны,
Ауадан артық ас жоқ жалғанда ұлы.
Ойлашы, кімге боламыз біз,
Жұтудан таза қалған күні.

Бола алмас аспан ұя зауалына,
Жауларды тартар уақыт жауабына.
Бомбасын жер мен суда сынатпаймыз,
Улауға жол бермейміз ауаны да.

Сұрақтар

  • Экологиялық ауа проблемаларын атаңдар.
  • Экологиялық дағдарыстың негізгі себептері қандай?
  • Көлік қоршаған ортаны қалай ластайды?

Талқылауға арналған деректер

  • Ормандардың жойылуы табиғи тепе-теңдікті бұзады.
  • Жыл сайын атмосфераға миллиондаған тонна ластаушы заттар бөлінеді.

Оқушылардың жауаптарын тыңдап, мысалдар арқылы қорытынды жасайық: таза ауа — денсаулықтың ғана емес, қоғамның да қауіпсіздігінің негізі.