Педагогикалық ұжымға арналған сайыс
Сайыс туралы
«Ата-баба дәстүрі — елдігіміздің белгісі» тақырыбындағы педагогикалық ұжымға арналған мерекелік сайыс Атырау қалалық №8 «Ақбота» шипа-жай типті балабақшасында балабақша әкімшілігі мен кәсіподақ ұйымының ұйымдастыруымен Ұлыстың ұлы күні — Наурыз мейрамына орай кең көлемде өтті. Іс-шараға балабақшаның барлық қызметкерлері белсенді қатысып, ұлттық құндылықтарды ұлықтауға үлес қосты.
Ұйымдастырушылар
- Балабақша әкімшілігі
- Кәсіподақ ұйымы
Өткізілген орны
Атырау қалалық №8 «Ақбота» шипа-жай типті балабақшасы
Мақсаты
Ұлттық құндылықтарды жаңғырту
- Халық педагогикасын насихаттау
- Салт-дәстүрлерді жаңғырту, үйрену
- Жастарға ұлттық тәрбие беру
Ұжымдық даму
- Педагогтардың шығармашылығын дамыту
- Кәсіби шеберлікті жетілдіру
- Педагогикалық ұжымда жағымды психологиялық климат қалыптастыру
Шараның ашылуы
Жүргізуші
Қонаева Гүлбану
Көктемнің көркі — гүл емес пе?
Гүлсіз табиғат тұл емес пе?
Көктемнің әнін жырлаған,
Наурыздың тойын тойлаған —
«Ақбота» балабақшасы біз емес пе?
Құтты болсын Наурыз тойың, мерекең!
Үйіңде болсын тек қана құт-берекең.
Ұйымдасқан, үлгілі ұжым болайық —
дегендей, мерейіміз таси берсін!
Құттықтау сөзі
Құрметті қонақтар, Наурыз мерекелеріңіз құтты болсын! Үйлеріңізде мереке, ұжымдарыңызда құт-береке орнасын. «Бірлік түбі — тірлік», «Береке басы — басшыдан» дегендей, алғы сөз кезегін:
Балабақша директоры: ________________________
Кәсіподақ ұйымының төрайымы: ________________________
Сайыс құрылымы
«Ата-баба дәстүрі — елдігіміздің белгісі» атты сайысымызды бастаймыз.
Дәстүрімізді жаңғыртып, үйренейік.
Жамандықтан жиренейік.
Өсіп келе жатқан жас ұрпақты
әдептен озбауға тәрбиелейік.
Әділқазылар алқасы
Сайыс басталар алдында әділқазылар алқасы сайланады:
Қатысушылар
Сайыскерлер балабақшаның барлық топтарынан қатысады:
- 1-топ
- 2-топ
- 3-топ
Сайыс кезеңдері
Сайыс 7 бөлімнен тұрады:
- 1 Ұлттық киімдер шеруі
- 2 Өзін таныстыру
- 3 Викториналық сұрақтар (киіз үй құрылымы, ұлттық бұйымдар, ою-өрнек)
- 4 Ұлттық дәстүрден көрініс (түсіндірмесімен, 5–6 минут)
- 5 Көркемөнер сайысы (ән, би, сахналық қойылым)
- 6 «Қара жорға» биі (барлық сайыскерлер қатысады)
- 7 Ұлттық тағамдар көрмесі (үй тапсырмасы)
1-бөлім: Ұлттық киімдер шеруі
Көркем сөз
Әдемі көйлек киемін,
Қос етегі бүрмелі.
Кестеленген жиегінде —
кең даланың гүлдері.
Жарасады бөркіме,
Үкілерім үлпілдеп.
Ел қараған көркіме
«Неткен әсем!» — дерсің кеп.
Өту барысы
Сайыскерлер ұлттық киім үлгілерін таныстырып, сән-салтанатымен шеру жасайды. Әр қатысушының киіміндегі ою-өрнек, зерлеу мен әшекей ұлттық мұраның мәнін айқындайды.
Назар аударатын тұстар
- Киімнің мәні мен тарихына қысқаша тоқталу
- Ою-өрнектің мағынасы
- Сахна мәдениеті және таныстыру шеберлігі