Телеарналарды әншілер жаулап алды Бұған дейін отандық телеарналарды әншілер жаулап алды деп көрермендер жиі шағымданатын

Телеарналарды әншілер жаулап алды

Бұған дейін отандық телеарналарды әншілер "жаулап алды" деп көрермендер жиі шағымданатын. Расымен де, қай телеарнаны қоссаңыз да беті жылтыраған эстрада жұлдыздары жұртқа ақыл айтып немесе өтірік күліп отыратын.
Коммерциялық телеарналар болса мақұл, мемлекеттен қаржыланатын Қазақстан мен Хабарыңыз да эфирді журналистерге емес, әнші - әртістерге беріп қойған, деп жазады sn. kz.

Дегенмен, "Ұлттық арна" аталып кеткен "Қазақстан" РТКР АҚ - ға жаңа төраға Ерлан Қарин тағайындалғаннан кейін жағдай түзелетін шығар деп үміттенгендер көп болды. Бірақ, эфирде таң атқаннан күн батқанға дейін қазақстандықтардың көңілін әлі сол әнші - әртістер мен "сайқымазақтар" көтеріп жүр. Көңіл көтергендері өз алдына, енді олар білікті сала мамандарын ығыстырып, ұлттық арнаның басшылық құрамына ене бастады. Мәселен, бұрынғы "КВН - ші" Нұрлан Қоянбаев бүгінде "Қазақстан" арнасының бас продюсері. Бұл Ерлан Қариннің төраға болғаннан кейін жүргізген алғашқы ауыс - түйісі.

Ал, жуырда ғана Қарин "Таңшолпан" бағдарламасының басшылығына эстрада әншісі Гүлнұр Оразымбетованы тағайындапты. Иә, әнші әрі Қызылорда облысы экс - әкімінің әйелі енді ұлттық арнаның эфирін ашады, турасын айтсақ ашып жүр. Аша салысымен сынға да ілігіп үлгерді. Әнші жаңалық енгізгісі келсе керек, таңғы бағдарламаны бұрынғыдай екі емес қазір төрт бірдей жүргізуші жүргізеді. Экранға әзер сыйып отырған оларды көргендер "жағасын ұстамаса" да, таңданыстарын жасырмай айтып жүр.

Ерлан Қарин сондай - ақ, "Қазақстан" арнасынан енді ағылшын тілінде фильмдер көрсететінін де хабарлады. Елбасы былтыр ғана 100 пайыз қазақша хабар таратсын деген телеарна бұдан былай ағылшынша да "сайрайды".

Міне, елдегі идеологияның басты құралдарының бірі саналатын ұлттық арнаның қазіргі сиқы осындай. Таңертең Гүлнұр Оразымбетованың компаниясында таңғы шайыңызды ішсеңіз, түнде КВН - ші Қоянбаевпен бірге ұйқыға кетесіз. Бұлардың арасында "Жайдарманның" күлдіргіштері, Тәуекел Мүсілім, Тұрсынбек Қабатов секілді "супермендер" (әмбебап адамдар) барлық проблеманы ұмыттырып, көңіліңізді көтереді.

Ал, халықтың рухани құндылықтардан қол үзгенін күнделікті жаңалықтардан көріп жүрміз. Жаңа туған балалардың қоқысқа, дәретханаға, көшеге тасталуы, жетімдер санының көбеюі, жастар арасындағы ауыр қылмыстар, сотталушылар санының тым көбейіп кетуі, қарттар үйлеріндегі қазақ ата - әжелер және тағысын тағы. Бұл жағымсыз құбылыстардың белең алуы қазақ қоғамының деградацияға ұшырауының белгісі десек қателесе қоймаспыз. Ал, елге үлгі болуы тиіс депутаттар тастанды балаларға арнап бэйби - бокстар орнатуды ұсынып жүрсе, халыққа рухани азық беруі тиіс телеарналар көңіл көтеруден қолдары босамайды. Өкінішке қарай, Ерлан Қарин бастаған команданың іскерлігі әзірге сол эстраданың деңгейінен әрі аса алмай тұр. Бірақ, жаңа келген басшыдан әлі де күтеріміз мол. Өйткені, Қарин жуырда ғана телеарнаның жаңа маусымы Наурыз мерекесінің қарсаңында көрерменге ұсынылады деп уәде берген.

Дерекөзі: SN-ақпарат

Ұқсас жұмыстар

Теледидар бағдарламасын дайындау процесіне авторды араластыру редактор жұмысының маңызды ерекшелігі

Отандық телевизияның әлемдік телевизия бағытымен салыстырмал

Қазақ телевизиясы: тарих пен тағылым

ҚAЗAҚСТAН ҰЛТТЫҚ ТЕЛЕAРНAСЫНДAҒЫ РЕКРЕAТИВТІК БAҒДAРЛAМAЛAРДЫҢ ӨЗІНДІК ЕРЕКШЕЛІКТЕРІ

Балалар психологиясына теледидардың әсері

Қазақ телевизиясының алғышшартары

7 -арна: кәсіби деңгейі мен шығармашылық шеберлігі

Ток - шоу тақырыптары

Теледидардағы музыкалық хабарлардың ұлттық психологияны қалыптастырудағы ролі

Қaзaқ өнерінің телевизиядa нacиxaттaлуы

Индустриялдық – инновациялық бағдарламасының негізі