Қазақша рефераттар

Жеті лақ ертегісі. Сабақтың мақсаты

Сабақтың тақырыбы

7 саны мен цифры.

Сабақтың мақсаты

  1. Оқушыларды 7 санының құрамымен таныстыру; 7 санын қосу және азайту тәсілдерін түсіндіру.
  2. Ертегіні зейін қоя тыңдауға, ұшқыр ойлап, тез жауап беруге тәрбиелеу.
  3. Ойлау мен есте сақтау қабілеттерін дамыту үшін ауызша және жазбаша есептеу дағдыларын қалыптастыру.

Сабақ ресурстары мен тәсілдері

Көрнекілік

Интерактивті тақта.

Әдіс-тәсілдер

Талдау–жинақтау, қызығушылықты ояту.

Жаңа технология

Интерактивті оқыту технологиясы.

Пәнаралық байланыс

Ана тілі, дүниетану.

Сабақтың барысы

I. Ұйымдастыру бөлімі: психологиялық дайындық

Қайырлы таң, досым,
Қайырлы күн болсын!
Жеті күннің әр күні,
Сәттілікке толсын!
Біздің алар бағамыз,
Кілең бестік болсын!

Сұрақ-жауап

Мұғалім:
Бір жылда неше мезгіл бар?
Оқушылар:
Төрт мезгіл бар.
Мұғалім:
Қазір бізде қай мезгіл?
Оқушылар:
Қыс мезгілі.
Мұғалім:
Қыс мезгілінде қандай өзгерістер болады?
Оқушылар:
Күн суытады, қар жауады. Адамдар жылы киінеді.

II. Математикалық жұмбақ

Мұғалім оқушыларға жұмбақ беріп, шешуін табуды ұсынады. Оқушылардың жауабы: «Жеті».

Шешу жолы: 5 санына 2 санын қостық.

III. Жаңа материалды меңгерту

Бүгінгі математика сабағында 7 саны мен цифрын өтеміз.

Есепшотпен жұмыс

Есепшоттан алтысын шығарып алып, сол алты есепшотқа бір есепшотты қоссақ, нешеу болады?

Жауап: 7.

Суретпен жұмыс

Суретте боялған үшбұрыштарды санаймыз: 1, 2, 3, 4, 5, 6, 7.

Қорытынды: 6 санынан кейін 7 саны келеді.

7 саны туралы білімді кеңейту

  • 7 ата
  • 7 күлше
  • 7 күн

Ертегімен байланыс: «Жеті лақ»

Оқушылар 7 санына қатысты ертегіні еске түсіреді: «Жеті лақ». Содан кейін ертегінің үзіндісі тыңдалады.

Ерте, ерте ертеде, ешкі жүні бөртеде, бір ешкі мен оның жеті лағы өмір сүріпті. Ешкі күнде үйінен жем іздеп кетеді екен. Кетерінде лақтарына: «Лақтарым, шырақтарым! Егер қасқыр келіп, есікті қақса, ашпаңдар», — деп ескертеді.

Бір күні қасқыр есік қағып, лақтарды алдап соғып алып кетеді. Тек бір лақ қана тығылып қалып, анасына болған жайтты айтып береді. Ешкі не істерін білмей қалады.

Мұғалім: «Ешкіге көмектесеміз бе?»
Оқушылар: «Иә!»
Қасқыр лақтарды бір-бірлеп жемей қоюы үшін, оқушылар тапсырмаларды орындауы керек.

Қасқырдың тапсырмалары

1-тапсырма

Суреттер бойынша өрнектер құрастыр.

Нәтиже: бірінші лақ құтқарылды.

2-тапсырма

Ой сергіту (ауызша есептеу).

Нәтиже: екінші лақ құтқарылды.

3-тапсырма

Дәптермен жұмыс: 7 санын жазу.

Нәтиже: үшінші лақ құтқарылды.

IV. Сергіту жаттығуы

Алтайда бар бес іні,
Елтайда бар екі іні.
Қоссаң бес пен екіні,
Неше болар шешуі?

Жауабы: 7

Жеті асықтың біреуін
Досың сұрап алады.
Айтшы сонда нешеуі
Өз қолыңда қалады?

Жауабы: 6

4-тапсырма: «Кім шығармашыл?»

>, <, = таңбаларын қолданып, сандарды салыстыр.

Нәтиже: төртінші лақ құтқарылды.

5-тапсырма

Берілген тапсырма орындалады.

Нәтиже: бесінші лақ құтқарылды.

6-тапсырма

Өрнектің мәнін тап.

Нәтиже: алтыншы лақ құтқарылды.

Қорытынды: лақтар аман-есен анасына тапсырылды.

V. Бекіту

Сұрақ: Бүгін қандай санмен таныстық?
Жауап: 7 санымен таныстық.

VI. Қорытынды

Сұрақ: Суретте бала нешінші баспалдаққа мініп бара жатыр?
Жауап: жетінші.

Тура санау

0, 1, 2, 3, 4, 5, 6, 7

Кері санау

7, 6, 5, 4, 3, 2, 1, 0

VII. Үй тапсырмасы

Үй тапсырмасы беріледі.

VIII. Бағалау

Лақтарды құтқарғандарың үшін, ешкі сендерге өз «бестік» бағаларын ала келді.

5 5 5 5 5

IX. Сабақтың аяқталуы

Лақтарды біз қамайық,
Кітап, дәптер жабайық.
Қонақтармен қоштасып,
Сау-саламат болайық.