Қазақша рефераттар

Аққала Сабақтың мақсаты

Сабақ туралы мәлімет

Сабақтың тақырыбы

Аққала

Сабақтың мақсаты

  • Балалардың қыс туралы түсінігін кеңейту.
  • Жаңа сөздерді меңгерту: «қар аппақ», «аяз күні қар сықырлайды».
  • Балалардың сөздік қорын дамыту.
  • Ермексаздан аққаланы әдемі әрі ұқыпты етіп мүсіндеуге үйрету.

Әдіс-тәсілдер

Әңгімелеу Сұрақ-жауап Көрсету Түсіндіру

Көрнекіліктер

  • Қыстың суреті
  • Тірек сызба
  • Ермексаз
  • Қол сүлгі
  • Ермексаздан жасалған аққала үлгісі

Сабақтың барысы

1) Шаттық шеңбері

Балалар шеңберге тұрып, бір-біріне жылы лебіз білдіреді.

Амандасу үлкенге —
Тәрбиенің басы ғой.
Ал, кәнеки, бәріміз,
«Сәлем!» дейік үлкенге.

Сәлеметсіздер ме, қонақтар!

2) Әңгімелесу және сұрақ-жауап

Сұрақтар

  • Жылдың төрт мезгілін білесіңдер ме?
  • Қазір жылдың қай мезгілі?
  • Қыс айларын атайық.
  • Қыста күн қандай болады?
  • Жерде не болады? Қардың түсі қандай?
  • Қыста қандай ойындар ойнаймыз?
  • Қыста қандай киімдер киеміз?
  • Аязда тоңбау үшін не істеу керек?

Күтілетін жауаптар

Мезгіл: Қыс.

Қыс айлары: желтоқсан, қаңтар, ақпан.

Ауа райы: суық, аязды, боранды болады.

Қар: ақ. Аяз күні қарды басқанда сықырлайды.

Ойындар: сырғанақ тебеміз, аққала жасаймыз.

Киімдер: тон, құлақшын, қолғап, жылы етік.

Тоңбау үшін: жүгіреміз, секіреміз, ойнаймыз, сырғанақ тебеміз.

Негізгі жаңа тіркестер: қар аппақ аяз күні қар сықырлайды

3) Сергіту сәті

Аула іші — бақ, дала,
Тұрғызамыз аққала.
Аққаланы айналып,
Би билейміз шаттана.

4) Жұмбақ

Шелек қалпақ басында,
Сәбіз екен мұрны.
Қыста қардан тұратын,
Тауып көрші сен оны.

Жауабы

Аққала

5) Негізгі бөлім: «Аққала» мүсіндеу

Қонақ келеді

Осы кезде есік қағылып, аққала қонаққа келеді.

— Балалар, бізге кім келді? Амандасайық.

— Сәлем! Сен кімсің?

— Мен Аққаламын.

Аққала: «Мен өзіме дос іздеп жүрмін. Сендердің достарың көп, ал мен жалғызбын. Маған дос тауып беріңдерші».

Құрылымы

  • Аққала 3 бөліктен тұрады: басы, кеудесі, аяғы.
  • Көзі — 2, мұрны — 1, аузы — 1.
  • Басына шелек кигіземіз, мұрнына сәбіз орнатамыз.

Жасалу жолы (ермексаз)

  1. 1 Алдымен шағын домалақ пішін жасаймыз.
  2. 2 Аяғын — үлкен, кеудесін — орташа, басын — кіші етіп домалатамыз.
  3. 3 Үш бөлікті бір-біріне ұқыптап біріктіреміз.
  4. 4 Көзін, аузын жапсырамыз; мұрнына сәбізді орнатамыз.
  5. 5 Басына шелек кигізіп, соңғы бөлшектерін реттейміз.

Тапсырма:

Аққалаға дос мүсіндеп береміз. Жұмысты әдемі, таза және ұқыпты орындауға мән береміз.

Мұғалім бақылауы: «Қазір бәріңнің жұмыстарыңды қарап шығамын».

Қорытынды пікір: «Өте жақсы! Барлығың да аққаланы жақсы мүсіндедіңдер».

Қорытынды

Қайталау сұрақтары

  • Сабақ ұнады ма?
  • Аққаланың басына не кигіздік?
  • Аққалаға не мүсіндеп бердік?

Күтілетін нәтиже

Білу керек

Қыс мезгіліне қатысты түсініктер мен ойын түрлерін.

Игеру керек

Аққаланың жасалу жолдарын (кезең-кезеңімен орындау).

Меңгеру керек

Ермексаздан аққаланы мүсіндеу дағдысын.

Аққала балаларға риза болып, қоштасады. Балалар сабаққа белсенді қатысқаны үшін мадақталады.