Адамды мұратқа жеткізетін ана тілі мен ата дәстүрі
Әдеби монтаж: «Тілім – таусылмас жырым!»
Бұл әдеби-монтаждың өзегі — ана тіліміздің қадір-қасиетін таныту, сөз құдіретін сезіндіру, тіл мәдениетін қалыптастыру және мемлекеттік тіл мәртебесін көтеруге үн қосу.
Мақсаты
- Оқушыларға ана тілінің қадір-қасиетін танытып, көркемдігін сезіндіру; сөз құдіретін ұғындырып, тілдің адам өміріндегі маңызын түсіндіру.
- Тілдің әуезділігі мен байлығын, көркемдігі мен шешендігін ашатын нақыл сөздер, мақал-мәтелдер арқылы оқушының дүниетанымын кеңейтіп, ой-өрісін дамыту.
- Тіл тазалығын сақтау, мәдениетті сөйлеу мен шешендік өнерді бойға сіңіру арқылы ана тіліне сүйіспеншілік қалыптастыру; мемлекеттік тіл мәртебесін көтеруге атсалысуға шақыру.
Көрнекілігі
Нақыл сөздер
Тілді қадірлеу туралы қанатты ойлар мен дәйексөздер.
Бекеттер мен топ атаулары
Плакаттарда бекеттер мен топ аттары беріліп, жұмыс бағыты айқындалады.
Кітап көрмесі
«Ана тілі – рухани даму негізі» тақырыбындағы кітап көрмесі.
Салтанатты ашылу
Қазақстан Республикасының Мемлекеттік Әнұраны орындалады.
Жүргізуші сөздері
1991 жылы еліміз егемендігін алып, өз алдына тәуелсіз мемлекет атандық. «Отаны бірдің — тілегі бір, жүрегі бір» деген нақылдың мәні бүгін де терең. Жүзі басқа болса да жүрегі бір, тілі басқа болса да тілегі бір, атасы басқа болса да Отаны бір қаншама ұлт пен ұлыстың басын қосып отырған Қазақстан — көпұлтты ел. Бұл — біздің байлығымыз әрі мақтанышымыз.
Ел бірлігі — ең асыл қасиет. Бірлік, ынтымақ, сабыр мен парасат — ең алдымен өзімізге керек. Мемлекеттің даму болашағының бір көзі — халықтың бірлігі.
«Қуан, халқым, қуанатын күн бүгін!
Тіл заңының күшіне енген күн бүгін…»
Ақындар жырлағандай, 21 қыркүйек — Қазақстан халықтарының тілдері күні.
Құрметті оқушылар мен ұстаздар! М. Шаханов жырлаған «құдіретті төрт ана» ұғымы — адамды тамырсыздық індетінен қорғайтын рухани тірек. Халықтың тарихта қалуы — ең алдымен тіліне байланысты.
М. Шахановтан ой-түйін (үзінді мазмұны)
- Туған жер — айбын мен түпқазық.
- Туған тіл — сатылмайтын байлық.
- Туған тарих — ауыр болса да, жадыдан өшпес сабақ.
- Осы құндылықтарды қорғау — ұлттың тынысы.
Тіл — халықтың жаны мен сәні. Адамды мұратқа жеткізетін — ана тілі мен ата дәстүрі. Ендеше, тілге қандай құрмет көрсетсек те жарасады.
Тіл мерекесі, тіл салтанаты, тіл қуанышы құтты болсын!
Оқушылар диалогы
1-оқушы
Сәлем, достым!
2-оқушы
Сәлем! Қалың қалай?
1-оқушы
Жақсы! Достым, бүгін 5-сынып оқушыларының не үшін жиналғанын білесің бе?
2-оқушы
Я знаю, для чего собрались сегодня все здесь. Мы собрались, чтобы отметить День языков народов Казахстана, который празднуется в нашей стране с 1998 года.
1-оқушы
Қадірлі ұстаздар мен оқушылар! Осы мерекеге арналған әдеби монтажымызды бастауға рұқсат етіңіздер!
Өлең жолдары
Тілім барда — қазағым бар, халқым бар,
Кең даладай шалғайым да, даңқым бар.
Аңқау, ашық мінезім бар аңқылдар,
Туған тілде сыры терең жаным бар.
Туған тілде әнім менен сәнім бар.
Туған тілім тіл болудан қалса егер,