Қазақша рефераттар

Сайыс жоспарымен таныстыру

Политехникалық кештің тақырыбы: «Пәндер эстафетасы»

Бұл кеш — оқушылардың политехникалық пәндер бойынша білімін, логикалық ойлауын және командалық жұмысын дамытуға арналған интеллектуалдық сайыс.

Сабақтың мақсаты

  • Білімділік: политехникалық пәндер бойынша алған білімді жүйелеу, білім мен білікті тексеру және бағалау.
  • Дамытушылық: тез ойлау қабілетін дамыту, әртүрлі есептер арқылы ой-өрісті кеңейту, пәнге қызығушылықты арттыру.
  • Тәрбиелік: ойын барысында белсенділікті, ынта мен жігерді күшейту, намысын қорғауға, әділ бәсекеге баулу.

Сабақтың типі

Интеллектуалдық ойын.

Көрнекіліктер

  • Қабырға газеттері
  • Слайд-презентация
  • Таратпа материалдар
  • Нақыл сөздер

Қатысушы топтар

Математиктер Физиктер Химиктер Информатиктер Биологтар Географтар

Кештің жоспары

  1. Таныстыру: әр топ өзін таныстырады.
  2. «Ғылымның дамуы»: реферат қорғау, слайд-шоу.
  3. «Сен маған, мен саған»: сұрақ-жауап.
  4. Қызықты көріністер
  5. Музыкалық номер: ән-шашу.

Барысы

  1. Ұйымдастыру
  2. Топтарды ортаға шақыру
  3. Әділқазы алқасымен таныстыру
  4. Сайыс жоспарымен таныстыру
  5. Сайысты жүргізу

Жүргізушілердің құттықтау сөзі

1-жүргізуші

Армысыздар, ұстаздар!
Айтар ойым — тұспалдар.
Сіз оқытқан оқушылардың
Сәті келді сыналар.

2-жүргізуші

Сәлеметсіздер, оқушылар!
Нақты ғылымға құштар жандар.
Естігенін естіп қана қоймай,
Оқығанын миға тоқитындар!

Бүгінгі кешке политехникалық пәндердің мектебіміздегі алғыр да білімді өкілдерін ортаға шақырамыз: математиктер, физиктер, химиктер, информатиктер, биологтар және географтар.

Сайыс кезеңдері

I кезең: Таныстыру

Әр топ өз атауын, ұранын және ерекшелігін таныстырады.

Бұл адамдар ардақтаған халықты,
Әр салада даңқы шыққан алыптар.
Қара, ойлан, зерек болсаң, балақай,
Алыптарды әрқашанда танып қал.

II кезең: «Ғылымның дамуы»

Слайд арқылы реферат қорғау және қысқаша таныстырылым жасау.

Білім — биік шың, бақытқа сені жеткізер.
Білім — ақылшың, қиындықтан өткізер.

III кезең: «Сен маған, мен саған»

Әр топ алдын ала дайындаған сұрақтарын басқа топтарға қояды. Мақсат — жылдамдық пен дәлдік.

Мәңгі есте қалар қызықты бір жиын болсын.
Білімдірек шәкірт озар — сұрақтары қиын болсын.

Көрермендерге ойын: «Ойлан тап»

Әр топтан үш оқушы шақырылады. Жауап беру барысында тапқырлық, шапшаңдық және ой ұшқырлығы бағаланады.

1-топ (М, Б, Е)

  1. «Математиканы білмесең, дұрыс өмір сүрмейсің» деген пікірге көзқарасың қандай?
  2. Физиканы жақсы меңгеру үшін адамға не қажет?
  3. Интернет желісіне қалай қосыласың?
  4. Жақын құрбыңның әжесінің жасы нешеде?
  5. Дүкенге барғаныңда қанша теңгеге сауда жасайсың?

2-топ (Т, Ж, К)

  1. Геометриялық фигураны ата.
  2. Компьютерде жұмыс істей аласың ба?
  3. Ең биік шың қалай аталады?
  4. Басыңда неше ми бар?
  5. Химия «миыңа кіре ме»?

3-топ (Н, А, С)

  1. Аспаннан қанша жұлдыз көріп тұрсың?
  2. Математика пәні саған қызық па?
  3. Адам қайдан пайда болды?
  4. Менделеев кім?
  5. Принтер не үшін қажет?

Қорытынды

Жарыс заңы — ежелден: жеңімпазды анықтау. Жеңімпаз болудың басты шарты — еңбектену және талмай іздену.

Енді бүгінгі сайыстың қорытындысын жариялау үшін сөз әділқазы алқасына беріледі.

Логикалық есептер

Есеп 1

Бір кемпір былай депті:

«Сапырып-сапырып Сарманға бер,
Құйып-құйып Құрманға бер,
Есіктегі екеуге бер,
Төрдегі төртеуге бер,
Өзің іш те, маған бер».

Мұны естіген ұрылар: «Бұл үй толы кісі, әрі бізден екі есе көп екен, кетейік», — деп тайып тұрыпты. Сонда үйде неше адам, неше ұры болған?

Жауабы: 10 адам, 5 ұры.

Есеп 2

Түйе, бота маң басқан,
Төрт аяғын тең басқан,
Шұнақ құлақ бес ешкі,
Қос лақты қос ешкі,
Төрт қозылы екі қой —
Бәрін бірге ойлап қой.

Жауабы: 17 (өлең ішіндегі сандарды қосамыз).