Жаңа тақырыпты түсіндіру
Сабақтың тақырыбы
Объектілермен жұмыс істеу, алмасу буфері.
Сабақтың мақсаты
Білімділік
Объектілерді жылжыту және көшіру ережелерімен, сондай-ақ объект атауын өзгерту, жою және қалпына келтіру тәсілдерімен таныстыру.
Тәрбиелілік
Оқушыларды ұқыптылыққа, тиянақтылыққа және жауапкершілікке тәрбиелеу.
Дамытушылық
Ойлау қабілетін дамыту, логикалық және абстрактілі ойлау дағдыларын жетілдіру.
Сабақ туралы қысқаша мәлімет
- Сабақтың түрі
- Аралас сабақ
- Қолданылатын көрнекі құралдар
- Компьютер, оқулық, жұмыс дәптері
Сабақтың өту барысы
- 1 Оқушыларды ұйымдастыру
- 2 Үй тапсырмасын тексеру
- 3 Жаңа тақырыпты түсіндіру
- 4 Компьютермен жұмыс
- 5 Сабақты бекіту
- 6 Үй тапсырмасын беру
Өткен материалды қайталау сұрақтары
-
Бағдарламаларды іске қосу және қапшықтарды ашудың неше жолы бар?
-
Файл дегеніміз не? Толық сипаттама бер.
-
Қапшық дегеніміз не?
-
Қапшық құру жолдары қандай?
-
Таңбаша дегеніміз не?
-
Таңбаша құру жолдары қандай?
Жаңа тақырыпты түсіндіру
Қапшықтарды, файлдар мен таңбашаларды жылжыту және көшіру
Windows жүйесінде объектілермен жұмыс істегенде оларды көшіру немесе бір орыннан екінші орынға жылжыту қажеттілігі жиі туындайды. Көшіру кезінде объект бастапқы орнында қалады, ал оның көшірмесі жаңа орынға орналастырылады. Қажет болса, бірнеше көшірме жасауға болады.
Жылжыту кезінде объект жаңа орынға ауыстырылады да, бастапқы орнынан жойылады (яғни, ол жерде енді болмайды).
Негізгі тәсілдердің бірі: тышқанның оң жақ батырмасы
Объектіні қапшық терезесінде жылжыту немесе көшіру үшін, тінтуір нұсқағышын объектінің үстіне апарып, оң жақ батырманы басып тұрып жаңа орынға сүйреңіз, содан кейін батырманы жіберіңіз.
Осыдан кейін экранда контекстік мәзір ашылады. Ондағы командалар:
-
Көшіру
Копировать
-
Жылжыту
Переместить
-
Таңбаша құру
Создать ярлык