Қазақша рефераттар

Біз ойыншықты неліктен көріп тұрмыз

Сабақтың мазмұны

Білім беру саласы

Әлеуметтік орта

Бөлімдері

Экология негіздері, өзін-өзі тану, көркем әдебиет

Оқу іс-әрекет түрі

Қоршаған орта

Тақырыбы

«Не неден жасалған?» Заттардың адам өміріндегі маңызы. Қағаз.

Мақсаты

  • Балаларды табиғи материалдардан жасалған заттардың түрлерімен таныстыру.

  • Әртүрлі материалдан жасалған заттарды топтастыра білуге үйрету.

  • Қағаз туралы түсініктерін бекіту, оның қасиеттері жайлы білім беру.

  • Кітапты ұқыпты ұстап, күтіп ұстауға тәрбиелеу.

Тілдік компонент

қағаз — бумага

кітап — книга

Сөздік жұмыс

картон тегіс тығыз бұдыр жылтыр

Қамтамасыз ету және жұмыс форматы

Технологиялық қамтамасыз ету

Қағаз түрлері, дидактикалық ойынға арналған құралдар, суреттер, тәжірибеге арналған құралдар, АКТ.

Жеке жұмыс

Балаларды сұрақтарға толық жауап беруге және қорытынды жасай білуге үйрету.

Сабақ барысы

1) Қызығушылықты ояту (жұмбақ)

Тәрбиеші балаларға жұмбақ жасырады:

Қобдиында қайырлы,
Қазынаның бәрі бар.
Тауысып көз майыңды,
Қалағаның табылар.

Жауабы: кітап

Сұрақ

Кітап неден жасалған?

қағаздан картоннан

2) Әңгімелесу: ағаштың маңызы

Тәрбиеші ағаштың адам өміріндегі рөлі туралы сұрайды. Балалардың жауаптары негізінде мына ойлар нақтыланады:

  • Жасыл ағаштар ауаны тазартады.

  • Табиғатқа көрік береді.

  • Ағаштан жиһаз, үйге қажетті бұйымдар жасалады.

Тәрбиеші: «Ағаштан қағаз жасалатынын кейінірек талқылаймыз. Ал қазір қағаздың түрлері мен қасиеттеріне назар аударайық».

3) Бақылау: қағаз түрлері

Балалардың алдында қағаз үлгілері беріледі. Олар қағаздың әртүрлі болатынын атап өтеді:

жұқа тығыз тегіс ақ түрлі түсті

4) Тәжірибелер: қағаздың қасиеттері

Төмендегі үш тәжірибе арқылы қағаздың негізгі қасиеттері бекітіледі.

Тәжірибе №1 — мөлдірлік

Ашық түсті ойыншық үстелге қойылады. Балалар әйнек арқылы ойыншықты көреді, себебі әйнек мөлдір. Кейін әйнектің орнына қағаз қойылады: ойыншық көрінбейді.

Қорытынды

Қағаз мөлдір емес.

Тәжірибе №2 — суды сіңіру

Екі стақан су алынады: біріне металл қасық салынады, екіншісіне қағаз майлық (салфетка) салынады. Қасық өзгермейді, ал қағаз толық ылғалданады.

Талқылау: «Жаңбырлы күні қағаздан жасалған қолшатырмен көшеге шығуға бола ма?» — Жоқ, өйткені су өтіп кетеді.

Қорытынды

Қағаз тез ылғалданады, яғни су өткізеді (суды сіңіреді).

Тәжірибе №3 — беріктік

Екі лента салыстырылады: біреуі қағаздан, екіншісі матадан. Екі бала ленталарды қуыршақтың шашына байлап көреді. Мата лента оңай байланады, ал қағаз лента жыртылып қалады.

Қорытынды

Қағаз оңай жыртылады.

5) Бекіту: қағаздың қосымша қасиеттері

Балалар қағаздың басқа да қасиеттерін еске түсіреді:

Отқа жақсы жанады.

Иісі жоқ.

Оған жазуға және сурет салуға болады.

Умаждағанда сықырлаған дыбыс шығады.