Қазақша рефераттар

Суреттерінен көрме ұйымдастыру, бағалау

Сабақ барысы

Бұл сабақта біз натюрморттың мәнін түсініп, заттарды қағаз бетіне сауатты орналастыруды және көлем мен пішінді сызық арқылы беруді тәжірибе жүзінде орындаймыз.

I

Ұйымдастыру

Қажетті құрал-жабдықтарды дайындау. Сыныпта жағымды көңіл күй қалыптастыру.

«Шаттық шеңбері»

Армысың, алтын Күнім!

Көгілдір көк аспан,

Бармысың, құстарым —

Қанатты достарым!

Жайқалған даланы,

Табиғат ананы

Көруге сағынып,

Келген біз баламыз.

II

Сабақ мақсатын хабарлау

Оқушылармен қысқа тапсырма орындап, негізгі ұғымға шығу: «Натюрморт» (сөзжұмбақ арқылы).

III

Жаңа сабақ

Адамдар көбіне айналасындағы заттардың әсемдігін байқамай жатады. Ал суретші сол сұлулықты көріп қана қоймай, өзгелердің де назарын аударып, тамсануына мүмкіндік береді.

Қозғалмайтын әртүрлі заттар бейнеленген сурет түрі бейнелеу өнерінде натюрморт деп аталады.

Құрылымы

Натюрморт бір-екі заттан да, бірнеше заттан тұратын күрделі композициядан да құралуы мүмкін.

Мазмұны

Кейде тақырыпқа сай натюрмортқа өсімдік, жан-жануар бейнелері де қосылуы мүмкін.

Көңіл күй

Суретші натюрморт арқылы белгілі бір әсер мен атмосфераны жеткізеді: мерекелік, көңілді немесе мұңлы болуы ықтимал.

Бақылау

Жарық бағыты мен көлеңкені дұрыс байқау — көлемді шынайы көрсетудің негізгі шарты.

Сергіту сәті

Қимыл-қозғалыспен бірге айтуға болады.

1–2 минут

Күркіреді күн, күн,

Терезелер шың-шың.

Жауды жыңбыр топ-топ,

Шелек-шелек көп-көп.

Жон арқаңды тос-тос,

Күнбағыс тез өс-өс!

Практикалық жұмыс: натюрморт орындау

Алдымыздағы көкөніс, жеміс-жидектерді үйлестіріп, өз бетімізше натюрморт құрастырамыз. Бүгінгі тапсырмада құмыра мен оның жанындағы апельсинді бейнелейміз.

  1. 1 Заттарды қағаз бетіне дұрыс орналастырып, жалпы композицияны анықтаймыз.
  2. 2 Әр заттың конструкциялық ерекшеліктерін (ось, пропорция, көлем) ескереміз.
  3. 3 Жай қарындашпен негізгі суретті жеңіл сызықтармен орындаймыз.
  4. 4 Қажет тұстарын өшіргішпен түзетіп, сызықтарды нақтылаймыз.
  5. 5 Түрлі-түсті қарындашпен бояуға кірісеміз: жарық қай жақтан түсетінін және көлеңке бөлігін ұмытпаймыз.

Назар аударатын негізгі қағида

Жарық пен көлеңке дұрыс берілсе, заттың көлемі анық көрінеді және натюрморт шынайырақ шығады.

IV

Қорытынды

Бүгін біз натюрмортты түсінуге тағы бір қадам жасадық. Барлығы бірден мінсіз шықпауы мүмкін, бірақ уақыт өте сендер өнерді де, заттар әлемін де тереңірек түсінетін боласыңдар.

Көрме

Оқушылар жұмыстары бойынша шағын көрме ұйымдастыру.

Бағалау

Композиция, пропорция, тазалық және түстер үйлесімі бойынша бағалау.

V

Үй тапсырмасы

Бір немесе екі заттан құралған натюрморт салып келу.

  • Заттарды дұрыс орналастыруға мән беріңдер.
  • Жарық бағыты мен көлеңкені көрсетіңдер.