Ананың аты кім
Батыс Қазақстан облысы, Бөкей ордасы ауданы, Сайқын ауылы
М.–С. Бабажанов атындағы ЖОББ мектебі
Мұғалім: Әбдрешова Айнагүл Фазылқызы
«Білім – жанып тұрған шырақ» сайыс сабағы
Бұл сабақ – оқушылардың білім-білік дағдыларын байқап, өздерін еркін ұстай білуге үйретуге бағытталған танымдық сайыс. Сонымен қатар шапшаң ойлау қабілетін дамытып, білімге деген қызығушылықты оятуды көздейді.
Мақсаты
- Оқушылардың білім-білік дағдыларын байқау.
- Өзін еркін ұстауға дағдыландыру.
- Шапшаң ойлау қабілеттерін дамыту.
- Білімге қызығушылықты арттыру.
Сабақтың барысы
І. Ұйымдастыру кезеңі. Мұғалім оқушыларға бүгінгі сайыстың мақсатын түсіндіріп, есте сақтау қабілеті мен ой-өрістің кеңдігін байқап көретіндерін айтады.
Мұғалімнің кіріспе сөзі
«Білмеймін» деп қысылма, талабың болса бойыңда.
Өнерлінің ырысы жарқырап жатыр бойында.
Осыдан кейін әр оқушы өзін таныстырады.
Топтар
І топ – «Білімділер»
Ұраны: Білекті бірді жығады, білімді мыңды жығады.
ІІ топ – «Ойшылдар»
Ұраны: Кітап – алтын сандық, іші толған қазына-құт. Оқы, оқы, ойыңа тұт.
І кезең: «Көңілді қалам»
Әр топқа жылдам сұрақтар қойылады. Мақсат – тез ойлап, нақты жауап беру.
І топқа сұрақтар
- Ертегі оқисың ба?
- Қай пәнді жақсы көресің?
- Досың кім?
- Анаңның аты кім?
- Сиырдың төлі қалай аталады?
- Жұлдыздар қай кезде пайда болады?
- Үй жануарларын ата.
- Қызанақтың түсі қандай?
- Неше жуан дауысты дыбыс бар?
- Балық қайда болады?
ІІ топқа сұрақтар
- Жасың нешеде?
- Шашыңның түсі қандай?
- Бір аптада неше күн бар?
- Жыл мезгілдерін ата.
- «Т» қандай дыбыс?
- Асханада не істейді?
- Жапырақ қай кезде сарғаяды?
- Тудың түсі қандай?
- Қазақстан Республикасының Президенті кім?
- Жемістерді ата.
ІІ кезең: «Мықты болсаң, тауып көр»
Мақал-мәтелдің жалғасын табу арқылы оқушылардың тілдік қорын және ойлау жылдамдығын тексереміз.
1)
Оқу – білім ............ бұлағы.
Білім – өмір ............ шырағы.
2)
Оқусыз білім ............ жоқ.
Білімсіз ............ күнің жоқ.
3)
Оқу – ............ білім азығы.
Білім – ............ өмір шырағы.
ІІІ кезең: «Ғажайып сурет»
Ұшқыр ойға серік болсын шеберлік! Бұл кезеңде оқушылар берілген қиындылардан бір бейне құрастырады.
«Арамызда тапқыр достар көп екен, соларды енді жарыстырып көрелік!»
ІV кезең: «Өлең – сөздің патшасы»
Оқушылар берілген өлеңдерді мәнерлеп оқиды.
Өлең – сөздің патшасы, сөз сарасы,
Қиыннан қиыстырар ер данасы.
Тілге жеңіл, жүрекке жылы тиіп,
Теп-тегіс, жұмыр келсін айналасы.
V кезең: «Ойлы болсаң, озып көр»
Жұмбақ шешу арқылы логикалық ойлау мен тапқырлық сыналады.
VІ кезең: «Сәйкестендіру» тесті
Берілген сөздерді мағынасына қарай дұрыс жұптастыру тапсырмасы орындалады.
І топ
- 1 Ақ ——— шашын
- 2 Жора ——— төмен
- 3 Жауын ——— қараша
- 4 Жоғары ——— жылы
- 5 Жып ——— жолдас
ІІ топ
- 1 Арыстан — боздайды
- 2 Қой — кісінейді
- 3 Түйе — мөңірейді
- 4 Сиыр — маңырайды
- 5 Жылқы — ақырады
Қорытынды сөз
Балалардың білімі құтты болсын, денсаулығы әрқашан мықты болсын! Білімдерін әрі қарай дамытып, ерінбей еңбек ететін, талапты да жігерлі болсын!