Қазақша рефераттар

Жүйенің өзгеру мен даму процестерін көрсететін модель

Сабақ туралы мәлімет

Пән
Информатика
Мұғалім
Туралиева Г. С.
Сабақтың тақырыбы
Әртүрлі салалардың мысалдарында модельдерді зерттеу
Сабақтың типі
Түсіндірмелі-көрнекілікті, практикум элементтері бар
Әдістері
Түсіндіру, сұрақ-жауап, жазбаша жұмыс, интерактивті тақтамен жұмыс

Сабақтың мақсаты

I. Білімдік

Модельдеу және формальдау ұғымдарын қалыптастыру; өткен материалды жүйелеу. Модельдеудің негізгі түрлерімен таныстыру және олардың сипаттамасын беру.

II. Дамытушылық

Модельдерді формальдау барысында оқушылардың зерттеушілік құзыреттілігін дамыту, логикалық ойлауын жетілдіру және ой-өрісін кеңейту.

III. Тәрбиелік

Танымдық қызығушылығын арттыру, ақпараттық мәдениетке тәрбиелеу.

Күтілетін нәтижелер

Сабақ соңында оқушылар төмендегі дағдыларды меңгеруі тиіс:

  • Объектінің моделі ұғымын түсіндіру.
  • Модельдерді кластарына бөлу қағидаларын қолдану.
  • Модельдеудің негізгі кезеңдерін атау.
  • Әртүрлі салалардан мысалдар келтіру және оларды талдау.

Сабақтың барысы

I. Ұйымдастыру кезеңі

  • Сәлемдесу.
  • Оқушыларды түгендеу.
  • Сабаққа дайындықтарын тексеру.
  • Сабақтың өту ретін қысқаша түсіндіру.

II. Үй жұмысын тексеру және қайталау

Қайталау бөлімі тест сұрақтары арқылы жүргізіледі. Төменде екі нұсқа берілген.

I нұсқа

  1. 1) Жүйенің өзгеруі мен даму процестерін көрсететін модель?

    • а) ақпараттық
    • ә) статикалық
    • б) динамикалық
    • в) материалдық

  2. 2) Қоршаған ортаны тану мақсатында модельдерді құру мен зерттеу қалай аталады?

    • а) модель
    • ә) модельдеу
    • б) формальдау
    • в) пішімдеу

  3. 3) Модельдеудің ұсыну формаларын атаңыз.

    • а) ақпараттық, материалдық
    • ә) оқулық, имитациялық, тәжірибелік
    • б) статикалық, динамикалық
    • в) сөздік, логикалық, арнайы, математикалық

  4. 4) Ақпараттық модельдерге не жатады?

    • а) сызбалар, кестелер, формулалар
    • ә) сөздік, логикалық, арнайы
    • б) оқулық, имитациялық, тәжірибелік
    • в) мәтіндік, логикалық, сызба

  5. 5) Қойылған мақсатқа нәтиже сәйкес келетін модельдеу процесінің кезеңі.

    • а) модельдің мақсатын қою
    • ә) модельді өңдеу
    • б) компьютерлік эксперимент
    • в) модельдеу нәтижесін талдау

  6. 6) Модельдеудің жіктелу ерекшеліктерін атаңыз.

    • а) барлық жауаптары дұрыс
    • ә) уақыт факторына байланысты
    • б) қолдану аймағына байланысты
    • в) берілу тәсіліне байланысты

II нұсқа

  1. 1) Қазіргі уақыттағы жүйенің күйін көрсететін модель?

    • а) ақпараттық
    • ә) статикалық
    • б) динамикалық
    • в) материалдық

  2. 2) Объектінің, әлем процестерінің нақты немесе ойдан шығарылған бейнесі қалай аталады?

    • а) модель
    • ә) модельдеу
    • б) формальдау
    • в) пішімдеу

  3. 3) Модельді сипаттай отырып, объектіні талдау процесі модельдеудің қай кезеңіне жатады?

    • а) модельдің мақсатын қою
    • ә) модельді өңдеу
    • б) компьютерлік эксперимент
    • в) модельдеу нәтижелерін талдау

  4. 4) Материалдық модельдерге не жатады?

    • а) геометриялық, химиялық, математикалық
    • ә) сөздік, логикалық, арнайы
    • б) оқулық, имитациялық, тәжірибелік
    • в) мәтіндік, логикалық, сызба

  5. 5) Басқарудың тиімді тәсілдерін анықтау және әрекетті болжау үшін не қажет?

    • а) модель
    • ә) модельдеу
    • б) формальдау
    • в) пішімдеу

  6. 6) Объектілер мен процестердің кейбір параметрлерін көрсететін формулалар модельді ұсынудың қай формасына жатады?

    • а) геометриялық
    • ә) арнайы
    • б) математикалық
    • в) графикалық

Негізгі идея

Бұл сабақта оқушылар модель, модельдеу және формальдау ұғымдарын нақты мысалдар арқылы бекітеді. Әртүрлі салалардан алынған жағдайларды талдау арқылы модельдердің түрлерін ажыратып, олардың қалай ұсынылатынын және қандай мақсатта қолданылатынын түсінеді.

Қосымша ескерту

Материалды жүктеу және тарату (қажет болса): «Әртүрлі салалардың мысалдарында модельдерді зерттеу».