Балаларды көліктің түрлерімен таныстыру
Ұйымдастырылған оқу қызметінің технологиялық картасы
Бұл материал таным саласы бойынша «Құрастыру» оқу іс-әрекетіне арналған. Сабақтың тақырыбы — «Көліктер».
Білім беру саласы
Таным
Оқу іс-әрекеті
Құрастыру
Тақырыбы
Көліктер
Мақсаты
Балаларды көліктің түрлерімен таныстыру, олардың қызметін түсіндіру және пайдалы еңбекке баулу.
Білімділік
Жүк көлігі және оның маңызы туралы түсінік қалыптастыру.
Дамытушылық
Көліктердің негізгі бөліктерімен таныстыру.
Тәрбиелік
Әр көліктің пайдасын талқылай отырып, еңбекқорлыққа тәрбиелеу.
Әдіс-тәсілдер
- Көрсету
- Түсіндіру
- Сұрақ-жауап
- Тақтамен жұмыс
Көрнекі құралдар
- Машина
- Автобус
- Жүк машинасы
- Ұшақ
- Кеме
Сөздік жұмыс
- Көлік
- — транспорт
- Ұшақ
- — самолёт
- Кеме
- — корабль
Мотивациялық-қозғаушы бөлім
Сабақ басында балалардың назарын шоғырландыру, жағымды көңіл күй қалыптастыру және қызығушылығын ояту көзделеді.
Психологиялық сәт
Армысың, алтын күн!
Армысың, асыл жер!
Армысың, жан досым!
Жылуыма жылу қос!
Міне, менің қолым!
Балалар, осы алған жылуымызбен және күш-қуатымызбен оқу қызметін бастаймыз.
Таңдандыру сәті
Бейнетаспадан машиналардың гүрілдеген дауыстары естіледі.
Тәрбиешінің сұрақтары:
- Балалар, бұл ненің дауысы?
- Дұрыс айтасыңдар, бұл — машинаның дауысы.
- Бұл машинамен келген кім екен? Кәне, бәріміз есік жаққа қарайық.
Балалар, бізге қонаққа қонжық келді. Ол бізден көмек сұрап келіпті. Кәне, қонжықпен амандасайық.
Қонжық: Балалар, маған машинаның түрлері және олардың пайдасы туралы айтып беріңдерші.
Сурет бойынша әңгімелесу
Балалар, бәріміз тақтаға қарап, суретте қандай көлік түрлері берілгенін анықтайық.
1-сурет: Машина, автобус, жүк машинасы
Талқылау сұрақтары
- Суреттегі көліктердің аттарын атап көрейік.
- Оларды бір сөзбен қалай атауға болады?
Негізгі ой
Көліктер адамдарды және жүктерді тасымалдауға көмектеседі. Әр көліктің өз қызметі бар.
2-сурет: Жеңіл машина және жүк машинасы
Талқылау сұрақтары
- Мына екі машина туралы не айтуға болады?
- Екеуінің қайсысы жүк машинасы?
- Екеуінің айырмашылықтары қандай?
Салыстыру
- Жеңіл машина
- Көбіне адамдарды тасымалдауға арналған.
- Жүк машинасы
- Жүк тасуға арналған, көлемі үлкен әрі қуатты.
Практикалық әрекет
Көліктерге жүк тиеу (жүктеу) тапсырмасы арқылы балалар көліктің қызметін тәжірибе жүзінде түсінеді.