Билингвальды құрағыш
Ұйымдастырылған оқу іс-әрекетінің технологиялық картасы
Сынып туралы мәлімет
- Жас тобы
- «Еркетай» мектепалды даярлық тобы
- Білім беру саласы
- Қатынас
- Оқу іс-әрекеті
- Тіл дамыту
- Тақырып
- Жабайы аңдар. «Тапқыр қоян» ертегісі
Ресурстар мен тілдік материал
Технологиялық қамтамасыз ету
- Суреттер
- Ойыншықтар
- Мнемосхема
Билингвальды құрағыш
- Жануарлар
- животные
- Қоян
- заяц
Сөздік жұмыс
- Бөлтірік
- Мыршай
- Миығынан күлу (езу тарту, мұртынан күлу)
Мақсаты
Білімдік
Жабайы жануарлардың мекені, қоректенуі, «жабайы» деп аталуы және өзара байланысы туралы түсінік қалыптастыру.
Дамытушылық
Ертегіні жоспар бойынша мазмұндауға үйрету; зейін, есте сақтау, дыбыстарды анық айту, сөйлеу және ойлау қабілеттерін дамыту; сурет арқылы әңгімелеуге жаттықтыру.
Тәрбиелік
Табиғаттың бір бөлігі — жануарларға қамқор болуға тәрбиелеу.
Сабақ құрылымы
-
1
Мотивациялық-қозғаушылық
Шаттық шеңбері, көңіл күй қалыптастыру.
-
2
Ұйымдастырушылық-ізденушілік
Орман бұрышы, жұмбақтар, жаңа тақырып, ертегі, сұрақ-жауап.
-
3
Бекіту
Суретпен әңгімелеу, дыбыстық жаттығулар, дәптер тапсырмасы, аудио ойын.
Негізгі ұғым
Жабайы аң — қолға үйренбеген, табиғатта өз бетінше тіршілік ететін аң. Олар орманда, далада, тауда өмір сүріп, қорек табуға бейімделген.
- Жыртқыштардың көзі қырағы, құлағы сақ, иіс сезуі жақсы дамыған.
- Ұсақ жануарлар (қоян, тышқан, көртышқан т.б.) жыртқыштардан қорғануға тырысады.
Мотивациялық-қозғаушылық
Шаттық шеңбері
Үлкенге де — сіз!
Кішіге де — сіз!
Үлкендерді құрметтеп,
Бас иеміз біз!
Ұйымдастырушылық-ізденушілік
Орта дайындау
Топ бөлмесі орман бұрышы секілді безендіріледі: орман жануарларының бейнелері мен ойыншықтары орналастырылады.
Жұмбақ
Бұлаңдаған құйрығы,
Бір алдарлық қулығы.
Сылдырдан қорқады,
Шошынып жортады.
Балалармен жабайы аңдар туралы қысқаша әңгіме жүргізіледі.
Жаңа тақырып: Жабайы жануарлар
Балалар, бүгін біз жабайы жануарлар туралы әңгімелесеміз. Жабайы аңдар табиғатта өз бетімен тіршілік етеді және адамға қолға үйренбеген болады.
Кейбір аңдар орманда, далада, тауда мекендейді. Жыртқыш жануарлар көбіне өзінен әлсіз, кіші жануарлармен қоректенеді. Сондықтан ұсақ аңдар олардан сақтанады.
Балалары қалай аталады?
- Қасқырдың баласы бөлтірік
- Қоянның баласы көжек
- Түлкінің баласы мыршай (жаутаң)
- Аюдың баласы қонжық
- Жолбарыстың баласы шөнжік
- Арыстанның баласы абдан
Сұрақ (сөздік жұмысы)
Балалар, осы жануарларды бір сөзбен қалай атаймыз? — Жабайы жануарлар.
Түсіндірме
«Миығынан күлу» — езу тарту, мұртынан күлу.
Негізгі бөлім: «Тапқыр қоян» ертегісі
Жұмыс кезеңдері
- 1 Ертегіні мұқият тыңдау.
- 2 Ертегіні мәнерлеп оқу.
- 3 Мазмұнымен танысу.
- 4 Сұрақ-жауап арқылы қорытындылау.
Сұрақ-жауап
-
Аң патшасы кім?
-
Ол аңдарға қандай тапсырма берді?
-
Жолбарыс суды кімге «іш» деді?
-
Қоян не ойлады?
«Миығынан күлді» — езу тартты, мұртынан күлді.
Қимылды өлең
Біз орманға барамыз,
Жан-жағымызға қараймыз.
Аю шықты қорбаңдап,
Қасқыр шықты ырылдап,
Түлкі шықты майысып,
Қоян шықты секіріп.
Қорықпаңдар, балалар,
Өз орныңды табыңдар.
Қысқа сөздік
- Қоян
- заяц
- Аю
- медведь
- Түлкі
- лиса
- Қасқыр
- волк
Сурет бойынша әңгімелеу
Балалар ертегіні суреттердің көмегімен ретімен әңгімелейді (мнемосхема қолдануға болады).
Фонетикалық жұмыс
- Жуан/жіңішке дыбысталуын анықтау: «жабайы», «аңдар».
- Буынға бөлу: жа-ба-йы, аң-дар.
Дыбыстық жаттығулар
Р-р-р
Қасқыр ырылдайды.
Ұр-ұр-ұр
Балам, орныңнан тұр. Қоянның түсі — сұр.
Ж-ж-ж
Қоян жолбарысты жеңді.
Дәптер тапсырмасы
Суреттен жануарлардың құйрықтарын тауып, сызықпен сәйкестендіріп көрсетіңдер.
Ойын: «Даусынан таны»
Шарты: аудиожазбадан әр түрлі жануарлардың дауыстары тыңдатылады. Балалар дыбысты танып, жануардың атын айтады.
Қосымша: «Танып ал, атын айт! Ненің құйрығы?» тапсырмасымен байланыстыруға болады.
Қорытынды
Бұл сабақта балалар жабайы жануарлардың тіршілік ету ортасы мен қоректенуі туралы түсінік қалыптастырып, «Тапқыр қоян» ертегісін тыңдау, талдау және сурет бойынша мазмұндау арқылы тілдік дағдыларын дамытады.
Негізгі құндылық — табиғатқа жанашырлық: жануарларды қорғау және қамқорлық көрсету.