Қазақша рефераттар

Жұлдыздар тобы

«Әкеммен, анаммен» спорттық эстафеталық жарысы

Құрметті қонақтар, жарысқа қатысушылар және жанкүйерлер! Бүгін өтетін «Әкеммен, анаммен» атты эстафеталық жарысқа қош келдіңіздер.

Формат

Ата-ана + бала

Командалық сайыс

Қазылар алқасы

  1. 1 Балабақша директоры: Турганбаева Нұрсауле Тұрақбайқызы
  2. 2 Балабақша әдіскері: Алибекова Зарина Әлібекқызы
  3. 3 Балабақша медбикесі: Тлегенова Ақшагүл
  4. 4 Шаруашылық меңгерушісі: Избасарова Сабина Серікқызы

Сайыс кезеңдері

  1. 1 Таныстыру: топтың атауы, ұраны, эмблемасы.
  2. 2 Кім жылдам: кедергілерден өту.
  3. 3 Кенгуру: қаппен секіру.
  4. 4 Мерген: допты құрсауға дәл түсіру.
  5. 5 Арқан тарту: қазақ халқының ұлттық ойыны.

Жүргізуші сөзі

Ал, құрметті халайық, жарысты енді көріңіздер. Әділқазылар алқасы, әділ баға беріңіздер.

Уа, халқым, назар аудар денсаулыққа. Өмірде бақыттысың, денің сау болса. «Денсаулық – терең бақыт» деген сөзді ұлы Абай бекер айтпаған.

Кезеңдер және шарттар

1-кезең: Таныстыру

Командалық

Шарты: әр команда өз атауын және ұранын айтып, эмблемасын тағып шығуы керек.

2-кезең: Кім жылдам

Эстафета

Шарты: қолда доп болады. Кедергілер арасынан мүдірмей өтіп, допты келесі ойыншыға береміз. Ойын осы тәртіппен қайталанады.

Денің сау болса — күштісің бұл әлемде,
Денің сау болса — сұлусың жер бетінде.
Сол мықты денсаулықтың арқасында,
Жетерсің әлі талай жеңістерге.

3-кезең: Кенгуру

Қаппен секіру

Шарты: қапты киіп, кеглилер арасымен ирек жасап жүріп, айналып келу.

Жатыпішер боп жалқау, сен болма еріншек.
Спортпен айналыс — талаптан да, еңбек ет.

4-кезең: Мерген

Дәлдік

Шарты: қолдағы допты құрсауға дәл түсіру керек.

Шынығамыз біз күнде,
Тынығуды білмейміз.
Шаршамаймыз біз мүлде,
Ойын ойнап әр күнде.

5-кезең: Арқан тарту

Ұлттық ойын

Шарты: екі команда тартысады. Жеңген команда келесі топтың жеңімпазымен арқан тартысып, сайысты жалғастырады.

Қорытынды

Өнерге биік сеніңіз, думандатып жүріңіз. Әділқазы ел сенген — бағаны әділ беріңіз.

Құрметті спортшылар мен ата-аналар, жүлделеріңіз құтты болсын!

Бүгінгі «Әкеммен, анаммен» атты спорттық эстафеталық жарысымыз өз мәресіне жетті. Келесі кездескенше сау болыңыздар!