Қазақша рефераттар

Бүгінгі сабақ ерекше сабақ

Сабақтың тақырыбы

Ә дыбысы мен әрпі.

Сабақтың мақсаты

  • Білімділік

    Ә дыбысымен таныстыру; Ә дыбысы бар сөздерге дыбыстық талдау жасату; сөз бен сөйлем құрауға, сөзді буынға бөле білуге дағдыландыру; қол жаттықтыру дәптерлеріне Ә әрпін жаздыру.

  • Дамытушылық

    Ой-өрісін, тіл байлығын, тапқырлық пен ізденімпаздық қасиеттерін дамыту.

  • Тәрбиелік

    Үлкендерді сыйлауға, құрметтеуге тәрбиелеу.

Әдіс-тәсілдері

Түсіндіру, сұрақ-жауап, ойын, әңгімелесу.

Сабақ түрі

Саяхат сабақ.

Сабақтың барысы

I. Ұйымдастыру

Оқушыларды сабаққа психологиялық тұрғыдан дайындау.

II. Үй тапсырмасын сұрау

Сұрақ-жауап

Өткен сабақта қай әріппен таныстық?
І дыбысы мен әрпі.
І дыбысына сөздер ойлап айтыңдар.
Оқушылар өз мысалдарын келтіреді.
І дыбысы дауысты ма, дауыссыз ба?
Дауысты.

Ережені еске түсіру

  • Дыбыс — естиміз және айтамыз.
  • Әріп — жазамыз, көреміз, оқимыз.

Сызбамен жұмыс: талдау және жинақтау.

Жаңа сабақ: ой толғаныс

Бүгін тағы бір жаңа әріппен танысамыз. Сабақ ерекше форматта өтеді: бізге қонаққа әже келді. Әженің Әсет және Әсел деген екі немересі бар екен. Әжесі базарға кеткенде, екі бала сыртқа шығып, адасып кетеді. Біздің міндетіміз — оларды табуға көмектесу.

Сюжеттік тапсырма

Тапсырмалар сюжеттік суреттердің көмегімен орындалады. Әженің жолында да, балалардың жолында да кедергілер кездеседі — әр кедергіні тапсырма арқылы жеңеміз.

I деңгей

Өзеннен өту: “Миға шабуыл”

Сөзжұмбақ

Сөзжұмбақты шешу арқылы “Әліппе” сөзі туралы мағлұмат беріледі.

  1. Әкенің анасы кім?
  2. Ешкінің төлін ата.
  3. Тышқанның үйін ата.
  4. Ірі жануарды ата.
  5. Жеті күн тағы қалай аталады?
  6. Ыдыс түрі.

Нәтиже

Шыққан сөз: “Әліппе”. “Әліппе” сөзі Ә дыбысынан басталады.

Жаңа ұғымды бекіту

Бүгінгі тақырып: Ә дыбысы мен әрпі.

Ә дыбысының түрін анықтау үшін бәріміз “Ә” деп созып айтамыз.

Қорытынды: Ә — дауысты дыбыс. Олай болса, оны дауыстылар қатарына орналастырамыз (әріптер салынған қалтаға салу).

II деңгей

“Алма ағашы” тапсырмасы

Буынға бөлу

Немерелердің жолындағы кедергіні жеңу үшін Ә әрпінен басталатын сөздер ойлап, оларды буынға бөлеміз. Кейін Ә әрпін ауада жазып үйренеміз.

Жаттығу

Ә әрпінен басталатын сөздерді атау және буынға бөлу.

Жазылым

Ә әрпін ауада жазу, кейін дәптерге көркем етіп түсіру.

Сергіту сәті

Әндету

Әлди, әлди, ақ бөпем,

Ақ бесікке жат бөпем.

Жылама, бөпем, жылама,

Жілік шағып берейін.

III деңгей

“Сиқырлы пеш” тапсырмасы

Сөйлем құрау

Әже немерелеріне асығып келе жатқанда алдынан “сиқырлы пеш” шығады. Бұл кедергіден өту үшін сөздерге сөйлем ойлап, оны сызба (схема) түрінде тақтаға түсіреміз.

Нәтижесі

Оқушылар Ә дыбысы бар сөздерді қолданып сөйлем құрайды және сөйлем құрылымын схема арқылы көрсетеді.

Қорытынды

  • Ә дыбысы — дауысты дыбыс.
  • Ә әрпін жазу дағдысы: ауада жазу → дәптерде көркем жазу.
  • Ә дыбысы бар сөздерге дыбыстық талдау, буынға бөлу, сөйлем құрау.