Балалар қонжық сияқты балабақша туралы өлеңді жаттап, айтып жүргілерің келеме
Білім саласы: Қатынас
Бөлім: Көркем әдебиет
Тақырып: Балабақша — базарлы үй
Мақсат
- Балалардың балабақша туралы білімін өлең жолдары арқылы толықтыру.
- Сөздік қорын дамыту; мәнерлеп оқуға және сұрақтарға нақты жауап беруге үйрету.
- Балабақшада өз үйіндегідей еркін жүріп-тұруға тәрбиелеу.
Қолданылатын көрнекіліктер
- Қонжық
- Балабақша суреттері (бірнеше қабатты ғимараттар)
Сөздік
- Балабақша
- детский сад
Іс-әрекет кезеңдері
Себепті-оятушылық
Қызығушылықты ояту және диалогқа тарту
Тәрбиешінің іс-әрекеті
— Балалар, біздің кішкентай досымыз қонжық сендерге бір нәрсе үйреткісі келеді.
— Кеше сендер оны балабақша бөлмесімен таныстырдыңдар. Енді ол «Балабақша деген не?» дегенді түсіндіргісі келеді.
— Қонжықтың ұсынысын қабылдаймыз ба?
Балалардың іс-әрекеті
Қонжықтың ұсынысын қабылдайды.
Ұйымдастыру-іздеушілік
Сұрақ-жауап, түсіндіру, жаттау
Тәрбиешінің іс-әрекеті
Тәрбиеші қонжықты қолына алып, оның атынан балалармен диалогқа түседі.
— Сендер балабақшаға қашан келесіңдер? (таңертең)
— Содан кейін не істейсіңдер? (ойнаймыз, тамақтанамыз, ұйықтаймыз)
— Осындай іс-әрекеттерді үйлеріңде де жасайсыңдар ғой. Демек, балабақша да сендердің үйлерің сияқты.
— Біз бәріміз бір үйде тұрып жатқан достармыз. Балабақшада ойнаймыз, күлеміз, бір-бірімізді ренжітпеуге тырысамыз.
Өлең
Балабақша — базарлы үй,
Қаладағы ажарлы үй.
Күлкісі бар шуақты,
Өз үйіміз сияқты.
— Қандай тамаша өлең жолдары! Қонжық, біздің балаларға осы өлеңді үйретші.
— Балалар, қонжық сияқты балабақша туралы өлеңді жаттап, айтып жүргілерің келе ме?
— Жаттап алған соң кешке аналарыңа айтып беріп, қуантасыңдар.
Жұмыс реті
- 1 Өлеңді оқып беру.
- 2 Әр шумақтағы сөздер мен тіркестердің мағынасын түсіндіру.
- 3 Хормен қайталап айтқызу.
- 4 Жаттап алған балаларды тыңдау.
Балалардың іс-әрекеті
Қонжықты мұқият тыңдайды.
Өлеңді жаттауға келіседі.
Хормен қайталайды.
Жаттап алған балалар өлеңді айтып береді.
Қорытынды-түзетушілік
Талдау, бекіту, рефлексия
Тәрбиешінің іс-әрекеті
— Қандай тамаша өлең! Бұл өлең бізге нені үйретті?
— Балабақшаны қандай үй дейді? (базарлы үй) Демек, бұл — баласы көп, көңілді үй деген сөз.
— «Қаладағы ажарлы үй» дегенді қалай түсінеміз? (әдемі, әсем, кең, үлкен)
— Өлеңде кімдердің күлкісі айтылған? (біздің күлкіміз) Сендердің күлкілеріңсіз балабақша мұндай шуақты болмас еді.
— Балабақша өз үйлеріңе ұқсайды деп ойлайсыңдар ма? Неліктен?
— Қонжыққа алғыс айтайық. Енді өлеңді бәріміз бірге тағы бір рет қайталайық.
Балалардың іс-әрекеті
Сұрақтарға жауап береді.
Қонжыққа алғыс айтады.
Өлеңді хормен қайта қайталайды.