Зияткерлік сайысымыздың тақырыбы
Сайыс туралы
Атырау қаласындағы Назарбаев Зияткерлік мектебінде қазақ тілі мен әдебиеті пәнінің мұғалімі Текеева Жанша Тажибаевна ұйымдастырған «Мәңгілік ел — мұратым» тақырыбындағы «Бәйтерек» зияткерлік сайысының жүргізілу мазмұны ұсынылады.
Жүргізуші: Армысыздар, қымбатты достар және көрермендер! Бүгін өз мықтылығын танытатын «Бәйтерек» зияткерлік ойынына қош келдіңіздер!
Сайыстың мақсаты
- Оқушыларды өз бетінше ізденуге және ойын еркін жеткізе білуге үйрету.
- Ой-өрісін, тіл байлығын, ойлау қабілетін дамыту.
- Шығармашыл, белсенді тұлға тәрбиелеу.
Тақырып: «Мәңгілік ел — мұратым»
Қатысушылар мен командалар
Алғашқы ойын 10-сыныптар арасында өтеді. Апталық сайысқа мектебіміздегі 10A, 10B, 10C сынып оқушылары қатысып, өз білімдерін ортаға салады. Озып шыққандар келесі кезеңде өзге жүйріктермен қайтадан білім жарыстырады.
Команда құрамы
Әр сыныптан 3 оқушы команда құрайды және команда атауын алдын ала таңдайды (мысалы: «Жігер», «Дарын», «Болашақ», «Қазақ», «Бірлік», «Алаш», «Қайрат», «Білім» және т.б.).
Команда
«Қазақ»
10C сыныбы
Команда
«Алаш»
10A сыныбы
Команда
«Болашақ»
10B сыныбы (мысалы: Серікбай Жансұлу)
Жүргізуші: Оқушыларды құрметпен қарсы алайық!
Өнерпаздар үні
Ойынның көңілді өтуіне мектептің өнерпаз жастары ықпал етеді: домбырадан күй, қобыздан әуен орындалады.
Команда мүшелеріне сөз беріледі: олар өз атауларының мәнін қысқаша түсіндіріп, ойынға деген жігерін білдіреді.
1-айналым: «Шежіре»
Қатысу тәртібі: әр командадан 1 оқушы қатысады, қалған ойыншылар күту залында отырады.
Сұрақ саны
5
Ойлану уақыты
5 секунд
Әр жауаптың ұпайы
10 ұпай
«Қазақ» тобына сұрақтар
- Қамшы, шоқпар сияқты қарулардың сабына тағылатын ілмек қалай аталады?
- Айшабибі кесенесі қай облыста орналасқан?
- Тұңғыш Президентіміздің «Қазақстан жолы» кітабы неше жылды қамтиды?
- Ұлт жоспары қалай аталады?
- Ауылға басқа жақтан көшіп келген үйді қонаққа шақыру салты қалай аталады?
«Алаш» тобына сұрақтар
- Жалманы енді, жарты ай түріндегі ұзын сапты балта қалай аталады?
- «Теке» деп аталатын қай қала?
- «Ұшқан ұя» кітабының авторы кім?
- «Мәңгілік Ел» патриоттық актісі жобасын әзірлеу нені білдіреді?
- Ақсақал табақта қалған етті жас балалар мен жігіттерге асатады. Бұл қандай дәстүр?
«Болашақ» тобына сұрақтар
- Жыл басының 22 наурызға сәйкес келетінін дәлелдеген ғалым кім?
- Елбасы дүниеге келген ауыл қалай аталады?
- XII–XVI ғасырлардағы Ясы ортағасырлық қаласы қазіргі қай қала?
- Н.Ә. Назарбаевтың «Сындарлы он жыл» кітабы неше бөлімнен тұрады?
- Қазақ салтында сағынысып кездескен адамдардың амандасуы қалай аталады?
Қорытынды (толтыруға арналған): Қазақ — … ұпай, Алаш — … ұпай, Болашақ — … ұпай.
2-айналым: «Нұрдала»
Сұрақ саны
5
Ойлану уақыты
10 секунд
Әр жауаптың ұпайы
20 ұпай
Бұл айналымда сұрақтарды көрерменге танымал тұлғалар қояды. Сұраққа жауап беру үшін команда жалаушаны бірінші болып көтеруі керек.
Егер жауап қате болса, басқа командалар жауап беруге мүмкіндік алады. Сұрақтар бейнежазбада беріледі, жауаптары тыңдатылады және ұпай есептеледі.
Қорытынды (толтыруға арналған): Қазақ — … ұпай, Алаш — … ұпай, Болашақ — … ұпай.
3-айналым: «Самұрық»
Бұл кезеңге команда мүшелері толықтай қатысады. Жүргізушінің айтуынша, бұл айналым «Бәйтеректің басына шыққандай» әсер сыйлайды: сұрақтар күрделірек, таңдаулар көп, стратегия маңызды.
Ойын құрылымы
- Экранға 6 категория шығады: Тарих, География, Тұлғалар, Салт-дәстүр, Мәдениет пен өнер, Шарайна.
- Әр категорияда 2 сұрақтан бар.
- Дұрыс жауапқа 30 ұпай беріледі.
- Ойынды ұпай саны бойынша алда тұрған команда бастайды (осы ойында — «Алаш»).
- Қате жауап берілсе, жалауды бірінші көтерген команда жауап береді.
«Самұрық» көмегі
Команда жауап таба алмаса, «Самұрық» көмегін сұрай алады. Бұл мүмкіндікті әр команда бір-ақ рет пайдаланады. Қолданылған жағдайда сұрақтың 3 нұсқасы көрсетіледі, команда біреуін таңдайды. «Самұрық» алынған сәтте қалған екі команда жауап бере алмайды.
Көмбе және тосын сый
«Бәйтерек» бұтақтарының бірінде кішкентай көмбе жасырылған: сұрақ оқылғаннан кейін жасырылған затты табу керек. Сонымен қатар жасырын сұрақтардың бірінде тосын сый бар: команда жауап берместен-ақ 30 ұпай алады.
Жүргізуші: Ендеше ойынды бастайық. Алғашқы жүрісті ұпай санынан алда келе жатқан «Алаш» командасы бастайды. Категория таңдау құқығы сіздерде.
Қорытынды
Команда
«Қазақ»
120 ұпай
Команда
«Алаш»
160 ұпай
Команда
«Болашақ»
140 ұпай
Бүгінгі ойынға қатысқан командаларға алғысымызды білдіреміз.
Апталық сайыстың жеңімпазы — «Алаш» тобы. Енді команда келесі ойынға жолдама алып, келесі кезеңде бақ сынайды.