Қазақша рефераттар

Сайыстың бөлімдерін айтып таныстыру

Сайыс сценарийі

«Ал, қане, ұлдар!»

Бұл іс-шара ата-бабадан жалғасқан салт-дәстүр мен асыл сөзді ұлықтап, жас ұрпақтың ұлттық санасын нығайтуға бағытталған.

Білімділік мақсаты

Ұрпақтан-ұрпаққа жеткен халқымыздың салт-дәстүрін дәріптеу және насихаттау.

Тәрбиелік мақсаты

Ұл балаларды ұлтжандылыққа баули отырып, әдептілік пен ізеттілікке тәрбиелеу.

Дамытушылық мақсаты

Оқушының дүниетанымын кеңейтіп, ой-өрісін дамыту.

Жоспар

  1. I Кіріспе сөз
  2. II Сайыс (7 бөлім)
  3. III Негізгі бөлім (тапсырмалар мен ойындар)
  4. IV Қорытындылау

Кіріспе сөз (мұғалім сөзі)

«Ал, қане, ұлдар!» атты сайысымыз ата-бабаларымыздан бері ұрпақтан-ұрпаққа жеткен салт-дәстүрімізді, асыл сөздерімізді дәріптеу және насихаттау мақсатында өткізіледі. Бүгінгі сайыс ұл балаларды ұлтжандылыққа тәрбиелеуге бағытталған. Ендеше, сайыстың бөлімдерімен танысайық.

Сайыс бөлімдері

1-бөлім: Таныстыру

Әр сыныптың оқушылары ортаға шығып, өздерін таныстырады.

2-бөлім: «Ойлан, тап!» (жұмбақ шешу)

Оқушылар жұмбақтардың шешуін табады.

  1. 1. Әжем сақтар тапқанын, қоймасы бар шап-шағын. Сандық

  2. 2. Торы тай, табында төрт ай. Таға

  3. 3. Сөзі дана, үні жоқ, сөйлемейді тілі жоқ. Қолыңа алсаң шешен, ақылы асқан көсем. Кітап

  4. 4. Қос қазық, екі желі, сегіз ноқта, адам соқса шежіредей сөйлейді. Домбыра

  5. 5. Иесі оның — сәби, әрі төсек, әрі үй. Бесік

  6. 6. Көтеріп орман, тоғай, тастың бәрін, жанында шөгіп жатыр үлкен нарым. Киіз үй

  7. 7. Көліксіз өмір сүрмейді, ғұмыры жаяу жүрмейді. Ер-тоқым

  8. 8. Жаңылмастан жетеуі, кезек қызмет етеді. Аптаның жеті күні

3-бөлім: «Жалғасын тап» (мақал-мәтелдер сайысы)

Берілген мақалдардың жалғасын тауып айту.

1. Туған жердей жер болмас… Жауабы: Туған елдей ел болмас.

2. Тіл тас жарады… Жауабы: тас жармаса, бас жарады.

3. Бұлақты болса, көл семіреді… Жауабы: ынтымақты болса, ел семіреді.

4. Кісі елінде сұлтан болғанша… Жауабы: өз еліңде ұлтан бол.

5. Туған жердің құдіретін… Жауабы: шетте жүрсең білерсің.

6. Отан отбасынан… Жауабы: басталады.

7. Ел елдің бәрі жақсы… Жауабы: өз елің бәрінен жақсы.

8. Тұғырым менің — … Жауабы: туған жерім.

4-бөлім: Сұрақтар мен тапсырмалар

Оқушылардың жауаптары тыңдалып, толықтырулар енгізіледі.

  • 1. Қазақтың ұлттық ойындарын ата.
  • 2. Ырым-тыйым сөздерден мысал келтір.
  • 3. Қазақтың ұлттық мерекесі — Наурыз қашан тойланады?
  • 4. Қазақтың ұлттық тағамдарын ата.
    Бесбармақ Бауырсақ Құрт-май Айран Шұбат
  • 5. Бала дүниеге келгенде орындалатын дәстүрлерді ата.
  • 6. «Батамен ел көгерер» — бата беріп көр.
  • 7. Айран қай малдың сүтінен жасалады?
  • 8. Қаймақ қандай сүттен алынады?

5-бөлім: Ою-өрнек

Оқушылар өз таңдауы бойынша оюды қағаздан қиып, жұмысын таныстырады.

6-бөлім: «Орамал тастамақ» ойыны

Ойынның шарты түсіндіріліп, оқушылар белсенді қатысады.

7-бөлім: Білек күшін сынасу

Кім епті екенін сыныпта,
Күштілер бар біздерде,
Төтеп берер тығырықта!

Оқушылар білек күшін сынасады. Соңында қазылар алқасының бағасы тыңдалады.

Қазылар алқасына сөз

Табылар білім болса бар асыл да… Енді кезек қазылар алқасының бағасына беріледі.

Қорытындылау

Жас ұрпақтың рухани нәр алып жетілуіне халықтық асыл мұраның әсері мол. Оны жинақтап, зерттеп, келер ұрпақтың бойына дарыту — кезек күттірмейтін өзекті мәселенің бірі. «Ұяда не көрсең, ұшқанда соны ілерсің» дейді қазақ: бала жасында қалай тәрбиеленсе, есейгенде соны жасайды. Сондықтан халықтық тәрбиенің туын биік ұстап, жас ұрпақты қасиетті халқымыздың тәлімдік үлгісімен тәрбиелейік.

Түйін

  • Ұлттық салт-дәстүрді тану — тұлғаның рухани негізін күшейтеді.
  • Сайыстық формат — оқушының белсенділігі мен ынтасын арттырады.
  • Әдеп, ізет, отансүйгіштік — бастауыштан қалыптасатын құндылықтар.